Ka Nupepa Kuokoa, Volume LXI, Number 42, 19 October 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Mo'ōlelo no

NA PU'UWAI 'ELUA

A I 'OLE

Ka Hew o ka Wahine --- He Mo'ōlelo i

 Owili'ia me na Haawina Hoopihoihoi

No'ono'o o ke Au o ka Manawa

 

Ua maopopo loa i ke kahunupule, ka nui o ka huhu o Miss

 Kalani, ke lohe aku i ke ala ku-e mai o kekahi poi iaia, nolaila

ke mihi loa la ua kanaka nei, no ka loa'a 'ole mai o kekahi

huina dala mahuahua iaia, ma ke ano he uku no kona luhi,

e kuai ai oia, i mau lole hou no kana wahine ame kana mau

 kaikamahine, a e ho'olako ai hoi i ko lakou, ma na lako

 hale hou loa.

O ka no'ono'o nui iloko o ua kahunapule nei, in a no kona

hele hou aku e hui pu me Miss Kalani, o ia ke noi ana aku i

kela kaikamahine, e haawi hou mai i ka hoolimilima ia Dike

Garahama no kona wahi, me kona hoike ole aku mae, i na hana

a kela kanaka e ku-e mai ana i kon haku wahine. O ka man-

ao nui wale no o ke kahunapula, ma keia hele aku e noi i ka

hoolimalima no Dike Garahama, i ole ai kela kanaka e hoomau

aku i kona ku-e ana mai, i ka khoohiwahiwa ana i kona hale,

eia nae ma kekahi aoao, ke ike la no oia, ina e hoomau ana

ke kanaka huki bele, i kona ku-e i na mea i makemakeia aku

ai oia e hana mai, alaila e hele okoa aku ana oia e hoolimalima

i kanaka okoa, nana e huki i ka bele, mai kekahi wahi mamao

mai.

Nolaila ma kela hoea ana aku o ua kahunapule nei imua o

Miss Kalani, elike me ia i hoakakaia ae nei ma ke hoomaka

ana mai o keia mokuna, aia ka haka-nu ame ke kaumaha ma

kona helehelena kahi i nohoalii ai; he haawina hoi i kau aku

maluna ona, mamuli o kana mau mea i ike ai iwaena o ka poe

hoaaiana, a no kekahi leka hoi kekahi i loaa aku iaia, mai ia

Sr. Kimo Danakoka mai, ke kane hoopalau a ka Lede Kalala.

            Penei ka manao nui maloko o kela leka i loaa aku iaia, a na-

na hoi i hookaumaha i kona noonoo.

"E kuu Mr.Woda : - Ke kakau nei au i keia leka ia oe, me

na manao kaumaha no ka mare i hoolalaia ai mawaena o'u ame

ka Lede Kalala. He umi wale no la i koe, alaila hoea mai i

ka la, i hoolalaia ai, no ko maua hooliloia aku i hookahi, iloko

o ka berita o ka mare, o ka mea hookahaha nae, e hoike aku

nei ia oe, o ia no ka hoololi ana, o ka Lede Kalala i kona ma-

nao, no ko maua mareia aku maloko, nei o Ladana, aole imua

o kekahi anaina nui, aka imua o kekahi mau hoaloha kakaikahi

wale no.

"E lilo ana paha keia hoike ana aku la ia oe, i kumu e hoo-

kahahaia ai kou manao, aka ua noonoo iho no nae au, he oi

aku paha ko maua mareia ana ma keia ano, oiai ua elemakula

au, ua hala na la opio, na la e kohu pono ai ke ku ana aku imua

o kekahi anaina nui, ma ia wahi, e nonoi aku ana au i kau hui-

kala ana mai, no ka hiki ole, ke hookoia na mea a akakou i hoo-

lala mua ai.

"Ke olelo mai nei ka Lede Kalala, e hoike pu aku ia oe,

aole e lilo keia hoololiia ana ae la o ko maua manawa e hoo-

huiia ai ma ka mare, i kumu e hoopauia ai kela noho aloha

a kuikahi ana mawaena o kakou, o ka make wale no ka mea

nana, e hoopoina ae, ka noonoo ana o kekahi no kekahi.

"Ke lana nei ko'u manao, e hoouna aku ana no ka Lede Ka-

lala i kekahi leka, ia Miss Kalani, e hoakaka anano keia mea

 a aole no o'u kanalua, no ka holopono o na mea apau, elike me

ka makemake mau o na wahine."

