Ka Nupepa Kuokoa, Volume LXI, Number 43, 26 ʻOkakopa 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

MOOLELO O KA HALAWAI HANA O KA AHAHUI KULA SABATI O KA MOKUPUNI O OAHU. KAU O OKATOBA, 1922.

 

La Hana 1.

            Noho ka halawai hana o ka Ahahui Kula Sabati o ka Mokupuni o Oahu ma ka Luakini o ka Ekalesia o Kawaiahao. ma ka la 4 o Okatoba, 1922. hota 1p.m. me ka Lunahoomalu Oscar P. Cox ma ka noho, a hoomaka@a na hana me ka himeni a L. H., ame ka pule a Rev. H. K. Poepoe.

            Na ka lunahoomalu i kauoha i ke Kakauolelo no ka hoomaopopo ana i na lala o ka aha, elike me ke ka@@aia ana o na inoa, e hoomaka ana mai na luna nui mai, penei:

            Rev. H. K. Poepoe, hope peresidena nui, T. H.; Mr. Oscar P. Cox, lunahoomalu o ka aha; Rev. Wm. Kamau. hope lunahoomalu, aole i hiki mai: J. H. S. Kaleo, kakauolelo: Rev. Wm. K. Poai, puuku; Mr. S. K. Ka@@aiopili, hoakuka; Mr. L. K. Kupau. lunahooia; Mr. Paalua @. Kellett. kakauleta Hawaii; Rev. H. P. Judd. kakauleta Haole; Rev. J. P. Erdman. kakauleta Japana; Mr. Sam Kauka, Kahu Kula Sabati Nui: Mr. Sam K. Kahele, Hope Kahu Kula Sabati Nui: Mr. Mahoe, Hope Kahu Kula Sabati Nui; Mr. Oscar P. Cox, Komite hoeueu; Mr. S. K. Kahele. lala komite hoeueu; Mr. Sam Kauka, lala komite hoeueu.

            Na Kahu Kula Sabati ame Elele----Mis Ida G. McDonald, K.K.S. Kawaiahao: Mrs. Martha Hailele, elele: Miss Kuualoha Akana, K.K.S. Kaumakapili: Mrs. Helen K. Kamaiopili. elele; Sam Kauka, K.K.S. Kalihi me Moanalua; Mrs. Ludia Kalaiwaa, elele; P. K. Kapanookalani. K.K.S. Ewa, Mrs. Kapola Kaleikini, elele; L. K. Kupau, K.K.S. Waianae, Mrs. Rachel Kaleiwahea, elele; Peter Andrews, K.K.S. Makua, aole i hiki mai, Mrs. Peter Andrews, elele; J. K. Kauwalu, hope K.K.S. Waialua, Mrs. Kekoena Smith, elele; Moses Kaaipuaa, K.KS. Kahuku, aole i hiki mai. Sol. Moepono, elele; Mrs. Lizzie Kahele, hope K.K.S. Hauula. S. K. Kahele, elele; Mrs. Ane Kamaka, K.K.S. Waikane, F. L. Kaleimamahu, elele; Jas Hopili, K.K.S. Kaneohe, Mrs. Maraea Coney, elele; ame na lala o ka Aha Makua o ia na lala o keia aha.

            Mamuli o ka lawa ana o ke koramu, ua kauoha ka lunahoomalu i ke kakauolelo e waiho mai i ka papainoa o na komite kumau, a e ike ia no malalo iho penei:

            Komite Koike Kahu Kula Sabati Nui----Rev. H. K. Poepoe, Jas. Hopili ame Sol. Moepono.

            Komite Hoike Papahelu----M. K. Benjamin. F. L. Kaleimamahu ame Mrs. Martha Hailele.

            Komite Hoalohaloha----J. K. Paele, Mrs. Helen K. Kamaiopili am Mrs. Ludia Kalaiwaa.

            Komite Hana Hou----W. K. Poai, @. K. Kupau ame S. K. Kamaiopili.

            Komite Hoike Elele----S. K. Kahe@@ J. K. Kauwalu ame Mrs. Peter Andrews.

            Komite Palapala----O ia ke komite L@ike Kahu Kula Sabati Nui.

