Ka Nupepa Kuokoa, Volume LXI, Number 42, 19 ʻOkakopa 1922 — Page 5
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Moolelo o Ka Halawai A Ka
Ahahui Euanelio Hawaii
Ahahui O Ka Mokupuni O
Oahu I Noho Ai Ma Kawaiahao Kau O Okatoba 4-5,
1922
La Hana 1-Poakolu, Okatoba 4.
Noho ka halawai hana a ka Aha
Makua o ka Ahahui Euanelio Hawaii o ka Mokupuni o Oahu i hoomaluia e ka Rev. H. K. Poepoe, ma ka hora 9:30 a.m., mahope o ka malamaia ana o ka hapalua hora haipule e ka lunahoomalu. J.K. Nakila. Kakauolelo.
1- Hoomaopopoia na hoa o ka aha i hiki mai ma ke kaheaia ana o na inoa o na kahu, na elele, na hoa mau o ka aha, ame ka poe i laikiniia, e hoomaka ana ma ka Ekalesia e Kawaiahao.
Kawaiahao -Rev. A. Akana, Ka-hu F. K. Archer, elele.
Kaumakapili-Rev. H. K. Poepoe, kahu Benj. Mololani, elele; Kalihi-Moanalua-Wm. K. Poai, Kahu; Mrs. Luisa Mawae, elele; Ewa-aohe Kahu; D. K. Kapanookalani, elele; Waianae, Wm. K. Poai, Komite, S. K. Hui, elele; Makua-Mrs. Andrew, elele; Waialua-J.K. Kauwalu, hai-olelo, Mrs. Kauwalu elele; Kahuku-Hauula, James A. Akimo, haiolelo, Sam Kahele, elele; Waikane-J. K. Paele, haiolelo, Mrs. Kuahine, elele; Mr. J. C. Corney, elele. Central Union-aohe kahu i hiki wai; o H. Kulika, elele; Kalihi Union-A S. Baker, kahu, aohe elele; Ewa Union-Aohe kahu a elele. Ekale-sia Bishop Memorial-Aohe kahu a elele. Ekalesia Pukiki-A. Soares, kahu, aohe elele; Fort St. Chinese Church-Y. T. Char, elele; Ekalesia Pake Elua-aohe kahu a elele; Eka-lesia Kepani o Makiki, aohe kahu a elele; Ekalesia Kepani o Nuuanu, T. Hord kahu, aole elele; Kakaako Japanese Mission-aohe haiolelo a elele; Ewa Japanese Church-aohe kahu a elele; Waianae Japanese Church, aohe kahu a elele; Waialua Japanese Church, aohe kahu a elele; Ewa Pilipino, aohe haiolelo a elele i hiki mai.
Na hoa mau o ka aha; Na hoa i hiki mai oia o H. P. Judd, Theodore Richard, S. H. Oni.
Na keiki a ka aha i laikiniia i hiki mai, Jas. H. S. Kaleo, J. K. Kauwalu, O P. Cox, L. K. Kupau, Pedro Racellis. Koho Ana i na Luna hou no ka Aha.
No Mr. Kupau i waiho mai i ka inoa o Rev. H. K. Poepoe i Luna-hoomalu a kokuaia, a noiia mai e pani i ka waiho inoa ana, kohoia me ka lokahi a hukiia hookahi ba-loka.
Na Mr. Kupau no i waiho mai i ka inoa o J. K. Nakila i kakauolelo a kokuaia, a noiia mai e paniia ka waiho inoa ana, kohoia me ka lo-kahi.
Waihoia mai e ka noho ka inoa o Lowell K. Kupau i maheleolelo no ka aha a aponoia.
Na Mr. Judd i heluhelu mai i ka papa kuhikuhi hana a ka aha apo-noia.
Na ka noho i waiho mai i na inoa o na komite kumau elike meia malalo nei:
Komite haipule- Kauaulalena, Kauwalu, Edward Kahale. Komite hoike kihapai-Poai, Kaleo, Mololani.
