Ka Nupepa Kuokoa, Volume LXI, Number 41, 12 October 1922 — KUU TUTU JOHN KEANU, UA HALA. [ARTICLE]

KUU TUTU JOHN KEANU, UA HALA.

i. Mr. Sonom<)h Lunahooponopono o ka Nupepa Kuokoa; Aloha kaua a nui loa: —E ae olu'olu mai oe, no'u kauwahi kaawale o ka kaua hiwahiwa ke "Kuokoa", ka mea hoi nana e uwila aku apuni na moku, i ike mai ai ka ohana, na kini haipule ame na hoaloha 0 kuu tutu, e noho mai la i ka puka ana o ka la i Kumukahi a i ka napoo ana o ka la i ka mole olu o Lehua. Ma ka wanaao poniponi wale o ka Poakahi, hora 2 a. m., o ka la 18 o Sepatemaba, 1922, a ma ka home aloha o kana kaikamahine, Mrs. Kukana K. Papu, ua oluolu i ka Makua Lani, ke kipa ana mai, *a lawe aku i ka hanu ola o kuu tutu aloha, John Keanu, a haalele iho la ia'u kana moopuna ka ohana ame kona mau hoaloha o pai'auma ana i ke aloha nona, i na la apau me ka poina ole, Ko ilio la ka olelo a ka Buko Nui i palapala mai ai, penei: O ke kanaka i hanauia e ka wahine, he "hapa kona mau la, ua piha i ka popilikia. Nana no i hana, a Nana no i lawe aku; e hoonaniia ke Akua ma na laniliiokie loa, he malu ma ka honua, he aloha no i kanaka. Ua hanauia kuu tutu aloha, John Keanu, nM Keokea Kula, Maui, ma ka la 16 o Mei 1837 mai ka puhaka mai o Helela (w) ame Kanakaole (k); nolaila o ka nui o kona mau la o ka hanu ana i na ea hu'ihu'i o keia ola ana, he 8o makahi, 4 mahina ame 18 la, a hoi aku la i ke alahele mau o na mea apau. Aloha wale! Ua hoohuiia kuu tutu, John Keanu me kuu tutu Mrs. Maikai Keanu, ma ka berita maemae o ka mare, a mailoko mai o ko laua puhaka na keiki he umi-kumamaleahi. He ehiku i hala e aku i ka po, a he eha e ola nei; Mailoko* mai o na keiki e ola nei, he elua moopuna; a mailoko o kekahi o keia mau moopuna, he elua mau moopuni kuakahi; ua hii no hoi kuu tutu i na moopuna kuakahi ana, mamua o kona haalele ana, mai ia makou kona ohana. Minamina wale! No nto mahina lea hoomailo ana & ka ma'i maluna o ke kino o kuu tutu; ua huliia ke ola, aole no he hiki, a no ka mea, ua lanakila ka ma'i maluna ona. I na la opio o kuu tutu, ho mahiai kana hana; mahope mai he kahulio no H. P. Baldwin, o ka hope loa, aia hoi aku kuu tutu, a hana ma ka apana o Paihiihi, malalo o 11. A. Baldwin, lea haku mahiko o Paia i neia manawa; a na lea ma'i 1 kau iho maluna,ona, ame ke aloha luaole o ka haku H. A. Baldwin mamuli o kona elemakule loa, i loaa

f , ai he hoomaha ana, me loaa mai no o kona ukuhoomau. He hoahanau kuu tutu ho ka Ekalesua o Paihiihi, o ka mahele o Paia, Maui, a na ka ma'i i hoomaha mai iaia mai ke kipa hou ana aku i ua Ekaleaia la. E Paihiihi e, ua pau kou ike hou ana i "kuu tutu, ua nalo, ua haalele mai i keia ola ana. E ka hunahunakai o Maliko e, ua ha'o kou hoopulu ana i ka papalina o kuu tutu, no ka mea, ua hala aku la oia i ke ala hoi ole mai. E Maui e, eia ko lei i ka aina malihini; ua pau ka hana, ua kuu ka luhi, aloha wale. Aloha wale na wahi apau a kuu tutu i hana ai me ka hoomana^anui! Maluna ae o na mea apau, ko.haawi aku nei au ame ka ohana apau i ka hoomaikai a nui i na makamaka na hoaloha, i komo pu mai m« makou ka ohana, iloko o ka luuluu ame ke kaumaha. Ke pulo nei au i ke Akua Nana no e hoomama mai i na naau kaumaha o makou, ka ohana a e alakai aku hoi ia makou iloko o Kona oiaio ame Kona Nani. Me oe e Mr. Lunahooponopono ka mahalo a nui loa, me na keiki o kou keena pa'i ke aloha nui. . Owau iho no me ka nd¥lu kaumaha, ka moopuna aloha a Jcuu tutu. MES. SAKAH K. KANINAU,