Ka Nupepa Kuokoa, Volume LXI, Number 40, 5 October 1922 — Hookipaia Mai ka Mokuahi Hou me ka Piha Ohohia Nui Ia Hoea Mai ke Kulanakauhale o Honolulu ma Kana Huaka'i Mua Loa no Hawaii Nei ma ka Poaono Aku Nei i Hala [ARTICLE]

Hookipaia Mai ka Mokuahi Hou me ka Piha Ohohia Nui Ia

Hoea Mai ke Kulanakauhale o Honolulu ma Kana Huaka'i Mua Loa no Hawaii Nei ma ka Poaono Aku Nei i Hala

Elike me na malihini kipa apau, ka hookipaia mai m« ke ohohia, pela iho la ko ke kulanakauhale nei poe, i apo aku ai i ka mokuahi hou ke Kulanakauhale o Honolulu, ma ke kakahiaka o ka Poaono aku nei i hala, ma ka papahi ana aku i na ohua me na lei, ame ke .mele ana aku i kekahi mau himeni hoonanea, ka mea nana i hookomo aku i na | manao hoohauoli, iloko o ka po« maluna o kela mokuahi. | O ke kokoolua keia o ka mokuahi Kulanakauhale o Los Angelfls, o ke kipa mua ana mai nd keia kulana-1 kauhale, mamua koke aku me na makaikai he mau haneri, a koonei poe i liookipa mai ai, ma ke ano he mau malihini hanohano, a huli hoi nui aku ai no ko lakou mau home, mahope iho o ka makaikai ana no kekahi mau la pokole, i kekahi mau wahi o Hawaii nei. O keia na mōknahi, e holoholo mau aku ana mawaena o Honolulu nei ame Los Angcles, no ka halihali ana i na ukana mai kekahi awa a i kekahi, a no ka halihali pu ana no hoi kekahi i na ohua. Ma ka hora eono a oi o kela kakahiaka Poaono, i kaalo ae ai ke Kulanakauhale o Honolulu mawaho o Daimana Hila, a ma ka hora ehiku a oi, i kapalulu mai ai ma ka nuku ae nei o ke awa o Kou. Ua hala okoa kekahi manawa o ke ku ana o ka mokuahi mawaho 0 ke awa, no ka nana ana o ke kauka, i na ohua, a i ka ana, ua kaawale aku kela mokuahi mai na ohua ma'i ae, ua aeia mai la na kanaka kakau nupepa ame kekahi poe e ae, e pii aku noluna o ka oneki o ka mokualii. Ua holo pu aku ke komite hookipa me kekahi mau kaikamahine huapala, no ka hoolei ana,aku i na ohua 1 ka wehi o Hawaii nei, a he oiaio, ua lilo kela mau hana hookipa, a na kaikamahine opio, i mea hoohauoli loa i ka manao o na malih^ni,

no ka mea 0 ka mua loa kela 0 ka lei ana o kekahi poe 0 lakou i ka lei, me ka ike maoli iho no i ka u'i, i ke kau mai iluna 0 ka a-i. Kani na Oeoe I ka hookomo ana mai o ka mokuahi ma ke awa ae nei, ua olowalu like mai la na oeoe 0 ija halehana ame na mokuahi e pili.ana ma na uwapo, e hookani i na oeoe, he hoailona, no ka hookipa ana mai i ka moku malihini, a i ke kokoke ana mai 0 ka mokuahi i ka uwapo 9, ia manawa i paani aku ai ka bana Hawaii, ia ''Aloha Oe." Ua hoea ae ma ka uwapo, na lala 0 ke Kalapu Hoolaha o na haole ame ke Kalapu Hoeueu Hawaii, no ka hoohanoliano ana i na malihini ame ka mokuahi hou, a i ka aneane loa ana mai o ka mokuahi e pili 1 ka uwapo, ia wa i mele aku &i na wahine opio 0 ke Kalapu Hoeueu Hawaii, i kekahi mele, a no ke ku maoli o ke meleia ana i ka nani, ua noke na ohua i ka pa'ipa'i, ahiki i ka hoi palua ana o kela mau wahine, i ka lakou himeni ana. ī ka manawa hoi i hookuuia mai ai ke alapii noluna o ka uwapo, ua ku laina ae la na lala o kela mau kalapu a elua, ma ka aoao o ke alapii, ia wa i iho mai ai na ohua no ka uwapo, me na manao haaheo no na hookipa ohaoha a Honolulu nei, i panee aku ai imua o lakou. He Mokuahi Nani O ke Kulanakauhale o Honolulu kekahi o na mokuahi nani, a kupono no na ohua e manao ana e holo no Amerika, a mai Amerika mai hoi no Hawaii nei. He mokuahi keia no Kelemania mamua, aka i ka wa o ke kaua, i lilo mai ai i ke aupuni o Amerika, a mai ke aupuni mai, i kaa mai ai malalo trka hui mokuahi o 'Los Angelefl, no ka holoholo ana ma ka moana Pakipika. Mā ke awakea 0 keia Poaono, e haalele mai ai keia mokuahi no kona alahele moana no Los Angeles, me ka lawe pu aku i na ukana apau e loaa ana, pela hoi me na ohua mai Honolulu aku n«i, i manao e kau maluna 0 kela mokuahi.