Komite palapala hoopii- Judd, Akana, Kulika Poai. Komite ninaninau Iakini-Judd, Akana, Kulika, Poai.
Na Mr. Judd, he olelo hooholo e noi ana o ka poe apau i makemake e loaa ka laikini haiolelo e hele ae ma ke keena o ke Kahu Mr. Akana no ka ninaninauia ana ma ka hora 2 p. m.
Na Mr. Judd no i heluhelu i ke-kahi olelo hooholo hoalohaloha no R. Ygloria, kekahi o na kahunapule Pilipino i make, a e noi ana e hoo-paaia ma ka molelo o ka aha i hoo-kahi kope i ka Nupepa Pilipino a i hookahi kope i ka wahine kane-ma- ke. Aponoia a waihoia aku i ke komite hoalohaloha i noho lunahoo-maluia e J. K. Paele.
Hoopaneeia ka noonoo ana malu-na o ke kumuhana 5 ma ka Papa Kuhikuhi e pili ana i ke kula Ka-hunapule a ka Papa Hawaii ahiki i ka hoi ana mai o Mr. Davis, ke kumu o ke Kula Kahunapule.
Hapaiia ka lulu no na wahine kane-make, a loaa na dala he $14.00.
Na Mr. Judd, ke kakauleka a ka Papa Hawaii he hoakaka maluna o ke kumuhana 7 ma ka papa kuhi-kuhi e pili ana i na Papa Ekolu; ka Papa Hawaii, Amerika ame ka Ahahui Misiona Amerika, wahi a Mr. Judd aneane ma kahi o ke $40,000 ka aie o ka Papa Hawaii i nei manawa, mamuli o ka halawai ana o ka poe na lakou e haawi mai i na kokua nui me na popilikia mamuli o ke emi loa mai o ke ku-mukuai o ke kopaa, a e noi ana e haawi aku na ekalesia i na kokua i na papa ekolu.
Na ka noho he mau hokaka e pii ana i ka Buke Hoike makahiki a ka Papa no na hana a ka Papa Hawaii i ka makahiki i hala, ma-loko olaila e ikeia ai ka nui o ua hoolilo o ka Papa, a e kauoha ana i na hoa o ka aha e noi ae ia Mr.Judd i mau buke o ia ano. Pane o Judd e lawe mai ana oia i mau buke o ia ano ma ia auwina la no ka haawi ana aku i na hoa e make-make ana.
Na Mr. Judd i hoakaka ano nui mai maluna o ke kumuhana "ka @ana hoeueu i waena o ka lehulehu."He hana keia i makemakeia e hoeu-euia na opio awe na kanaka ma na wahi apau o keia mau mokupuni, aole ma ke kaona wale no o Hono-lalu, aka ma na mokupuni mawaho aku kekahi. Wahi ana he hoaloha no Mr. Richards aia i Amerika o Mr. Buptler kona inoa, he kanaka ike i ka himeni, e holo mai ana oia i Hawaii nei i ka mahina o Novema-ba e kaahele aku ma na kuaaina no ka hana a ke komite i hoolala ai, a e koto pu aku keia hana hoeueu iloko o na kula. Noi o Mr. Kupau e lilo keia hana i mea noonooia e ka aha a aponoia. Noi mai o Mr.Cox e aponoia i eleua pule hoeueu mamua o ke Kalikimaka a aponoia. Na ka noho he hoa i Hawaii nei i ka mahina o Novema-ba a kaahele aku ma na kuaaina no ka hana a ke komite i hoolala ai, a e komo pu aku keia hana hoeueu i loko o na kula. Noi o Mr. Kupau e lilo keia hana i mea noonooia e ka aha a aponoia. Noi mai o Mr. Cox e aponoia i elua pule hoeueu mamua o ke Kalikimaka a aponoia. Na ka noho he hoakaka ma na wahi apau a Mr. Butler e hele aku ai e malamaia na lulu in a no ka hapai-ia o ia hana.