            Komite Pai'----J. H. S. Kaleo, Geo P. Cas@le ame P. D. Kellett.

            Mamuli o ke ku ana o na komite mau o ka aha, ua hooneeia na hana imua. ma ke kauoha ana a ka lunahoomalu e heluheluia ka moolelo o ke kau i hala.

            Ma ke noi a J. K. Kauwalu e hilinaiia ke kakauolelo o keia aha, a @ apenoia ka moolelo o ke kau i @ala. ua hoohoia pele.

            No ka hiki ole ana mai o ke Kahu Kula Sabati Nui, no kana, ua kapaiia ka hoike a na Kahu Kula Sabati Apana.

            Na P. K. Kapanookalani, L. K. Kupau. J. K. Kauwalu, Mrs. Lizzie Kahele. Mrs. Ane Kamaka, Jas. Hopili i ka lakou mau hoike pakahi.

            Na ke kakauolelo i heluhelu i ko Kawaiahao. Kaumakapili ame Kahuku. a waihoia na hoike apau maluna ae i ke komite.

            Na ka lunahoomalu i hoakaka mai i ka hoike o ke Kula Sabati o Kaumakapili. he mea pono i na Kula Sabati apau o keia aha, e hoomaopopo i ka hoike o ke Kula Sabati o Kaumakapili, a e lilo i rula alakai no kakou ka hoike ana a maopopo na itamu i hooliloia.

            Hapaiia ka hoike a na elele Kula Sabati: Na Mrs. Maraea Coney,F. @. Kaleimamahu, S. K. Kahele, Sol. Moepono, Mrs. Kekoena Smith, Mrs. Peter Andrews, Mrs. Rachel Kaleiwahea, Mrs. Kapola Kaleikini, Mrs. Lydia Kalaiwaa, Mrs. Helen K. Kamaiopili, na Mrs. Martha Hailele i ka lakou mau hoike pakabi.

            Na ke kakauolelo i heluhelu i ko Makua hoike papahelu, a waihoia @a hoike apau maluna ae i ke komite.

            L@@@ no ka waihona o ka aha he @@@@.

            Na Sam Kauka i kana hoike Kaku Kula Sabati Nui, a waihoia i ke komite.

            Na L. K. Kupau i waiho mai i ka hoike hapa a ke komite o na hana @ou. elike me ia malalo iho, penei:

            Kawaiahao. Oct. 4> 1992: E Mr. @u@ahoomalu O. P. Cox, me ka mahalo:----O kou komite no na hana @@@, k@ hoike aku nei, he hoike hapa keia a kou komite.

            @ ke ola o ka Paeaina 1923; 2, @@@@@ a ke komite o keia aha no Mak@a Church; 3, e hookaawaleia i hookahi @o@a no na haiolelo i hookaawaleia no keia aha.

            W. K. Poai, S. K. Kaumakapili, L. K. Kupau.

            Ma ke noi, ua aponoia ka hoike a ke komite, a waihoia ma kahi o na hana hou.

            Ma ke noi a J. K. Kauwalu, e noonoo pakahi ia na kumuhana, aponoia.

            Kumuhana 1, ke ola o ka Aha Paeaina, Ua aponoia aole e emi iho malalo o $25, aole no hoi e paniia ka puka oluna.

            Kumuhana 2, hoike a ke komite o keia Aha no Makua Church; ua aponoia, a e ikeia ma Ka Hoaloha.

            Kumuhana 3, e hookaawaleia i hookahi hora no na haiolelo i hookaawaleia no keia aha. Ua aponoia, a koho ka lunahoomalu i ka poe na lakou e haiolelo maluna o ke kumuhana "owau anei!" Waeia na inoa o Mrs. Helen K. Kamaiopili, Mrs. Martha Hailele ame Mrs. Maraoa Coney.

            Na L. K. Kupau i waiho mai i ka hoike hapa a ke komite a laweia e noonoo pakahi elike me ia malalo iho:

            Oct. 4, 1922. Mr. Lunahoomalu Oscar P. Cox, me ka mahalo:----O kou komite i kohoia no na hana hou, ke waiho aku nei i hoike no ia hana, penei:

            Kumuhana 1, e pa'i hou ia na buke kumukanawai o keia aha.

