Ka Nupepa Kuokoa, Volume LXI, Number 42, 19 ʻOkakopa 1922 — A IA E KE AHI KA MOKUEA E KAU ANA KE KIAAINA [ARTICLE]

A IA E KE AHI KA MOKUEA E KAU ANA KE KIAAINA

Pakele ke ola o Kiaaina Farrington 110 ka lele ana i'oko o ke kai. I ka mokuea 44 o ka oihana kaua moana i hoi mai ai mai Maui mai ma ka auwina la Poaono o ka pule i hala, me Kiaain;. Farrington e kau ana, a i ke kokoke ana aku i ka nuku o ke awalau o Puuloa, ua holapuia ae la ia mokuea e k« ahi, o ka mea wale no i pakele ai ke Kiaaina ame na kanaka na laua e pailaka ana ia mokuea o ia ka lele ana iloko o ke kai, a o ka mokuea a lakou i kau ai ka i lilo i moepuu na ke ahi a moe iloko o ka opu o ka moana. O na aliikoa na laua e pailaka i ka mokuea oia 0 W. S. llector ame J. Farrell, lie mau lukanela no a elua. Ma ka hora 2 auwina la o kela Poaono ka haalele ana aku a ka mokuea 44 me ka ukaliia mai e ka mokuea 46 e pailakaia ana e John Rodgers, kona kapena, a e lele mai ana hoi ma ke alahele a na mokuluu elua 1 holo mai ai. Ma ka hoakaka a ke Kiaaina Farrington ua ike oia i ka uwahi i ka pu-a ana ae ma ka manawa i kaalo ae ai ka mokuea mawaho o Laeahi, eia nae, aole oia i haawi i kana noonoo nui ana no ia mea, no manao no ka enekini no ia uwahi ana o ka ike ana aku. Oiai oia e noho ana ma ka noho o ke kanaka hana radio o ka mokuea n\amua loa o ka mokuea, aohe ka ona ike māi ia hope me ka huli ole mai ihope. Ua mahuahua loa ae la ka nui o ka uwahi a mahope iho ike iho la oia i ka wela o kona lima, eia nae noonoo iho la oia no ka uwea uwila paha. O kana manawa mua loa ka i ike ai ua a ia ka mokuea e ke ahi o ia ka manawa a ka Lukanela Hector i nlnau aku ai mai hea mai la ka uwahi ana i ike ai o ka puka ana mai. Mamuli o ka nanaia ana o ka mokuea i maopōpo ai mahope iho mai ka lua malalo iho o ka noho ana ka uwahi o ka puka ana ae mamuli 0 ka pokole o k'ahi e holo ai ka uwila. "Ia manawa ua wehe koke ae la ka lukanela i na mea hoolana," wahi a ke kiaaina, "a, i mai la o na mea kupono ia no makou ia manawa. O ko'u kolo aku la no ia mawalio o ka mokuea, oiai na aliikoa e hoao ana e kinai i ke ahi. Ua maopopo ia laua ka laua mea e hana ai, nolaila aole o laua pihoihoi, eia nae ia manawa ua ikaika loa ae la ka a ana a ke ahi. Ua kokoke loa makou 1 kela manawa i ka nuku o ke awa 0 Puuloa, a ua holo iho la ka mokuea iluna o ka ilikai, oiai ka mokuea o ke Kapena Rodgers e pili kokoke loa mai ana mahope o makou. - Ua haawiia mai la ke kauoha e haalele 1 ka moku, o ko makou lele aku la no ia iloko o ke kai a au aku la i ka mokuea e pailakaia ana e ke Kapena Rodgers, a hapaiia ae makou iluna. O keia ka manawa mua loa a'u i au ai me ka mea hoopakele ola ma ko'u kino, a ia wa au i ike ai he mea kokua nui loa ia i kekahi olulo." I ka hoea ana i Puuloa ua laweia aku na kanaka o ka mokuea i a ia

ai i kula maluna o kekahi o na moku liilii. No ka mokuea 44 ua haaleleia i ka hohonu ma ka hora 3:30, elike me ka hoakaka a ke kiaaina, no ka mea o ka manawa ia i make ai ka hele ana o kana uwaki. Mahale ke Kiaaina i na Aliikoa Ua- haawi ke kiaaina i kona mahalo i na aliikoa na laua i pailaka i ka mokuea no ka eleu ame ke akamai i ka lawelawe ana i ka mokuea iloko o ka wa i halawai ai me ka poino ulia. "He huakai maikai loa keia," wahi ana.