Hapaiia ka noonoo ana maluna o ke kumuhana e pili ana i na opio iloke o na ekalesia."
Na Mr. Judd i hoakaka ano nui maluna o keia kumuhana; wahi ana e pono e a'oia aku na keiki maloko o na ekalesia i ka pono Kristiano aole e hookuu wale ia lakou e hele auwana ma o a maanei, o lakou na pani hakahaka ma kahi o na elema-kule e hala aku ana, o ko lakou mau la opio ka manawa kupono loa e a'oia aku ai lakou e lilo i mau paa-kou i poe makaukau i ka hana, a no ka hoomakaukau ana o kela ame keia ma keia kumuhana ua waihoia mai a keia la.
Noho ka aha e hoolohe i ka hai-olelo a Rev. Wm. K. Poai maluna o ke kumumanao "Ke Kristiano ilo-no iloko o ka Hame," ma ka hora11 a 11:30 a. m., a mai ka 11:15 p. m., na Rev. Akaiko Akana na manoa paipai maluna o ke kumu-hana, "Ke Kristiano iloko o ka Ekalesia."
Hoopaneeia ma ka hora 12:15 p. m., me ka pule a ka lunahoomalu Poepoe.
La Hana 2 Poaha, Oct. 5.
Hoomaka na hana a ka Aha Ma-kua ma ka hora 9 a. m., ma ka ma-lamaia ana o ka hapalua hora haipu-pule e Mr. J. K. Kauwalu, Kumuha-na-Luka 2:52. " A nui ae la ka na-auao ame ke kino o Iesu." Ekolu manao nui: Ke kanawai o ka uha-ne; ke kanawai o ka noonoo; na kanawai o ke aloha. Naauao na wehewehe ana maluna o ke kumu-hana ka nui o ka naauao ame ke kino.
Hookuuia me ka himeni a ke ana-ina ame ka pule mai ia Mr. J. K. Kauwalu mai.
Noho ka halawai hana a ka aha makua ma ka hora 9:30. Rev. H. K. Poepoe ma ka noho. Hoomaluia a kaheaia na inoa o na lala.
Heluheluia ka moolelo o ka hala-wai o Okatoba 4 a aponoia me na hooponopono oia ka hookomo ana i na inoa o na Rev. Nuuhiwa, Oili ame Kaaiakamanu, i hiki ole mai ma ka wa kaheainoa o ka la mua.
Na Mr. Kupau i waiho mai he noi e apono ka aha i ke kumuhana 9 "Na opio iloko o na ekalesia, " aponoia.
Na Rev. H. P. Judd he noi e hoo-peneeia ka noonoo ana maluna o ke kumuhana 10 "Pehea la e launa aku ai me na hoomana okoa loa ae" a e noonooia ke kumuhana 12, hoike ana Komite Kumau. Apono-ia.
Alaila heluhelu mai o Rev H. P. Judd i ka hoike elike me ia malalo nei:
"I ka lunahoomalu me na hoa."
Ua loaa mai kou komito he mau palapala noi no ka haawiia aku i mau laikini haiolelo mai ia Noah M. Mahi ame Frank K. Archer mai. Mahope o ka noonoo akahele ana o kou komite ua hooholoia e lawe mai ia Noah M. Mahi i keiki na keia aha no eono mahina, me keia manao e haawi aku i laikini haioe-lo iaia ma kela manawa, no ka mea ua manaoia ua hoomakaukau oia ia-ia ma kona aoao no ka oihana hai-euanelio. Ua ike pu ia no hoi he mca pono i kou komite ka haawi ana aku i laikini haiolelo ia Frank K. Archer, he lunakahiko oia a he lala no hoi no ka Papa Kahuwia-wai o Kawaiahao. Nolaila ke apo-no nei maua i keia mau noi a elua."