            Kumuhana 2, i hoike hookuikui.

            Kumuhana 3, e hooponopono hou ia na hoike papahelu Kahu Kula Sabati.

            Kumuhana 4, e hoomaopopoia ka hoike a na elele. Hoike hapa a ke komite. Me ka haahaa,

W. K. Poai, L. Kupau, S. K. Kamaiopili.

            Ma ka noonoo pakahi ia ana o na kumuhana, elike me ia malalo iho, penei:

            Kumuhana 1: E pa'i hou ia na buke kanawai o keia aha; aponoia.

            Kumuhana 2: I hoike hoohuihui; ua waihoia no i ke Kahu Kula Sabati Nui.

            Kumuhana 3: E hooponopono hou ia na hoike papahelu Kahu Kula Sabati Apana. Ua kapaeia.

            Kumuhana 4: E hoomaopopoia ka hoike a na elele; aponoia m@ ka hoololi ana a kulike me ko na hoike elele C. E.

            Hoopanee ka aha a noho hou mai i kona manawa ma ka papahana, me ka himeni 5, L. H., ame ka pule a ka lunahoomalu.

            (Aole i pau.)

 

HE HOOMAIKAI NUI O KA ULU. MAHIEHIE.

 

            I u'o mau haku makaainana, mai na pali Hulaana o Honokane, o Kohala i ka Makani Apaapaa; o na puu haele lua, o @ili a me Kalahikiola; ka ua Kipuupuu o Waimea, ahiki loa aku i ke kai Hawanawana; o Puuanahulu i ke alo o Hualalai; o Kalaoa i ka uka Kukuiula, a ia Kailua i ka Poho na-u, ahiki aku i Keauhou i ka Hiilinehe; o Kahauloa i ka pali kapu o Kooua, a ia Hookena i ka piko o kuu manawa; o Ala-e i na hala o Haimoeipo, a ia Milolii i ka mu'o launiu, hui ae la na Kona o ua aina kaulana nei, aia ka wai i ka maka o ka opua.

            O ka Uahaao i ka wai o Auaulele, a ia Punaluu i ke kai Kauhaa o ka wai hu o ka uwila ahiki aku i Pahala, i ke kihi o ka makani, no oukou ka'u mau hoomaikai nui palena ole.

            O ka oukou mau Baloka maemae o 914, i papahi mai ai maluna iho o'u, ke lawe mai nei au me kuu mau lima mohala o ke aloha, a hoopaa iho iloko o ka mole o kuu puuwai me ka hauoli nui, a he kiahoomanao mau hoi no na kau a kau, a o ka'u leo pule i na Lani, e hooloihiia ko oukou mau la i loko o ka lak@ ame ka noho oluolu mau ana, a hui hou aku kakou iloko o ka wa pono.

            Meke aloha nui e kuu Solomon ame na keiki limahei a kaua o ka papa uwila o ke Kilohana Pookela.

            Me ka haahaa,

                        He kauwa na ka lehulehu.

                                    HENRY L. KAWEWEHI,

            Keauhou, Hawaii, Oct. 12, 1922.

 

HOOMANAO ALOHA NO L. MITCHELL.

 

            Owau o kekahi lunakahiko o ka ekalesia o Wananalua, Hana, ke hoike aku nei i na manao aloha no Mr. L. Mitchell, i haalele mai i keia ola honua ana.

            Ma ka Poalima, la 13, mamua ae o ka hora 12 o ia la, ua haalele aku oia i kona home, a hele aku la ma ke alahele ana i manao ai e hooko i kona manao, no ka haalele a@a i keia ao, he mea oiaio ua loaa aku kona kino make ma ke kakahiaka, hora 8 o ke Sabati la 13, o Oct. 1922, a ua lilo i kona mau hoaloha, kona make ana i mea hookahaha loa aku, i kona hana ana iaia iho a lawe oia i kona ola me kekahi mea e make ai oia.

            No'u iho, he hoapaahana ikaika oia no na hana o ka ekalesia o Wananalua, he kumu Kula Sabati no na Opio. K., ame na opio (w)., he lala no ke C. E., a he alakai himeni. ua makaukau no na hana apau oloko o ka ekalesia o Wananalua, a he kokua i ka malama ana ma na anaina haipule ma na la Sabati.

