Ka Nupepa Kuokoa, Volume LXI, Number 41, 12 October 1922 — HE HOOMAIKAI. [ARTICLE]

HE HOOMAIKAI.

Mr. Lunahooponopono o ke Kuokoa; Aloha oe:—E oluolu mai oe i wahi kowa kaawale 6 kau nupepa no'u. e haawi aku ai i ko'u manao hoomaikai i na mana koho balokā 0 ka Apana Elima, i haawi ai ia'u, 1 ko lakou kakoo ana, a oiai aole no i loaa mai ka hopena i makemakeia, ua hauoli no ka manao i ka loaa ana he mau hoaloha, i hauwi mai i ka lakou mau kakoo ana ia'u. Ma ko'u ano he Repubalika oiaio, e noi ana au i na Eepubalika apau i kakoo mai ia'u, ame na Repubalika no hoi i kakoo ole mai, e kakoo mai i na moho i lanakila ma ke kau koho e hoea mai ana. Ua haule au ma ke kahua kaua kalaiaina, aole no nae ia he mea o kaumaha ai. He hakoko ikaika ke ku mai nei imua o kakou, a o ke alahele o ka lanakila, aia no ia iloko o ka 10-' kahi, a ina e makee ana kakou i ka aoao kalaiaina, alaila, he mea maikai e hoopoina i na mea i hala, a e kikoo aku kakou imua. Me keia mau manao maikai, ke waiho nei au na oukou a hooholo i ka mea maikai, e hana ai, a pela hoi na lani e hoopomaikai mai ai ia kakou apau. Me ka mahalo mai ka oukou kauwa nei, owau iho no me ka haahan, SIMEOX K. NAWAA,