REV. H. P. JUDD,
REV. H. K. POEPOE,
Ma ka ninauia ana o na ae ame na hoole no ke apono ana i ka hoike ua aponoia me ka lokahi mahope iho nae o ka hoakaka ana mai o ka elele o Ewa i kokuaia e Mr. Kau-walu ame Mr. Kaleo, no ko Noah Mahi noho paa ole iloko o ka eka-lesia o Ewa ma ka manawa ana i waiho mai ai i ke noi no ka haawi-ia aku on a laikini haiolelo iaia. Na ka noho i hoakaka i kekahi mau manao e kakoo ana i ka pono o ka hoolilo ana mai ia Noah Mahi i kei-ki na ka aha, ia manawa i waiho mai ai ka Rev. Sol. K. Oili he noi e aponoia ka hoike holookoa a ke komite. Kokuaia a aponoia ma ka ninau ana i na ae ame na hoole.
Na Rev. H. P. Judd i heluhelu i ka hoike o na ekalesia pilikia, a mahope o ka unuhiiia ana ma ka olelo Hawaii, waiho mai o Kaleo he noi e aponoia ka hoike. Aponoia.
I ka lunahoomalu âme na hoa o ka aha:
O ka hana nui a kou komite iloko o na mahina eono i hala o ia no ka imi ana i dala i mea e hiki ai ke hoopau pono ia ka hana a paa ka halepule o Makua. Eua keehina hana i lawelaweia:Ka mua, o ia ke noi ana aku i na kokua ma ke dala mai ko kakou mau ekalesia mai no keia hana nui. Elua-Ua malamaia he hoike hui o na Kula Sabati ma ka manawa i hoolaaia ai ka halepule o Makua ma ke Sabati o Sepatemaba la 3 a ua loaa he mau kokua nui ma ke dala.
Mamuli o na hoikaika hui ana ma keia maualahele elua ua loaa he huina o $2285.22. O ka bila aie ia Lui ame Kuke i hiki aku ka hui-na i ka $2100 ua pau i ka ukuia, a pela me kekahi mau huina aie liilii e ae e pili ana i ke kukulu ana ka banako nona ka huina aneane i ka hale. O ka nota wale no i ka $2550 koe.
Me he mea la e kokua mai ana no ka Ahahui Congregational Church Building Society o Nu Ioka ia ka-kou ma ka huli ana e loaa mai ai ke dala, kekahi hapa ma ka haawi ana mai a o kekahi hapa ma ka aie ana no ka manawa loihi, me ka ukupanee ole.
Nolaila me ka hauoli ame ka ma-halo nui i ka poe apau i haawi mai i ka lakou kokua no keia waihona kuikawa, mamua e waiho aku nei i keia hoike. O kekahi o na mea ano nui i ikeia ma keia hana o ia no na manao lokahi a pupu kahi like o na haipule, aole wale na ekale-sia o ka Ahahui Euanelio o keia mokupuni, aka o na ekaesia pu ke-kahi o na mokupuni mawaho ma ke alu pu ana mai i ka halepulo o Makua, e hoopauia ae ai kona pili-kia.
Me ka haahaa,
HENRY P. JUDD,
HENRY K. POEPOE,
Komite,
Na Jas H. S. Kaleo he noi e haawiia aku i manawa no na keiki a ka aha i laikiniia e heluhelu ai i ka lakou mau hoike no ka lakou hana i lawelawe ai malako o eono mahina, ku-eia mai keia noi no ke kumu iloko o ke kau o Apeila e waiho mai ai lakou i hoike i ka aha.
Mai ka Ekalesia mai a Makua, ma o kona elele la, he palapala noi a aponoia.
Hoi hou ka noo ana a ka hale maluna o ke kumuhana 5, e pili ana i ke Kula Kahunapule, elike me ke noi a Rev. H. P. Judd i aponoia, oiai ua hoea mai o Mr. Davis ame Mr. Countermine na kumu me na haumana e ke Kula Kahunapule ia manawa, he mau keiki Hawaii, Pake Kepani ame Pilipino, ke kumu hoi i hoopaneeia ai ia kumuhana.