Aole o Miss Kalani i noho me ka hiki ole iaia ke ike mai,

i kela kulana kaumaha maluna o ke kahunapule, a ia laua e

nanea ana, kamailio mai la o Miss Kalani, i ka ninau ana mai:

"Ke ole au e kuhihewa, he nuhou kekahi au i lawe mai la

e hoike ia'u,: wahi ana i ka manawa i haalele iho ai ke kauwa

lawelawe i kon haku wahine.

"Ae, he meahou ka'u o ka loaa ana mai nei, a ke hauoli nei

au, i kou ninau ana mai la. Me he mea la nae, ua maopopo

no paha ia oe ke ano o keia meahou; a ina aole he poe hokai

wale mai, i ko kaua nanea ana maloko nei, alaila e hoike aku

no au i ua meahou la i keia wa."

"Aohe ai hophopo ana, no ka loheia mai o ka kaua mau

mea apau e kamailio ai maloko nei, nolaila in a he mea ano nui

kau i lohe ai, o keia wale no ka manawa kupono au e hoike

mai ai; no ka mea ua haawi aku nei au i ke kauoha i ke kahu-

kaa, e hoomakaukau mai i kuu kaa, ma ka hora ewalu o keia

po, aole he nui o ka manawa i koe, no'u e komo lole ai, nolaila

e wikiwiki oe i ka hoike ana mai i kau meahou."

"Ke kaumaha loa mei au, no ka uuku loa o ka manawa a

kaua e kamailio ai, me kuu manao la, i hookahi hora ka lawa

kupono o ka manawa a kaua e nanea ai, alaila haalele iho au ia

oe, Pehea ua loaa leka mai nae pha oe mai ka Lede Kalala

mai ea?"

"Aole ana leka kakau mai nei na'u,, wahi a Miss Kalani,

me ka nana ana mai nae i ka paa o ke kahunapule, i kekahi

leka, iloko o kona lima; a haupu mai la oia, malia paha he nu

hou maikai ole ka ke kahunapule i hele aku ai e hoike iaia,

a o ia kana o ka i hou ana mai:

"He mea hookahaha keia i ka manao, aka aohe mea hiki

ia kaua ke hana aku, a me he mea la, eia aku paha kana leka

a hoea mai, no ka hoakaka ana mai, i na kumu, o kona hoololi

ana ae i kona manao, ma Ladana laua e mareia ai. E lilo ana

paha keia meahou, i mea maikai ole i ka manao o ka Haku Fa-

nadale, aka nae, he mea hiki wale no nae, ke uhiia na ano mai-

kai ole apau, ke loaa na hoakaka maikai ana."

"Pehea kau mau hoolala ana apau, aia anei ia ma ke kulana

holopono?" wahi a Miss Kalani, no ke ake no e maopopo iaia,

na hana ana i kauoha aku ai i ke kahunapule e hooko.

"Ae, ke holopono nei na mea apau, aka nae he hookahi

a'u mea i makemake ai e noi aku ia oe," me ka hooki ana iho

o ke kahunapule i kana kamailio ana, no kona kanalua no,

aole paha e ae mai ana o Miss Kalani i kana noi, aka nae haa-

wi mai la, ua wahine opio eni, i kekahi o kana mau minoaka

oluplu loa, me ka i ana mai:

"Me hea mea la, ma ko'u nana iho ia'u, wia au ma ke kulana,

e ae aku i na noi apau loa e waihona mai ana imua o'u."

"Alaila, ua pomaikai maoli au, i ko'u hoea ana mai la imua

@, iloko o keia manawa, no ka mea e hookoia ana kekahi ha-

na nui a'u i manao ai. Ma ka'u hoomaopopo, aole he kuikahi

o ko olua noho ana me. Dike Garahama, o k mea oiaio anei

ia?"

Kuwakuwai iho la na wawae o Miss Kalani iluna o ka moe-

na veleveka, me ka alawa ana iho i kana uwaki, a pane mai la:

"E wikiwiki hoi paha oe i ke kamailio ana mai i kou manao,

aole he nui o k ko'u manawai koe, o ka hora ehiku keia, a, ma

ka hora ewalu e hoea mai ai ko'u kaa."

"Eia no ka manao a'u i makemake ai e kamailio aku imua

ou. He kanaka o Dike Garaham, i hilinai nui ia e kai poe

apau e noho nei ma kou mau aina. Mai kona mau la kamalii

mai kona noho ana ma keai wahi ahiki i kona elemakule ana,

a ua mahalo nui ia oia e na mea apau. He hookahi olelo nui e

loheia nei iloko o keia mau la, o ia no kou kipaku ana aku i

kela kanaka, mai ka noho hou ana iho maluna o kou aina, i ka

wa e pau ai o kona hoolimalima, no ia manao ou, i ala mai

ai na manao ku-e iwaena o kou poe hoolimalima.