            Mako'u aoao, he luna ekalesia no ka luakini o Wananalua. o kan@ mau hana maikai apau i hana ai, i hooikaika ai, ua lilo i mea hoonaauao nui i na opio, a pela no i na makua o keia ekalesia.

            O Mr. L. Mitchell, oia kekahi o na kahunapule kahiko i lawelawe libi i ka oihana kahunapule a o ka nui o kona mau la ma keia ao he 70 a oi.

            Me keia mau manao, ke hooki nei au. Me ka Lunahooponopono ka mahalo.

            GEORGE P. KAUIMAKAOLE, Lunakahiko no ka Ekalesia o Wananalua Hana.

            Hana, Maui, Oct. 16, 1922.

 

            @A NOHO HOOMANAWANUI ANA O KE KANE AME KA WAHINE.

 

            Mr. Solomon Hanohano ke ki o ka uwila nana e hoolele aku apuni o Hawaii kuauli; Welina pu kaua me ke aloha:----E noi aku ana kou meakakau nei, i kou oluolu, in a he rumi kaawale kekahi o ke kino lahilahi o ke Kuokoa a ka lahui, i ike mai ai na kini, na makamaka o Mr. Jules Dudoit ame Mrs. Kahooilina Dudoit e noho ana ma ka puka ana o ka la ma Kumukahi, ahiki loa aku i ka welona a ka la i Lehua.

            Ma ka lā 16 o Okatoba, ua hoea mai la ko'u makuahine ma ke kino, oia hoi o Mrs. K. Dudoit, ma ko'u home noho ma Kainalu nei, a hui ae la me ke aloha.

            Ua kaa aku la no hoi ka ninau ma ka aoao o kou meakakau nei. Pehea olua? Pane no hoi kela. He o ia mau no. Pane hou no hoi au. Pehea ka elemakule? He o ia mau no kona auo, o ia ko'u kumu i hiki mai la imua ou iloko o keia la wela, i hele mai la au e haawi aku i keia moolelo, a nau hoi ia e hoolaha aku, o keia ka maua i kuka mai nei me ka elemakule.

            O ka pane ma ka aoao o ka meakakau, ua hiki. Ua pane koke mai la no hoi kela, o ia ko'u kumu o ka hiki ana mai la imua ou, o ia hoi he iini nui ko maua e hoike ae imua o ke akea, i ke ano o ko maua ola ana, oiai, ua kau mai na oho elua iluna o maua pakahi, nolaila e hoomanawanui mai oe ke hiki nae.

            Ua haawi koke mai la oia ia'u i ka moolelo i kope mua ia, a olelo mai la kela ia'u e heluhelu iho; nolaila aole no hoi he mea pohihihi ke ike iho. he moolelo keia e pili ana no laua me ka laua mau keiki ahiki aku i na moopuna, a o ia iho keia malale:

            O ka iini nui o ko laua uhane e hoike ae imua o ko laua ohana, in a paha he ohana kekahi e ola mai nei, ma ka aoao o ke kane ame ka wahine, oiai no hoi laua ua palupalu, a e ola nei no hoi ma Molokai nei me ka laua ohana.

            Ma ka la 17 o Sepatemaba, ua piha ia laua he 47 makahiki, o ko laua noho mare ana.

            No Mr. Jules Dudoit ame Mrs. Kahooilina Dudoit keia moolelo oiai laua e noho ana ma Molokai nei, ua kau mai na oho elua o ka elemakule ame ka luahine maluna pakahi o laua nolaila ua kupu ae la ko laua manao, e hoomaikai aku i ka Makua Lani no keia pomaikai nui i loaa ia laua mai Iaia mai, o ia hoi ke ola, a ike ana laua i na mea nani o keia mau la e nee nei.

            No Mr. Jules Dudoit, ua piha iaia na makahiki he 84. No Mrs. Kahooilina Dudoit, ua piha iaia na makahiki he 67 a oi.

            Nolaila, mai ko laua wa opio mai ahiki i keia wa elemakula a luahine, ua hoohua nui ia mai, mai ko laua puhaka mai he 13 mau keiki, a ua lawe aku ka make he eono, a koe iho he ehiku mau keiki e ola nei, he elua mau kaikamahine, a he elima mau keikikane.