Elua wale no mau keiki Hawaii iloko o ia kula, hookahi keikikane a hookahi kaikamahine mai ke kula mai o Maunaolu, Maui, o ka hapanui he mau keiki Pake, Kepani ame Pilipino. Ma ka hoakaka a Mr. Davis, he ekolu mau keiki Hawaii i hookomoia mai he mau keiki i puka mai ka papa ewalu mai o kekahi kula, a no ko laua kupono ole o ko lakou makaukau elike me ia i make-makeia ai, e na kumu, a no kekahi hemahema pu i ikeia no lakou, o ia ko lakou puhi paka, ua hookuuia aku lakou. O ka mea ano nui ma ka Mr. Davis hoakaka e noi mai ana i na ekalesia Hawaii e hoouna aku i mau keiki Hawaii i ke kula kahu-napule elike no me ia i noi mau ia mai ai i na manawa i hala. Ua oi ae ke nui o na haumana iloko o ia kula i nei manawa i ko ka wa i hala. Ua makemakeia na keiki i heonaauaoia mai na kula mai e Lahainaluna, na Kamehameha Mau-naolu ame ke kula kaikamahine o Kohala e komo aku ua kula. O ke keikikane Hawaii wale no iloko o ke kula oia o Moses Inaina a hoo-kahi kaikamahine Hawaii mai ke kula o Maunaolu, Maui. He hana keia i waihe ia mai na na ekalesia e imi i mau keiki. Hoike a ke Komite o na Palapala Hoopii.
I ka lunahoomalu âme na hoa o ka aha: O keia mau palapala hoopii ka i loaa mai, a mahope o ka noo akahele ana, ke waiho aku nei kou komite i na hooia no ke apono ana mai a ka aha.
Mai ka Ekalesia mai o Ewa e hookuuia aku o Rev. Wm. Kamau ma ke ano he kahu no ia ekalesia mai ka la 31 aku o Iulai 1922.
Mai ia Ekalesia mai no e hooko-huia o Rev. H. K. Poepoe, kahu o Kaumakapili i komite no ka Eka-lesia e Ewa no eono mahina, a e ma-lama eia i na hana ma ka awai ma ka halepule ma Ewa ma ke Sabati hope o kela ame keia mahina.
He noi mai ia Rev. Wm. Kamau mai e hookuuia aku oia mai keia ahahui aku no ka huipu ana aku me ka ahahui Euanelio o Hawaii.
Mai Waikane mai he noi e hoonohoia aku o Rev. J. K. Paele i komite no ia ekalesia no eono ma-hina.
Mai ka Ekalesia mai o Kahuku-Hauula he noi e hoonohoia aku o Rev. James Akimo i komite no ia ekalesia ne eene mahina.
Mai Waianae mai e hoonohoia aku o Rev. Wm. K. Poai i komite no ia apana no eono mahina. Ke hooia aku nei maua i keia no ke aponoia ana mai, ke apono nae me ka ae mai o na hoahanau o ka Eka-lesia o Kalihi-Moanalua, oiai o Mr. Poai he kahu no ia ekalesia.
E hoopau loa ia ka ekalesia Kepa-ni o Kapalama, a o kona mau hoa-hanau kakaikahi e noho nei mala-ila e hui ae me ka ekalesia Kepani o Nuanu, mamuli keia o ka nawali-mali a aneane e make loa ia ekalesia aohe on a kahu no na makahiki lehu-lehu i hala. Ke hooia nei maua e lilo keia noi i noi e aponoia, ke apono pu mai nae ka ekalesia Ke-pani o Nuuanu ame na hoahanau i koe o ka Ekalesia o Kapalama."
Me ka haahaa,
HENRY P. JUDD,
HENRY K. POEPOE,
Komite.
Noonooia keia hoike a ke komite a aponoia. Kauohaia ke kakauolelo e hoike aku ia Rev. Wm. Kamau no kona hookuuia ana mai ka Ahahui Euanelio mokupuni aku o Oahu a e hui aku oia me ka Ahahui Euanelio o ka Mokupuni o Hawaii.
