Ka Nupepa Kuokoa, Volume LXI, Number 43, 26 October 1922 — Nuhou Kuloko [ARTICLE]

Nuhou Kuloko

Ke huli pono mai nei ka Papa Hoonaauao i ka oiaio a oiaio ole o na hoopii e olelo ana no ka hookaeia o na keiki a na Pukiki ma ke Kula a'o pili olelo. j Ua hoi mai nei o John P. Erdman mai kana huakai aku nei i ka aina makua a e hoomaka aku ana oia i kana mau hana maamau me ka Pa'pa Hawaii. Pilipu o laukea ia Kakina i kn. paia ma o ka weluwelu liilii ana o kana mau kumu ku-e apau o ku hoike ana ae ma ke akea ia John Wise ka moho elele Eepuhalika. Mahope .iho o ka hoohala ana i kekahi mau la 'ma Maui, i huli hoi mai ai o Senatoa C. E. King no ke kulanakauhale nei, ma k«i Mauna Kea o ka Poalua aku la i hala. Ua haalele aku la ka Rer. W. A. Tate, ka mikanele o Maui Komohana i kona kahuahana a e hoi ana oia me kona ohana no Los Angelea mamuli o ka maikai ole o ke ola kino. E holo aku ana ke Komisina o na Home Hawaii no Molokai a koe ke Kamaliiwahine Kalanianaole ma ka po o ka la apopo no ka nana ana i na hana e hanaia niai la ma na aina hoopulapula o Kalamaula. E hoomanaoia ana ka la 11 o Noka oihana kaua kuloko, na kula ame na ahahui, pela me n» makaainana o ke Teritore, ma kc ano o ia ka la i pau ai ks kaua nui luku kanaka o ke ao i ike ole ia ka lua ma ka mooleio. Ma ka Poakahi iho nei i hala aku ai ka Loio Arehie E Kahele no Hana, Maui, no kekahi hana pili i kana oihana, a oiai malaila c hooikaika aku ana oia no ka moho elele Scnatoa Jol.n H. Wise. Malalo ae nei o Aala Paka, ma ka po o ka Poalua aku la i hala, i welie ae ai na moho Demokarāta i ka lakou halawai kalaiaina akeu, no ka hoomaka ana aku i ka hoo ikaika ba!oka ana, no keia kau koho baloka. Ma ka hora ehiku me ka hapa o keia ahiahi Poaono iho, e wehe ae :ina na moho o ka aoao Repubalika ame' na alakai o kela aoao kalaiaina, i ka lakou mau hana haiolelo kalaiaina, malalo o Aala Paka, a no kela pule holookoa aku, a hoea i ka la koho, e mau ia ana na haiolelo ma kela ame keia apana. Mamuli o ka nui hou ana ae o ka poe i hoopaa i ko lakou mau inoa, no ke koho baloka, ua manaoia, e hiki aku ana ka heluna o ka poe koho baloka, ma ka Mokupuni o Oahu nei, ma kahi o ka umi-kumama-walu kaukani a oi. Ma ka Poalua iho nei, ka la hope e hamama ai ka bukc hoopaainoa o ka poe kupono i ke koho baloka, ua hiki aku ma kahi o ka 570 ka nui o ka poe i hoopaa ae i ko lakou mau inoa. E malama ae ana ka Ahahui o na Kaikamahine o Kawaiahao i ka halawai kumau ma ka hora 7:30 o keia ahiahi Poaha, Oct. 26, ma ka home o ka peresi(lena, Mrs. Emma K. Wilcox; ua makemakeia na lala apa* o ke|a -«hahui e ae ma iii halawai. r i - ' - 1 s 'Mahopo iho o ke kaa ma 'i airii no kekahi manawa ae nei i hala,M pauaho mai ai o M. D. Maunakoa j keia ola ana, ma ka hora 7:45 o ke ahiahi Poakahi iho nei .nia ka honie kahiko o ka ohana Maunakea, ma ke alanui Uniona. Ma ka Poalua o keia pule ae e huli hoi mai ai o Senatoa John H. .Wise, ka moho elele Repubalflca, mai kana huakai hooikaika baloka aku nei no Maui ame Hawaii, a e kaapuni ana oia i ka Mokupuni o Oahu nei, me na moho Repubalika e ae, iloko o na la hope o ka hooikaika kalaiaina, ahiki i ka la koho haloka. Ma ka Mauna Kea o ka Poaono aku nei i huli hoi mai ai o Mr. ame Mrs. G. S. Crane o keia hui pa'i nupflpa, mai Hilo mai, a ua hookahahaia aku ko laua manao, ma o kekahi paina hoohuoli i haawiia ae e na limahana o keia hui pa'i nupepa no ko laua hanohano, ma ko laua home ma Kaimuki.