"He mea liilii wale no kela i ko'u noonoo, aka nae, he nani

ia, ua hooili mai oe maluna o'u i kekahi hana nui a ko'iko'i,

o ia ka hoomakaukau ana no kou la mare, no ia kumu, i make-

make loa ai au, e ike aku i ka holopono o ka'u mau mea apau

i hoolala ai; nolaila e noi aku ana ia oe, e ae mai, e hoomau

aku i ka noho hoolimalima ana o Dike Garaham ma kou aina,

ke pau kona manawa hoolimalima mua. Ina oe e mai ana,

e lilo i elele ma kouaoao, no ka hoike ana aku i ka lohe imua

so kela kanaka, a imua o kou mau hoaaina, no kou hoomau

ana aku i ka hoolimalima o Dike Garaham, alaila e lilo ana

ia hana au, i mea hoomanaoia e na kanaka apau, a ekau mai

ana ka lakou mahalo ana maluna ou."

"Ua paa mua kuu manao e hana aku pela, a ke haawi aku

nie au i ka mana ame ke kuleana ia oe, e hele aku a hioke ia

Dike Garaham, a i na hoaaina no apau, mawaho ae o ko'u

haawi hou aku i ka hoolimalima, i kela ame keia mea, e haa-

wi makana pu aku ana au, i ka uku hoolimalima, o ka hapa

makahiki ia lakou ma kahi, ma ke ano, he makana ia no jo'u

mare ana i ke kane."

Ua hoopiha loa ia ke kahunapule me ka hauoli, o kona haa-

lele iho la no iaia Miss Kalani, a iloko o ka hapalua hor ma-

hope mi, aia ua kanaka nei maloko o ka hale hookipa o Dike

Garaham, e hoike ana i ka poe maloko olaila, i na mea a

Miss Kalani, i hoike mai ai imua ona.

Ua kuhihewa loa kela kahunapule, e apoia mai ana kana

mau hoike me na manao ohohia e na kanaka; o kana i ike aku

ai, o ia no ka noho haka-nu o na mea apau, a o Dike Garaham

nae ka mea i pane mai:

"Aohe o'u makemake e lawe mai i kekahi makana, mai ko

haku wahine mai, aole loa!" wahi ana me ka wiliwili ana mai

i kana puupuu imua o ke kahunapule. "Manao anei oe, me

keia mau hana ku-e, e hiki ai ia'u ke hooko aku i kou mau ma-

kemake, a e hana aku no ka hanohano o kela wahine hookano?

Aole loa he mana ma ka honua nei nana e hoololi ae, i ka'u

mea i hooholo ai."

 

MOKUNA XXXIX

 

Hakalia no a hala aku ke kahunapule ma waho o ka hale, hoi

awiwi aku la o Miss Kalani noloko o kona rumi, ke nana aku

iaia mawaho, he o ia mau no kona ano, aka nae, in a he mea

kekahi i hiki i ke kiei aku iloko on a, e ike aku auanei oia, ua

like me kekahi ahi lapalapa ka hele a paila, me na manao ina-

in a, ka mea i loaa wale no i ka poe pepehikanaka.

"Pehea la ka Lede Kalala i hoao ai, e hoolilo mai, ia'u me

he wahi wahi kaikamanine uuku la, o kkona manao ana, e mare

oia i Ladana, a owau hookahi wale no ke mareia maanei nei.

Ua hiki nae hoi, e hoea mai ana e ike pono ai i kuu inaina.

Aole e hiki ia'u ke ike i ka maha, ahiki i ka hookoia ana o ko'u

mau manao inaina.

"Heaha la ke kumu nana i hololi ae i ka manao o kela wa-

hine? Ua loaa aku anei, ka manao hoohuoi iloko on a, aia

kekahi mea maikai ole mawaena o'u ame kuu kane? O keia

iho la anei kana pana'i, no ko'u haawi ana aku iaia i kane

waiwai a hanohano? Aole nae o'u nana i na mea apau, aka

e hookoia ka mare maluna o'u elike me na mea apau hooholo

 mua ia ai, me ka nana ole i na hopena e hoea mai ana, in a

ia no ka hauoli, a no ke kaumaha paha."