Ke hoike nei makou i ko ma-kou manaoio maoli no ke ku-mukuai i noila mai, o ke Ches-terfield he haawi ana i ka wai-walio kiekie loa no ka kika-lika Kawili Tureke i waihoia aku i ka poe puhipaka.
Liggett & Myers Tobacco Co.
He kaokoa loa keia kikalika, he oluolu me ka mahloia. O ko-na oluolu ka mea ike mau ole ia no ke ano o kona kino me ka ono. "No ka ike mai ke kumu i ka hana ana." O ka mea nui ia iloko o ke kawili ana.
"They Satisfy"
Na Rev. J. K. Paele, lunahoo-malu o ke komite hoalohaloha he olelo hoalohaloha no S. R. Yglona, Kahunapule Pilipino o Ewa i make, a waihoia ma kahi o na palapala.
Na Rev. Akana he hoakaka o na dala ola o ka aha i leaa ae iaia ame na hoolilo he mea pono i na puuku o na aha ekolu e komo aku ma kona keena no ka nana ana i kana hoike, Na ka noho, e maka-ala na ekalesia apau i ke ola o ka aha elike me ia i ka@@.
Hapaiia ka lulu no na lilo o ka aha a loaa he $8.37. Ua mahole like ia keia me ke kakauolelo ame ka maheleolelo.
Noho ka aha ma ka hora 11 a. m., e hoelohe i ka haiolelo a Rev. E. T. Sherman maluna o ke kumuhana "Ke Kristiano iloko o kana oiha-na." Waiwai nui keia haiolelo. 11 a 11:30 a. m.
Na Rev. James Akimo he mau manao kuliu maluna o ke kumuhana "Ke Kristiano iloko o ke kulana-kauhale," 11:30 a. m., a 12:15 p. m.
Oiai o ka Poaono, Okatoba 7, o ka la hanau ia o Rev. O H. Gulika, kekahi e ua makua kahiko loa i paa i ka pono, a o ka piha ana hoi iaia o na makahiki he 02 e ke ola ana, ua hoomaopopo ka aha i keia moa a ua kauohaia ke kakauolelo e haa-wi aku i ka hoomaikai piha ame ke aloha o ka aha iaia.
Hooholo ka aha e hoopanee i ka noonoo ana maluna o ke kumuhana 10 ma ka papa kuhikuhi hana no ka manawa ole, elike me ka hoaka-ka a ka noho.
Na Mr. Kupau i waiho mai he noi e kaohi ka aha makua i kona heo-panee ana ahiki i ka hoopaneo pu ana me na aha keiki, Kula Sabati ame C. E. Ma ka noonooia ana haule ke noi.
Kahi e noho ai ka aha-Na Mr. Kaleo i waiho mai he noi i Kawai-ahao no e noho ai ka aha i ke Kau o Aperila, a kokuaia mai e Mr. J. K. Kauwalu. Na Sam Kahele, elele o Kahuku, i Kahuku e noho ai a kekuaia mai e Rev.Akimo. Ma ke koho ana no elua manawa paiapai. Waihoia ke koho ana na ka noho, a koho ka noho i Kahuku e noho ai i ke Kau o Aperila.
Kauohaia ke kakauolelo e haawi i na hoomaikai a ka Ahahui Mo-kupuni i ka Ekalesia o Kawaiahao.
Na Rev. Wm. Poai he manao hoa-kaka; Wahi ana o ka piha ana ia ma ia la o ka makahiki o Miss Kaahamokupuni Kupau, Ke kaika-mahine hookama a ka aha, a e pono e hapaiia ka lulu. Waihoia keia kumuhana mamuli o ka hoakaka a
E KUAI I KA PALAOA KALIMA
I HOOMO'A IA MA KA
LEE WO BAKERY
653 ALANUI KEAWE
KELEPONA 1570
ka noho i ka Ahahui @, E., ka aha i kupono e hoomaopopo i na hana i pili i na buke.
