Ka Nupepa Kuokoa, Volume LXI, Number 43, 26 October 1922 — O MRS. KAUHANE KANAHELE UA HALA [ARTICLE+ILLUSTRATION]

O MRS. KAUHANE KANAHELE UA HALA

E Mr. Lunahooponopono: —E olu-1 oiu oe e haawi mai i kekahi kowa kaawale o kau pepa, i ike mai ai hoi na makamaka ame na hoaloha, o Mrs. Kauhane Kanahele ua haalele mai i keia ola ana. No kekahi mau mahina lehulehu i hala kona hoomailoia ana e ka ma'i, ua huliia kona ola ma na ano apau e hiki ai ke»paa mai i ke ola iloko ona, aka nae no ka oi aku no o ka ikaika o ka ma'i i loohia ai oia ua moku ae la ke kaula dala a ua naha hoi ka pakeke ma ka punawai, a moe aku la oia i ka moe kau a moe hooilo, ame ka minamina nui ame ke aloha pau ole au e u ae nei nona. Ua hanauia o Mrs. Kauhane Kanahele ma Keei, Kona Hema, Hawaii, i ka niahina o Mei, 1864. Elua laua, he mau wahine no a elua niai k:i puhaka hookahi mai; ua muke mua kona hanaumua, oia o Mrs. Oneha. Ua mare mua oia i ke kane i kona wa opio a mailoko mai o laua na keiki elua e ola nei, he keikikane aia i Amerika, a he kaikamahine e ola nei me kana mau keiki lehulehu. Mahope iho o ka make ana aku o kana kane mua, ua mare -hou oia i ke kane, oia o S. K. Nakapaahii i liala e ma kela aa, a owau ke kolu o kana kane mare a moe aku la oia. L'a haalele niai oia i keia ola ana maloko o ko maua honie ma ka hora 10 o ka po Poalima, Okaloha 20, 1922, a maloko o ka halekupapau o fc>ilva i kau ai kona kino wailua mai ia po Poalima mai; ua malama niua ia kona anaina haipulo e ka' Ahahui Kalama mamua o ka laweia ana ae i Kawaiahao no ka malamaia ana o kona anaina hoolewa e ka Rev. A. Akana, a maloko o ka ilina 0 Kawaiahao i hoomoeia aku ai kona kino wailua no ka wa pau ole. He hoahanau kahiko oia no Kawaiahao, a he lala no ka Ahahui C. E. o Kaumakapili, a he lala kahiko pu no hoi no ka Ahahui Kalama. He wahine oluolu a hookipa oia i na hoaloha, ]ie heahea a he makua maikai no ka home, a oiai niamuli o kona ano kanaka makua ua lilo oia 1 mea kokua nui i. ke ano o ke ola ana, a nie ka minaniina ame ke aloha poina ole au e hoomanao mau nei nona. Ke haawi aku nei au i ha hoomaikai he nui i na hoaloha amo na makamaka i komo pu mai e u pu me makou iloko o ko makou mau hora ! ikiiki o ke kumakena ana, a pela |hoi no na makaua pua nani i haawi ia mai no ka hoonani ana iho i ke | kino wailua, a pela hoi i ka poe | apau i ka i pu aku me ia ma kana huaka'i hope loa no ka ilina, Na ka kikomaikai o ka Mea Mana Loa |c hoomalu ia kakou apau. Xa makou me ka luuluu, BĀMUEL KANAHELE. Me ka Ohana. Auwaiolimu, Oct. 25, 1922. — Wa na hoike i loaa mai i keia kulanakauhale mai Hi?o mai, he nui •ke ohohia o na mana koho o Hawjyi i Hikina, nia na wahi apau a Senatoa John H. Wise e haiolelo ai; ua manaoia e huliamahi ana ka'poe i koho ai ia Norma n K. Ljman, ma ke koho ana ia Senatoa J. H. Wise.

MRS. KAUHANE KANAHELE.