Ua hoopukaia ae kela mau olelo e Miss Kalani, iaia e komo

la i kona lole, no ka hele ana aku ma kana huakai i kela po,

aia hoi kona makuahine, ke kahi la i kona lauoho, me ka hoo-

lohe ana mai i na olelo awahua mai na lehelehe aku o kana

kaikamahine.

Ua hele ka makuahine a piha maoli me ka maka'u, no ka

lawelawe aku o kana kaikamahine i kekahi mau hana naaupo,

e hoohaahaaia ai kona kulana, a e hapalaia ai hoi ko laua mau

inoa, a ua aneane maoli no oia, e hoopunipuni aku imua ona,

no ka holo mahuka ana o ka Haku Fanadale, o ka mea no nana

i kaohi aku ia manao on a, o kona hopohopo, o lilo auanei ia,

i kumu e kau aku ai kana kaikamahine i kekahi hoopa'i ika-

ika malina on a, a nana aku hoi iaia, me na manao hoowaha-

waha.

Aole i kamailio hou ia kekahi mau olelo e Miss Kalani, ahiki

wale no i ka paa ana o kona lole, a i ka hoea ana mai o ke kaa

mamua o ka puka o ka hale, haalele iho la Miss Kalani ame

kona maukahine ialoko o ka rumi, me ka iho ana mai no ka

hale malalo.

Aia hoi ke kahukaa, ke makaala, la i ka lio, a iaia ike mai

ai i ka hele aku o kona haku wahine, wehe ae la i ke pani

o kekaa, alaila pii aku la o Miss Kalani a noho ae la mamua

loa, me ka noho ana aku hoi o kona makuahine mahope.

Hakalia no a paa na kaula kaohi iloko o ak lima o Miss

Kalani, haawi aku loa oia i kahukaa, e hookuu ae i hana paa

ana i na lio, o ke kiani aku la no ia o ua haku wahine nei o Ka-

nale Hale, i kana huipa, he poha ana maluna o ke kikala, o

ka lio hulupala, o ks lilo aku la no ia, nana aku oe, ani ka

makani, kohu mahimahi no ke kai o Puaena ua kaikamahine

nei, e homo kikaha la ma ke alanui akea o kona aina nui.

Aia ke kahukaa ke ku aku la nana i ke kuupau o na lio i

ka holo, a o ia kana i hooho ae ai:

"Ina aole e akahele kela wahine opio i ke ano o kana kalaiwa

ana i na lio, e hoea mai ana he la ma keia mua aku, e ike

pono ai oia i ke ano o kana mau hana. Ma ka makaukau i ke

kalaiwa ana, aole he pilikia, aia ka pilikia, ma kahi o kona

noke mau i ka hili i na lio me ka huipa. Heaha la keia hana

nui, nana i kono mai iaia, e hele ma keia huakai o ka po?"

Ua ma-u no kela holo ana aku o na lio me ka mama maoli,

alaila kaohi mai la o Miss Kalani, me ka ikaika apau e hiki

 aan i kon mau lima, ke huki mai i ke kaula kaohi, aole ho hoi

i loihi iho, akakuu mai la ka holo ana a na lio. Alaalawa ae

la kana nana ana mao a maa@ei o ke alanui, a in a paha he mea

kekahi e nana aku ana iaia, e ike aku ana oia, i ka hale o na

maka o ua wahine nei, a hulili, o ia no oe o ke okoko ahi.

"Ua lawa paha keia hookina ana mai o'u i na lio i ka holo,

e hoohele malie aku kaua ma keia wahi," i kamailio ae ai o

Miss Kalani i Kona makuahine. "Ua hele maoli no au a uluhia

i na manna like ole, a ua oi aku ka'u hahau ana i na lio me

ka huipa, mamua o ke kupono, no ke ake wale ana no keia,

e hoomamaia ae ko'u mau noonoo uluahewa."

"Ua hele maoli au a piha i ka maka'u ia oe e  kuu kaikamahi-

ne, nolaila no kekahi wa hou aku au e manao ai e hele ma na

huakai o keia ano, he mea pono no ke hele pu kekahi kanaka

me oe," i pane aku ai no hoi ka makuahine me ka piha i ka

haalulu.

 

(Aole i pau)

 

He Moolelo Walohia

KoVekinia Waiwai Hooilina

Hoopuhiliia na Hana a ka Mea Manao

Ino--Kau i ke Aki i ka

Manawa Hope

 

"Ae, he baroneta Pelekane io no au a i ke aha iho la ka pili-

kia ma ia inoa. I kakau au i ko'u inoa ma ia ano i mea ike

ole ia mai au e kanaka; aole o'u makemake e hoike ae

ia'u ma keia aupuni he baroneta, a ma ia kakau ana o'u i ko'u

inoa o Mr. Hita ua huna au i ko'u kulana oiaio.