Noi mai o Frank K. Archer e hoopaneeia ka aha a noho hou i Aperila 1923, ma Kahuku. Kokua ia a ma ka ninau ia ana ua aponoia.
Hookuuia na hana o ka aha ma ka himeni na L. H. 163 ame ka pule mai ka lunahoomau mai ma ka hora 12 m.
J. K. Nakila,
Kakauolelo
HE LAWEOLA KA OLELO HOO-
HOLO A KE KIERE.
-
Ma ka hihia o G. Kine e ka wai-hoia ana ae imua o ka aha kaapuni mahope o ka ninaninau ana a ka papa kiere kiekie Teritore he pe-pehi kanaka ma ka degere ekahi, ma ka olelo hooholo nae a ka papa kiure hookolokolo a ka aha kaapuai a ka Lunakanawai James J. Banks o ka hoihoi ana ae imua o ka aha ma ka hora 11:15 o ke kakahiaka Poakolu aku nei i hala he laweola ma ke de-gere ekahi. O keia ka hihia a ke Teritore o ku-e ana ia G. Kino, ke Kepani nana i ki me ka pu pana-pana ia Sagamine he Kepani ne ma ka pa uwi waiu a Ferreira, ma Ka-pahulu ma kekahi manawa aku nei i hala elike me ia i hoopukaia aku ai ma ke Kuokoa.
O ka Loio William T. Rawlins ke kokua ma ka aoao o ka mea i hoo-pilia, pane imua o ka aha mai ka hoomakaia ana mai e hoolohe o kona hihia ahiki i ka pau ana, ua ki oia i kona hoa-lahui no ke kupale ana iaia iho.
Ma ka la 29 o Sepatemaba i hala ka hoomakaia ana e hoolohe i keia hihia. Mahope o ka pau ana o ka ninaninauia ana o na hoike ma na ao ao elua ame na hoakaka manao ana a na loio ma na aoao elua, ua waiho ia aku ka hihia i ka lima o ke kiure. O ka manao koikoi a ka Loio Rawlin i hoakaka ai imua o ke kiure o ia ka hoololi ana i ke kumuhoopii o Kino mai ka pepehi-kanaka a i ka laweola. Ma ka au-wina la Poalua, Oct. 9, hora 3:15 ka hoomaka ana o ke kiure e kalai-manao maluna o keia hihia. Ma ka hora 11 o ia po iho oia mau ka paakiki o na kiure ma na aoao a eluna e hiki ole ai e loaa koko ka lakou olelo, nolaila ua hoihoiia ao ka papa kiure e hoopaa maleke o ka Hokele Iana ma ia po. Ma ka hora 8 o ke kakahiaka o ka Poakolu mai, oia ka Poakolu o ka pule i hala aku la, ua hoopaa hou ia lakou maloko o ko lakou rumi no na kalai ma-nae ana no a na hoa a ma ka hora 11:15 a. m., i loaa ai kana olelo hoo-holo e hoololi ana i ka hihia e G. Kino mai ka pepehikanaka a i ka laweola ma ke degere ekahi.
Ma ka Poaono aku la i hala ke kau ana mai o ka Lunakanawai James J. Banks i ka olelo hoohola hoopaahao aole e emi iho malalo o ka 10 makahiki aole hoi e oi aku maluna o na makahiki he 20.
No ka moolelo o keia hihia pepe-hikanaka ua hoopuka mua ia aku ma ke Kuokoa o Augate 14.
TONG YIP COMPANY, LIMITED,
HOOPAU ANA.