            Mai ka puhaka aku o ka laua mau keiki, he 44 mau moopuna kuakahi a mai ka puhaka aku hoi o ka laua mau moopuna kuakahi, he 13 mau moopuna kualua e ola nei.

            Ua hanauia o Mr. Jules Dudoit ma Hawaii nei, a he kupa Hawaii maoli oia, oiai nae o kona koko he haole piha maoli oia, o Oahu kona onehanau.

            Ua hanauia hoi o Mrs. Kahooilina Dudoit ma Honomalino, Kona Hema, Hawaii, a he koko Hawaii maoli no kona mai na kupuna mai.

            I ko laua hui ana ae he kane a he wahine, ua pili aloha ia ke ano o ko laua noho opiopio ana, ua noho laua ma oahu, he mau makahiki me ka loaa ana he mau keiki malaila.

            No ka hana no, ua hoi mai laua a noho ma Kaanapali, Maui, me na ola kino maikai, malaila ua hookua hou ia he mau keiki.

            Mailaila mai, ua hoi mai la laua me ka laua ohana ma Molokai nei, o ka heke no ia. Maanei i hoopulapula ai a nui a lehulehu i ikeia ae la maluna.

            Iko laua noho ana maanaei me ka laua mau keiki, a mau moopuna, ua huli nui no ko lakou ano, a ua noho no hoi me ka lako ma na ano apau.

            I ko'u hooki ana i keia, episetole, ke haawi nei i ko'u mahalo i ka hoomanawanui ana mai o ka Lunahooponopono no kona hooluhiia ame na keiki hoonohohua metala ko'u adieu.

            Owau no me ka haahaa,

                        EMILY A. KAAHANUI,

            Kainaliu, Molokai, Oct. 19, 1922.

 

KA HOOMAEMAE ANA I KE KULANAKAUHALE O LAIE.

 

            Mr. Lunahooponopono; aloha nui loa:----Ua hoolaha ae la ka hope konohiki aina e hoomaemae holopuniia na alanui, ame na pa-hale apau iloko o hookahi pule, o ka pa e maemae loa, e kauia ka pepa bulu me na huaolelo (O. K.) hapa maikai, hapa bolu, hapa ulaula.

            Ua lilo ia kuahaua i olelo nui, oiai, aia na kane i ka hana alanui, a mahiko, ua lilo i na wahine ka hoomaemae ana, ke oki ana i ka mauu me na misini oki mauu, ke kalai ana i na nahelehele me na ho, na meakanu, na pua, e hana pu ana ka makuahine o ka home me na keiki liilii, i hiki ke hapai i ka ho, mai ka 4 makahiki a ka 13.

            Ua hele mai la ke konohiki e kau i na pepa, elike me kana hoolaha, eia na pepa nunui ke kakau nei, ma na puka-pa apau, o na pa i O. K. a pepa polu, pau ka hana hou ana, mai ke konohiki mai ke kalaka lawe opala me elua limahana pu.

            I keia mau la, aole e komo mai ka bubonika, a oiai ua nui ka aala o na pua.

            E hoomaemae pu ia ana me cela luawai hohonu nona ke kanalimakumumulua kapuai, i loaa i ka mea ike a ka haole, ma ke kumu o ka Lae o Laniloa ma Laie, e hooakea hou ia aku ana i kanakolu kapuai kuea, e hoopuniia ana me ka pa papa kiekie, me ka hanaia i wahi e paani ai, a kiekie ma ka auau kuwala poo ame lele pahia a no ka mea, ua pii ke akamai auau o na keiki Hawaii imua o na haole koa, he mau haneri ka nui e auau mau ana ilaila.

            Ua lohe mai au, ua laweia aku nei kekahi keiki Hawaii e na aliikoa e hoikeia ma Honolulu no kona akamai auau, a hala loa aku i ka laula o ka aina.

            O keia lua, ua hoike mua ia e ka poe kahiko, o Laniloa he moo no ia iluna, o ia kahi i ku ai, a ua pepehiia e Kana, ke keiki a Hina, me Ku, nolaila, he lua keia no ka moo, aole no i pau aku kona akea ua hele aku o Hamana Kalili e luuu, a ua hoike ae oia, aole no e piha ke hoohaneeia kona mau aoao a oiai he hohonu, a he akea loa apuni.