"A eia houkeia moolelo he wahine hou kau o ka mare ana

ma Enelani ma kekahi manawa aku nei i hala, mahope koke

iho no o kou haalele ana iho ia Amerika nei," wahi a ka on a

hokele.

"He kanaka hupo loa no anei oe i hoolohw aku ai ia mau

olelo akiaki a imihala, me ko ike maopopo no hoi na'u ponoi

 i lawe mai iaia ia nei a hoonoho ma ke ano he wahine hano-

hano oia a i mareia e a'u? Ua ike no anei oe i ko maua mana-

wa e noho pu ana ianei ua hana aku au i kekahi i hana hoohila-

hila a hoohaahaa iaia, aole anei o ka maikai wale no au e ike iho

ai ka'u i hana ai a ua aloha au iaia me kuu uhane apau a ke

mau nei no ia aloha iloko o'u nona, a no ia aloha no hoi i hoi

hou mai nei e kii iaia no ka lawe pu ana aku iaia i Enelani?"

wahi a Sa Wiliama me ka nui o ka leo ame ka piha loa

hoi i ka huhu.

"Aole," wahi a ka on a hokele; "aka nae, in a no kou helu-

helu iho i ka hoolaha maloko o ka nupepa e waiho nei me

a'u e ike iho ana no oe i ke kumu o ka hookahahaia o ka poe

e nono nei maanei; eia hou, aohe au wahi leka hookahi i ka-

kau mai na ia wahine no kekahi manawa lehulehu i hala aku

nei, e ice ia ai me ka maopopo ua aloha io oe i kau wahine."

"Aohe leka! Kahaha, kupanaha! Aole moku hookahi e

holo mai ana no Amerika i nele ko'u hoouna mai i leka nana,

a no ka loaa ole ae o kekahi leka ia'u mai iaia ae no kekahi

mau manawa lehulehu i hoalaia ae ai na manao pahaohao he

nui ia;u no ia nele ana, a ua manao au ua pilikia paha oia.

"Aohe au leka i loaa mai iaia!" wahi Eledrida, "eia nae,

ua maopopo ia'u ke kakau mau ana o ka lede au e olelo mai

nei he wahinemare oia nau, i kekahi mau leka nau, aohe mo-

kuahi hao iaia, a no ka loaa ole mai o kekahi leka mai a oe

mai ua pili kaumaha ka wahine i ka'u hoomaopopo aku.

Ua piha loa ka baroneta opio i ka pahaohao me ke kaumaha

pu ia manawa. I kana hoomaopopo iho in a he oiaio na olelo

a ka on a hokele iaia he mau leka lehulehu ka Vekinia o ke

kakau aku nana aohe nae i loaa iaia, alaila aia kekahi hana

koloha loa i hanaia maloko o ka haleleka ma Nu Ioka a i ole

ma Ladana paha, nana i hoolilo i kona hauoli i mea hoehaeha

mau ia, eia nae, o ka wehewehe ana ae a maopopo ia manawa

he nanehuna pohihihi loa ia.

He mea oiaio, elike me ia i hoakaka mua ia ae nei aole mau

leka a ka wahine i kakau ai i ioaa aku iaia, aohe no hol ana

mau leka o ke kakau ana mai i loaa mai i ka wahine, he mea

pohihihi loa keia. "E oluolu ana naei oe e heluhelu iho i keia

hoolaha?" wahi a Elederida, me ka panee ana mai i ka nupepa

e kau ana o ka hoolaha no ka mare ana o Wiliama Hita me

Miss Sanahope, me ke noi pu mai e komo aku ke Sa Wiliama

iloko o ka rumi mahope o na pakaukau, kahi e ike ole ia mai ai.

Kulou aku la o Sa Wiliama imua a heluhelu iho la i ka hoo-

laha, a ia pau ana ua loaa koke iaia ka ike aole e nele ana ka

loaa o ka manao ia Vekinia he wahine oia i hana hewa loa ia,

a ua hanaia hoi kekahi hana me ka ma-lu loa i mea nona e

hoehaeha ia ai.