-
Ma keia ke haawiia aku nei ka hoolaha i ka poe paa aie apau e ka Tong Yip Company, Limited, e wai-ho mai i ka lakou mau koi i ka mea nona ka inoa malale iho nei, ma ke keena oihana o Wing Sing Wo, Company, 64 Alanui Hokele Akau, Honolulu, T. H., iloko o kanaiwa la mai ka hoopuka mua ia ana aku o keia hoolaha, o ia hoi he kanaiwa la mai Sepatemaba 14, 1922 aku. O na koi apau e waiho ole ia mai ana pela e hoole mau loa ia aku
LEONG HAN,
Kahu no ka hoopauia ana o Tong Yip Company, Limited. 6521-Sept. 14, 21, 28; Oct. 12, 19
Hoao i ke Kope Kona Kamehameha
Ke kope maloko olaila kona mau ano maikai kumu apau, i hoom'aia me ke akahele loa, i wahi e moani ai ke ala, a hookomoia aku iloko o na puolo ame na kini, e komo ole ai ke ea iloko ola-ila-o ke Kope Kona Kamehameha ia.
E nana i ka hoailona melemele. He ono a mikomiko ka hoailona Kameha-meha i kupono i na Hawaii. Hiki ke loaa ia oe ma na puolo o 1-paona a i ole ma na kini o 5-paona.
AMERICAN FACTORS, LIMITED.
O ke Kanaka Kuai i na Lako Hana Maikai ua Lana-kila e no Oia i ka Hapa o ka Hakaka
Aole hiki ia oe ke lawelawe i na hana maikai me na meahana ino-ino. O ke kanaka e hoao ana e hana me na meahana inoino, e hoea mai ana i kona wa e kiola ai, a kuai i na mea kupono, ina he noonoo oia. Aka nae ua poho wale ka manawa ame ke dala ma ka hana ana pela. Ke kuai nei o Lewers & Cooke, Ltd., i na lako hana maikai wale no.
KE MALAMA NEI MAKOU HE AHUA PIHA PONO LAULA O NA
LAKO MAHIAI AME NA LAKO KUKULU HALE
He Makemake Paha Kou i
KO'I, KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE.
Papa o Kela âme Keia Ano, na Lako Hao, Pena, Aniani
Kakau mai a i ole kipa mai no na hoakaka. Ehookoia no na kauoha apau ma ka leka me ke akahele ame ka hikiwawe loa.
LEWERS & COOKE, LIMITED
Honolulu
Na i'o Pipi Momona Waeia Mai na Aina Hanai Pipi Like Ole Mai o Hawaii Nei
O keia i'o pipi momona, ka papa maikai hookahi ma ka mekeke, a ke kuai hoolilo nei makou, ma ke kumukuai haahaa, me ka hoopono maoli.
Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i'o pipi, he mea pono e lilo ko makou makeke i makeke nou.
Pipi Ku Mokupuni………………..15c o ka Ib.
Kulana Aoao o ka Pipi…………….15C o ka Ib.
Ku'eku'e Pipi……………………….12 1/2c o ka Ib.
Pipi Palai Iwi Hoehoe………………15c o ka Ib.
Pipi Palai Uha………………………15c o ka Ib.
Kulana Aoao Koala………………….15 1/2c o ka Ib.
I'o Hipa Ku…………………………..10c o ka Ib.
I'o Umauma o ka Hipa………………..10c o ka Ib.
I'o Hoehoe Palupalu………………….12 1/2c o ka Ib.
WAIUBAKA MAILE……………………50c o ka Ib.
METROPOLITAN MEAT MARKET
E ninau no LUI: he oluolu na kuka'i ana ma ka kaua olelo makuahine, Hele mai, mai hillahila!
Kopa Moi Keokeo No Ka Mikini Holoi
-
He Kopa maikai loa i hiki ke hoohanaia no na ano hana apau i pili i ka home. Hikike holoi na lole nahenahe loa me ka pilikia ole. O kona oi loa ku o ka maikai no na mikini holoi- No ka holoi i na pa ame holoi hale.
KUAI I PUOLO MAI KOU HALEKUAI MEAAI MAI
T. H. DAVIES & Co., Ltd.
Na Akena Wale no no ka Paeaina Hawaii