Ka Nupepa Kuokoa, Volume LXI, Number 43, 26 October 1922 — NO KA HOOKUU ANA HE 17 MAU MA'I O KALAWAO. [ARTICLE]

NO KA HOOKUU ANA HE 17 MAU MA'I O KALAWAO.

Mamuli o ka hooia ana mai o ke Kauka Goodhue o ke Kahua Ma'i ma Kalaupapa i ]ta niaikai o kekahi poe ma'i he 17 ka nui me he mea la e hookuuia mai ana lakou mai ke kahua ma'i mai malalo o ka hoomalu ana a ka Papa Ola, o keia ka mea hou 'i holopuni ae mamuli o ke kauka a peresidena o ka Papa Ola Trotter ..o k«a hoike ana ae ma ka Poalua nei; ua hoounaia aku kekahi mau kauka no ke kahua ma'i no ka nana a*na mamua o ke aponoia ana aku o ka ke Kauka Goodhue hooia. No ka nana ana ia mau ma'i elua mau kauka i hoounaia aku e ka Papa Ola, oia ke Kauka Wayson ame Hassentine. Ma ka oleloia o k-ekahi o kela poe ma'i i manaoia e hookuu mai malalo o ka hoomalu ana a ka 'Papa he 20 ka makahiki ka loihi o kona noho ana malaila. O keia hooiaia ana mai la no ka hookuuia mai o 17 poe ma'i o ia ka hua o ka hoohanaia ana o ka aila Chaulmoogra maluua o lakou. Ina no ka hookuuia mai o kela poo ma'i, alaila o ka piha ana ia o ke 44 o na ma'i i liookuuia mai ia kahua ma'i mai, mai ka 1919 mai ka manawa mua i hoohanaia ai ka aila chaulmoogra ma Kalaupapa. Hookahi haneri ame kanalima ka nui o na ma'i i hookuuia mai ka halema'i mai ma Kalihi mai ia makahiki mai.