            Nolaila e lilo aku ana keia, he wahi ano nui o ka aina, e kapu ana, me na kikiki e komo ai iloko.

            Ua wehe ae nei o Kamehameha Glee Club, i hoohuiia me Kahuku Club, ma ka p.m., Poalima i aha himeni no na hemahema o na makuahine o Kahuku oni, i kumu hoohana no ka ahahui hanalima. He 50 keneka ukukomo. Ua nani loa na hana ahamele ame na hookani pila, ame ka Miss Awai paani Hawaii ana, nui ke ohohia; o ka hapa o ka manawa, no ka hulahula ame kekahi mau waiwai ma ka huki helu.

            Ma ka Poaono, hora 7:30 p.m., i wehe ae ai ka poe makapo ma Laie i @hamele no 75 keneka ukukomo. Ua nui ka mahalo mai o ka poe i hele. Ua kokua wale ia ke kaaahi i ka huki ana mai i na Koolau ame ko Kahuku; Mamuli o ka lokomaikai kokua o Frank Woolley Jr., lunanui o ka mahiko o Koolau. Ua hookiekieia na mea hanalima a lakou, ko lakou moolelo ame ke kumu o ko lakou makapo ana.

            O keia na hooni o ke Koolau i pomaikai no ka poe heluhelu.

                        JOEL KAHIONA,

            Kahuku, Oahu.

 

 

E Noonoo no ka Nohona o Keia Mua Aku

            Ua makaukau mau makou e hookipa mai ia oe ame kau mau hoahu liilii ma ko makou Hale Banako nei, no ka hoopakele ana ae ia oe ame kou ohana i ka hora o ka pilikia e hoea mai ana.

            HE MEA NUI ANEI KE OLA IA OE?

Heaha ana na haawina e loaa ana ia oe in a e pau oe mai ka hana mai, a i ole, loa paha i ka ma'i?

            E HOAHU I KAU DALA ME MAKOU.

He hookahi wale no dala no ka hoomaka ana Eia ke hamama nei ko makou keena ma na ahiahi Poaono apau, mai ka hora 6:30 ahiki i ka 8:00.

The Libertay Bank of Honolulu, Ltd

Kumupaa i Ukuia, $200,000.00. Huina Kaulele, $16,000.00

            Kihi o na Alanui Maunakea ame Moi.

                        KELEPONA 1014.

 

O NA HAWAII

            i makemake i ka pomaikai o ke Kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na L@ko Mahiai me Hanai Holoholona ma keia hui kamaaina. Ke malama nei makou i na Lako Hana Maikai Loa, pela hoi me ke PENA SHERWIN - WILLIAMS, ka mikini Umi Waiu DE LEWAL ame na lako pili i ka home o na ano apau. Maloko o ko makou Keena o na Lako Paani e loaa no he ahua o na pu liilii ame na raifela maikai.

E. O. Hall & Son, Ltd.

 

He Leta Hamama

            I Na Mana Koho

 I na mana koho baloka o ke Teritore o Hawaii:

            Iloko o keia mau la koho wae moho i hala aku la, ua laweia mai ia'u na lono, ua pau na dala a ka Hui Uniona I. L. A. ia John H. Wise, oiaai oia e lawelawe ana i kekulana Puuku no keia Hui Uniona, i hoikeia maluna ae. Owau ka mea nona ka inoa malalo iho nei ka Peresidena, i ka manawa a John H. Wise e paa ana i ke kulana Puuku, a ke hooia aku nei me ka pololei, aole hookahi keneka i laweia eia iloko o ia manawa. O ka oiaio maoli, o ka Hui ka i noho aie iaia no kana mau hana kokua ia makou.

            No kana huakai i Seattle, mai ka Banako Yokohama Specie Bank, mai na dala i hoaieia ai e makou malalo o kekahi nota, i ukuia iho la e a'u, no ka mea, na'u me John H. Wise i kakaukua ia nota, a mamuli o ke dala ole a ka Hui pela i kau mai ai maluna o maua keia ko'iko'i.