Ua koho koke oia ia manawa o ka hoolahaia ana o ka mare

o kona hoahanau me Makaleka Sanahope he hana ia i manaoia

no ka hoehaeha ana i kana wahine, a ua lilo ka hoohuiia ana

o ka inoa, i mea hoopunipuni ia Vekinia ua mare oia me Maka-

leka Sanahope. O ke kumu hoi o ka hoopilikia loa ia ana o

ko Vekinia noonoo ua mare hou ke kane ana i ka wahine

mamuli o kona maopopo mua ole he hoahanau kekahi o ke

kane ma ia ion like, nolaila, iaia i ike ai i ka inoa Sa Wiliama

hita, ua manaoia oia o kana kane ka i mare i hou i ka wahine,

elike me ia ana i ike ai ma ka hoolaha, a ua loaa koke ka ma-

naoia iaia ua haalele ia oia.

I ka pau ana o ka Sa Wiliama heluhelu ana, nui iho la kona

hanu a hoopuka ae la i keia mau olelo a nui ka leo:

"O, heaha ana la kana mea e noonoo iho ai no'u?" alaila huli

ae la oia e nana i ka on a o ka hokele a ninau ae la: "Ihea kahi

i loaa ai o keia nupepa ia oe?

He Journal ka inoa o ia nupepa a maloko o ke Kalana o

Hamesire, Enelani, kahi i pa'iia ai a malaila ke keena home

o ia pepa, o kana mea e nalu nui ana ia manawa pehea la i

loaa mai ai ia nupepa i Nu Ioka a i lilo ai hoi ia kumu hewa,

hoopilikia noonoo.

"Aole i maopopo ia'u," wahi o ka pane a ka on a hokele.

"Iloko nei o keia keena i loaa ai ia'u e waiho ana iluna o ka'u

pakaukau nei me kekahi mau nupepa lehulehu e ae, o ka mea

no hoi nana i lawe mai a waiho maanei aole au i ike, i ia'u

i heluhelu ai i keia hoolaha ua lawa loa ia e hoohikaka ai

ia'u no kekahi manawa.

"Pela no, a he hana aloha ole loa no hoi ma kou aoao ke

kipaku ana iaia e hele mai nei aku. Ma keia hoolaha, i ka

nana iho owau maoli no ka i mare me Makaleka Sanahope,

e i nae ma ka mea oiaio, aole owau, o kuu hoahanau, he ke-

onimana i like loa kona inoa me ko'u oia ka i mare; o ke ku-

hihewa nui loa i hanaia a he hewa koikoi loa hoi oia ka hoo-

huiia ana o ka Sa mamua o kona inoa, a ke nana iho me

he mea la owau ka i mare. Ua ike anei kuu wahine i keia

hoolaha?"

"Pela i ka'u hoomaopopo aku ma ke ano o kana olelo ana

mai."

"Ina pela, ma ka nana a hoomaopopo aku he enemi ino loa

ke mea nana i hana i keia i mea e hoehaehaia ai maua; o ka

ninau nui nae a kaua e ninau iho ai, owai la ia?" wahi a ka

baroneta o ka pane ana mai me ka helehelena kaumaha.

 

Mokuna XX.  -- Loaa ia Sa Wiliama he alahele o Vekinia

 

I ka hoihoi ana mai o Sa Wiliama i kona mau noonoo au-

wana apau mamua iho me ia, alaila ninau alu la ia Elederida:

"Ua loaa anei ia oe ka ike no kahi o kuu wahine i hele aku

ai?"

"Aohe maopopo ia'u. Ua olelo aku au iaia na'u e huli aku

i wahi nona e noho ai me ka maluhia, kekahi wahi e hoohau-

naele ole ia aku ai oia, eia nae ua haawi wale mai no oia i

ka mahalo ia'u no ia namao o'u e kokua aku iaia a ua hoole

mai i ko'u hele ana aku e huli i hale nona e noho ai.

"Ua kauoha aku oia no kekahi kaalio e kii mai iaia, a ua

holo aku no kekahi wahi a'u i maopopo ole ai, me ka hoike

ole mai hookahi huaolelo no kana wahi o ka hele ana aku,

aole no hoi i lohe mai i kahi mea nona ahiki iho la i nei la a

kaua e hui nei."

Ua makaala loa ka on a o ka hokele iaia iho aole i hoakaka

 mai imua o Sa Wiliama no ka maha loa ana o kona noonoo no

ke kaawale ana aku o Vekinia mailaila aku, me kona noonoo

hou ole aku nona, no ka mea, mamuli o kona kaawale ana aku

e loaa ole ai kekahi kamailioia no kona hokele no ka malama

i ka põe maikai ole malaila.

