Ka Nupepa Kuokoa, Volume LXI, Number 41, 12 October 1922 — POMAIKAI KA POE ILIHUNE NO KA MEA NO LAKOU KE AUPUNI O KE AKUA. [ARTICLE]

POMAIKAI KA POE ILIHUNE NO KA MEA NO LAKOU KE AUPUNI O KE AKUA.

(Kakauia e J. K. Mokumaia) Ma ke kakahiaka nui poniponi i kau aku ai kou kiu ma ke' kaaahi 0 ka hora 8:30 a. .m., no ka hoea ana aku i ke kai hawanawana o Pokai, "Waianae. a hui iho la me ia mau hoa paahana like Mr. ame Mrs. Kanekoa; ame Wiliama Kuwelo, oiai o keia huakai no ka launa ana aku no ia me ua kamaaina, i hoikeia ae la maluna, a oiai e holo ana ua lio hao nei m« ka palalu mai o na ki mahu, e hoike aku ana 1 na mea apau, e hookaawale ae i kona alahele. Aia hoi kou kiu nei e hooauu ana i ka nani o ka aina, ke nana mai i ka maikai o ka laina ia ana o ke kanuia ana o ka halakahiki ma na kualapa o Moanalua, oiai he kahua panoa ia mamua, ke nana aku, aka i ka ike ame ka nosau>« ka noonoo o ke kanaka, ame ka oni o na meapaahana o ke kino, i ulu mai ai keia meakanu me ka nani ka nana aku, a kuu noonoo i kahaha ai i ka olelo o ka poe e olelo nei, i na aina hoopulapula i ke ino, i ka panoa a he nui aku na olelo i kupono ole, a ka manao e haawipio ai a o ia kau i kukulu ae ai i keia ninau iloko o ko'u noonoo, ina o keia aina panoa e ulu nei keia halakahiki, a e loaa ia haawina like i na home 0 na Hawaii e manaoia nei, auwe no hoi ka nani e. . \ £ loaa mai no na mea āpau me ka maikai, no ka mea, ua kahe ka hou, a ua loaa mai me ka oiaio, 1 kupono ai ka olelo a ka puke nui, me ka hou o kou lae e loaa ai kau ai, kou waiwai kou lol«, kou hale nani, a kou makua nei e waiho aku

noi iniua ou o kuu keiki, a e imi aku oc, a e hoonui aku i kau mau pua elike me na hoku o ka lani. Aia ka nani la o keia ninau hoopulapula a ko'u manao, o mahalo la i ka loaa ana mai o keia wahi mea uuku, a holu ana i ke alu o Halawa, a e oni ae ana o Aiea, a e lapuu ae ana o Kalawao, a ku iho Ia i Manana, a kau mai la ka mea i mahaloia Keliinohopono, a o ka oni aku la no ia o ua lio hao nei, a kaomi ana kahi makani o Waipio, a kaalo ae la o Waipahu aia mau ua lio hao nei ke oni la imua, a ku iho la i "Waianae i ka hor£ 10:10 a. m., me ka maikai o na mea apau, a hui iho la me ka mea i mahaloia S. K. Hui, a lululima pumehana iho la me ia, a o ka mokio polelei aku la no ia o ka makou huakai no ka luakini. N I ka hiki ana aku, i hui aku ai me na kamaaina, me ka pumehana, a oiai o maua na malihini, o kou kiu nei no hoi ame Keiiinohopono, oiai e malama ia ana na hana maamau i hoea mii ai ke Kahu Kula Sabati Kupau, a lawe ae la i kona ku lana, a kukulu mai la oia i ka hana 0 ia la, o ia no ka haawina Kula Sa bati o keia mahina e nee nei, o ia ka hanau ana mai o loane Bapekikc 1 keia ao. ' ' He maikai na mea apau, a oiai kou kiu e nana ana i ke kulana .e keia luakini, i ka maikai o kpn® hanaia ana, ma kahi o ke kahu ua haliiia i ka uhi weleweka, o ks noho ame ke kuahu, he koa, o ks papa himeni ame ka okana, aia n< ia mahope mai o kahi a ke kalu e noho ai, he oluolu maoli, aia ns peahi i hookaawaleia nou, a pela n( hoi me na buke himeni i makaukai mau, ua nui maoli na mea a kov kiu i Johe ai mai ka mea haiolele

mai, i lohe ai mai ka mea haiolelo mai, oia no hoi o Mr. L. Kupau, a loaa ai keia olelo i kauia ae la maluna. O keia mau manao ko'iko'i ka manao, a hohonu no hoi he m«a io no, ina e imi e loaa ana no elike me ka ulu ana o'na meakanu jna ka aina panoa, pela no keia mau olelo a'o. Na hana C. E., no hoi , kekahi, he nui aku na mea maikai, ua ai a lawa i kona nani, a hui iho la me ka makua maikai Mr. ame Mrs. W. K. Poai ame Mr. ame Mrs. H. Kapela, ame ka makuahine maikai Mrs. Kekuewa, ame ia makamaka maikai, Mr. Kupau makua, a i ka hiki ana ae i ka manawa o na

hana pili i keia ola honua ana, ua hnluiia mai na wahi apau o ua kaha nei a komo loa Lualualei, a hui ae la me ka Lunakanawai Kamauoha Alapaki Manu-n-ai ame kekahi mau hoa e aku. Ua piha maoli ke kahua o ka hale hookolokolo, a hana iho la i na mea i haiia aku ai ia lakou, e pili ana i na moho, a o ka lio puakea i kaulana ia kaha S. K. Hui, ka Lunahoomalu, i ho'olaunaia aku ai na moho ahiki no hoi i kou kiu nei, a o ia ka'u i lawe ae ai i keia olelo Pomaikai ka poe ilihune, no ka mea no lakou ke aupuni o ke Akua, a e noonoo nui kakou ma keia olelo kaulana, ahiki no i keia manawa, a hoi mai la me ka maikai.