            O na olelo, ua pau ke dala ia John H. Wise, he mau olelo oiaio ole, a i lawe hele ia aku e na enemi o ka Hui Uniona I. L. A., no ka mea mamuli o na hakaka ana a keia Uniona, i loaa ai he Kanawai e ae ole ana i na Kanaka o ko na aina e, e hana maluna o na hana Federala.

                        Me ka Oiaio,

                                                                        TOM PUNEE,

                                                            Peresidena Hui Uniona I. L. A.

            Honolulu, Oct. 12, 1922.

6527----Oct. 26; Nov. 2.

 

Kahi Kupono E Malama

Ai I Ke Dala

            Aneane loa i kela ame keia la, e hoike mau ae ana@ na Nupepa i ka nui o na dala i lilo mamuli o na hana ail@ue powa, pauahi a i ole ia ma kekahi mau ano hemahema @ ae paha.

            Aole anei he hiki ia oe ke hoomaopopo, aole e hiki ke loaa keia mau k@@a in a i hoahuia ia mau dala maloko o kekahi banako?

NO KEAHA KA HOOHEMAHEMA ANA I KAU DALA?

            Ua makaukau mau keia Banako e hookipa mai ia oe a e malama i kau mau dala, me kona uku pu aku i ka ukupanee o 4 pakeneka no ka makahiki.

Chinese-American Banck

Kihi o na Alanui Moi âme Nuuanu.                                                                                                    Honolulu, T. H.

 

Makemake Anei Oe i na Leo Mele Hou Loa?

Ua hiki ia makou ke hoolawa aku i na Leo Mele Hawaii hou loa ma na PAPA LEO MELE A MA NA OWILI PEPA

Pepa Mele anei? Ina o ka mea hou loa, eia ia me makou.

O NA MEA PILI MEAKANI APAU NAU.

Hawaii Sales Co., Ltd.

Alanui Nuuanu, Kokoke i ke Alanui Moi.

 

E KUAI I KA

PALAOA

KALIMA                    I HOOMO ʻ A IA MA KA

                                    LEE WO

                                    BAKERY

                                    653 ALANUI KEAWE KELEPONA 1570

 

Ka Hoao Hope

            O ka waiwaiio maoli o ka aila kaa ua hiki ke hooholoia ma kekahi ano hookahi wale no---- ma kona hoohanaia ana i ka                       enekini i manaoia ai ia.

            No keia kumu ua malama keia hui he hale hoao----enekini, i hoolakoia me Kahi Hoao, maloko olaila i hoao mau ia ai ke                 Zeroline ame kekahi mau aila e ae, malalo o ke ano mau o ka hoohana ana.

            Eia ka malama ana i keia hale aila hoao malalo o kekahi mau kanaka makaukau loa i hooilo i ko lakou manawa apau, ma ka     hookuku ana i na hana hoao i ke Zeroline ame kekahi mau aila e ae o ka otomobile, na mokulele, mokuluu, kaa kalaka ame       na enekini o na kaa huki.

Mahaloia ka Aila Pololei

            O ka hopena o keia mau hoao, i hoohana like ia me ke akahele ma na mahinaai ame na alanui, ua hookahua ko makou Papa    o na Enekinia Nana Aila i kana Palapala maluna o na Mahaloia.

            He akahele loa ka hoohana ana i kekii ame ke kukulu ana i ka enekini. He mea pono ke maopopo, ka mua, ka mama o na                  wahi niuniu; ka lua ke kaawale mawaena o kahi niuniu; ke kolu, ka wela, e hoohanaia ana na meapaahana; ka eha, ka                      hopena o na meapaahana; ka elima, na ano i hanaia no ka puunauwe ana i ka aila, i na wahi niniu apau.

            O na mahalo i komo iloko o ka Palapala Aina Zeroline, ua hanaia me ke akahele loa. a in a i hoohanaia ke Zeroline elike              me na kuhikuhi, e holo like ana ka aila, a e nui ana na mile holoia.

Board of Lubrication Engineers

            STANDARD OIL COM@@@@

(Californias)

OI KA IKAIKA ME KA HOLO

EMI KA PILIKIA ME KA ANAI

MA O KA PAHEE MAIKAI