I ka pau ana o ka Sa Wiliama kamailio me ka on a o ka ho-

kele, alaila hele pololei aku la oia no ka hale o Kauka Noka,

ke kauka ana i waiho iho ai ia Vekinia malalo o kana ma-

lama ana, me kona manaolana e loaa mai ana la hoi kekahi hoo-

maikeike ana mai iaia mai no ke kumu o ko Vekinia hele ana

mai ka hokele aku, a no kana wahi hoi o ka hele ana aku a

noho ia manawa.

Eia nae, iaia i hiki aku ai a kamailio pu me ia, a no ko ke

kauka maopopo ole loa i kekahi mea e pili ana ia haalele ana o

Vekinia a pela hoi me kona wahi o ka hele ana aku, ua poho

loa ko Sa Wiliama noonoo no ka mea, aohe mea i loaa mai iaia

mai ke kauka mai, a o  ke kauka pu kekahi i hoopuiwaia aku

i kona manawa i hoikeia aku e Sa Wiliama ua hele o Vekinia.

O kana wale no o ka hoakaka ana mai iaia o ia la loaa ana

aku o ka Mrs. Hita leka e hoakaka ana no kona makaukau

e haalele iho i ka hokele a ua makemake oia e uku ia aku

kana mau bila, a e noi pu aku ana e holo mai no ke kii ana

 mai i ke dala.

Wahi a Kauka Noka, us kaupalenaia kona manawa, nolaila,

aohe i liohi kona noho pu ana me Mrs. Hita iaia i kii mai ai

i ke dala a haalele iho la i ka hokele iloko o kekahi mau mi-

nuke kakaikahi loa. Ma kana hoakaka imua o Sa Wiliama,

ua hookahahaia oia i kona ike ana i ke haikea loa me kona

ano uiha i kana nana aku, ua ninau aku oia iaia i ke kumu,

eia nae ma ka Vekinia olelo mai he maikai no oia, a no ko

Vekinia hoike ole mai i kona ano pihohoi pela oia i koho aku

ai ohe io no ona ma'i.

Ua nele loa ke Sa Wiliama i kekahi alahele e hiki ai e ioaa

iaia kahi a kana wahine i hele aku ai a e loaa mai la hoi ke-

kahi kkokua iaia no ka huli ana aku a loaa oia.

I kona nele ana i kekahi ike mai ke kauka mai, alaila, haupu

ae la oia no ka hele ana aku e huli i ka wahine hii a malama

keiki ana no o ka hoolimalima ana i wahine hana no Vekinia,

a eia nae, ua hoohoka hou ia mai no la loaa ole o oia

wahine ma kahi ana o ka noho mua ana, a o ka pilikia oi aku

aolhe mea i maopopo i kahi o ia wahine i noho ai. Nui no

keia mau hoohoka i halawai me ia.

O kana wahi hope loa ka hele ana aku e ninau oia ka ba-

nako, kahi ana i hoahu ai i kekahi heluna dala nui na Vekinia,

 eia nae o hoohokaia mai no ke kali mai ana iaia i kona

hoea ana aku.

Ma ka mea i hoikeia mai iaia e ke kupakako o ka banako he

leka ka i loaa aku e hoakaka ana, ma kekahi la a Vekinia o

ka hoike ana aku, e hele aku ana oia e kikoo i na dala a pau

i hoahuia aku ma ia banako ma kona inoa.

Ua hoea io aku oia ma ia la ana o ka hoike ana aku, a ua

lawe i na dala apau, o ka hopena ia o ke kupakako ike ana nona,

 a no kana wahi o ka nee ana aku aohe i maopopo iaia. No

keia mau hoohoka lehulehu e ike iho ana no oe, e ka maka-

maka heluhelu, he kanaka o Sa Wiliama i hooneleia i na ma-

naolana, no ka mea, ma na wahi apau ana e huli ae ai he nele

wale no ka mea i halawai mai me ia, no ia nele, ua ulu ka ho-

pohopo a nui iloko on a no ka halawai o kana mau mea aloha

me ka poino.

No ka mahina a oi noho ana ma Nu Ioka, me ka hoo-

lonolono a uiui ana ma o a maanei i kekahi poe in a ua ike

a lohe paha lakou no ka wahine, he ole nae ka pane i loaa

mai iaia. Iloko o ia mau la pau ke kulanakauhale o Nu Ioka

i ka hele ia eia mai kekahi kihi a hoea i kekahi, me ka hoo-

hana i kana dala ma o ka hoolimalima ana i na makaikiu u mea

w loaa ai ko Vekinia wahi e noho ana; he ole nae ka mea loa

o ke dala ka puehu aohe mea panai mai.

I ka loaa ole ana o ka wahine alaila hooholo iho la oia

i kona manao ua haalele mai o Vekinia i ke kulanakauhale a

ua hele aku no kekahi Mokuaina okoa, aka nae, owai la ia

mokuaina?

