Ka Nupepa Kuokoa, Volume LXI, Number 43, 26 ʻOkakopa 1922 — Nui ke Ohohia la o Wise ma Hawaii me Maui Hoike na Mana Koho o Hawaii Hikina i Lakou Kakoo i ka Moho Repubalika KAAHELE NA MOHO O KA AHAOLELO ME IA Lokahi na Repubalika e Hooikaika i ka moho i Waeia e ka Aoao Kalaiaina [ARTICLE]

Nui ke Ohohia la o Wise ma Hawaii me Maui

Hoike na Mana Koho o Hawaii Hikina i Lakou Kakoo i ka Moho Repubalika

KAAHELE NA MOHO O KA AHAOLELO ME IA

Lokahi na Repubalika e Hooikaika i ka moho i Waeia e ka Aoao Kalaiaina

He lono kelekalapa uweaole ke hoakaka ana mai Hilo mai no ke ohohiaia o ka moho elele Repubalika John Wise e na makaainana o ka Ua Kanilehua mai ka manawh. 0 ka hoea ana aku ilaila ma ke kakahiaka Sabati iho nei, ma na wahi ka ana apau e ikeia aku ai a e haiolelo ai e hookipaia aku ana oia e kekahi ahakanaka nui me n-i manao ulumahiehie. Lehulehu ka na lialawai makaainana nui i malamaia maloko o ka Paka Mooheau me ka liala ole o ka loheia o na meakani ame na himeni ame ka ikeia aku o na wehi o Hilo. I kulike me ka hoakaka a ia lono, ma na wahi apau a John H. Wise e hele ai e ukali mau ia ana oia e na luna aupuni kalana a ma ka hoomaopopoia me he mea la ua lokahi ko Hawaii mau mana koho e kakoo ia John Wise i elele. O ia maoli no ka pono. "He kanaka maikai o W. P. Jarrett, a he hoaloha maikai no'u," wahi ka a John Wise ma kana ma* nawa o ka haiolelo ana, "aka, nae, he oi aku ko'u kamaaina ma Wakinekona mamua ona, a ua oi aku no hoi ko'u maopopo i na kaula kalaiaupuni mamua o ko'u hoapaio." He mau manawa lehulehu pu ka kekahi a Charle? B. Dwight, ke kakauolelo a ka Elelo Baldwin, o ka haiolelo ana o kekahj oia o ka poe 1 ukali aku nei i ka moho Elele Repubalika i ka Moku o Keawe, a ua lilo kana" mau manao paipai i mea ohohia nui ia e ka poe e hoololie mai ana iaia. O M. Gomes Paschoal, he lUnamakaainana mai ke kalana mai o Maui, i ke kau ahaolelo mai o ka 1913, R. W. Fill-er ame Thomas Pedro Jr. kekahi o na moho lunamakaainana no keia kau ae, mawaho ae o kekahi poe Repubalika koikoi o Hilo iho, ke ukali pu la ia John Wise ma leana huakai kaahele ma Hawaii Hikina nie ka haiolelo ana maluna o ke kahuahana a ka aoao Repubalika, a ma na wahi apau a lakou i kipa aku ai ua akoakoa mua na kanaka a e kali mai ana o ko lakou hoea aku.