Ua maopopo iaia aole hookahi makamaka a mau hoaloha

o Vekinia ma ka aoao hikina o ka lalani mauna Pohaku,

o kona wahi i loaa aku ai iaia aia ma Nevada, he aina malihini

loa o Nu Ioka ia Vekinia.

"Eia no anei oia ma ka Hikina nei kahi e pee mai nei, kahi

i malihini loa iaia, a i ole ua hoi hou aku anei oia ma kela

kapakai Pakipika kahi i kamaaina aia?" o keia ka Sa Wiliama

mau ninau o ka ui ana iaia iho, a ua lilo no hoi keia mau ni-

nau i mea hooluku mau i kona noonoo, a no kekahi manawa,

aohe maopopo iaia o kana no ka hua ole o kana hooikaika

ana e loaa ka wahine.

I ka hala ana nae o kekahi manawa nui o kona noonoo ana

hooloho iho la oia e holo no Nevada, kahi o kahi home kahiko

o Vekinia i noho ai me kona makuakane, a o kahi no hoi on@

i loaa aku ai iaia a mareia ai laua malaila, malia o loaa mai

paha kekahi hoike iaia mai ka poe mai e noho ana malaila.

Ua hooko oia ia manao a ua hoea aku Nevada hookahi

makahiki mai ka manawa mai a laua o ka haalele ana aku ia

wahi, a iaia i hoea aku ai ua make loa kona manaloana iaia e

auwana ma o a maanei maluna o na wahi i kamaaina ma o

a maanei maluna o na wahi i kamaaina iaia i ke helena mamua;

iaia i hoea aku ai i kahi hale o ka makuahonawai Abota, kahi

ana i halawai mua ai me kana aloha, he poe malihini wale no

ke noho mai ana, aohe kana mea i aloha i, aole no hoi he

mea hookahi i kamaaina mua iaia.

Elike no me ia a laua i haalele iho ai pela no kana e ike aku

ana i na mea apau e hoopuni mai ana, a iaia i ninau aku ai

i ka poe e noho ana malaila ia manawa no ko lakou ike i

kana wahine ua hoole mai lakou.

Ua pane aku oia i ka lakoou mau ninau lehulehu me kona

makaala loa i kana oane ana, me ka hoike ole aku i ka nui o

kona kaumaha no ka wahine, ua makemake loa oia a oia no

kana mea i noonoo mau ai, e loaa aku ana no iaia kahi Pake

kuke kahiko a Abota o Chi Lu, a mai iaia ana e loaa ai

kekahi hoomaikeike ana iaia no ka Vekinia wahi i noho ai eia

nae, ua haalele ua wahi Pake la ia wahine he manawa loihi ma

mua aku; he hohoka nui keai iaia.

Ma ka mea i hoikeia mai iaia ua haalele ua wahi Pake la

ia wahi me ka hikiwawe loa me ka maopopo ole no lona he@e

aka nae, aole o loihi loa mahope mai ua hoi hou aku oia, a

ma ia manawa i kuai aku ai oia i kahi hale a Sa Wiliama i

haawi aku ai iaia, a ia nalo ana aole oia i ike hou ia ma a

wahi.

I ka loaa ole ana o kahi Pake iaia, alaila aku la oia e hu@@

ia Makaleka Foleka, a i ko laua halawai ana ua hookah@@@

kokeia ko Sa Wiliama noonoo i ka manawa i kau aku ai ka ike

a kona mau maka maluna o na maka o Makaleka, ma ka @ke

aku o ka baroneta aia kekahi mea nui iloko o ka noonoo o ia

wahine nona.

Nana mai la oia iaia me ke ano hoohuoi me ka makemake

olé e kamailio pu aku me ia, aole no hoi oia i ninau mai @

kahi manawa no ka mea e pili ana ia Vekinia.

 Mamuli o ia ano Makaleka i loaa iho ai ka noonoo @ ke

Sa Wiliama ua ike a i ole ua lohe paha oia i kahi mea e pili

ana no Vekinia me ka baroneta, a i lilp ai no

hoi ia wahine i mea kokua nui mai ia Vekinia ilokoo ka ma-

nawa hope o ka ma'i ana o Mr. Abota, ka makuakane o Ve-

kinia, no ia kamaaina loa ona ia Vekinia he haawina maa

 mau e makemake mai ana oia e ike i kekhi mea e pili ea Ve-

kinia, eia nae, aohe ana wahi ninau hookahi nona.