Ka Nupepa Kuokoa, Volume LXI, Number 40, 5 October 1922 — HE MAU HOONAAUAO I NA MANA KOHO BALOKA [ARTICLE]

HE MAU HOONAAUAO I NA MANA KOHO BALOKA

lVla keia Poaono, e malama ana kakou i ke koho baloka wae moho apuni keia Teritore, no na moho elele lahui, na hoa o ke senate ame ko ka hale o na lunamakaainana, o ko kakou ahaolelo kuloko. I ka noonoo o kekahi poe, he mea liilii wale 110 keia koho haloka, o na moho e waeia ae ana, me ka nana ole owai Ia lakou, o na moho iho la no ia e koho aku ai, ma ke koho haloka, iloko ae nei o Novemaba; o kekahi keia ona manao lalau. He koho baloka ano nui loa keia, ma keia koho ana, e pono ai e laa na kanaka kupono, e lilo i poe kaukanawai, malalo iho la o ia kmnu, aole he hana maikai na kekahi poe o kakou ka hoohemahema ana i keia koho baloka wae moho, ma ka hele ole ana ae e koho i ko lakou mau baloka. Ina no paha he mau hana-ka kekahi poe ma ia la i manao ai e lawelawe aku, ua nui loa ka manawa no kikou e hele ae ai e koho i ko lakou baloka, me ka lilo ole o ia mau hana i kumu e noho ai i ka hale, a e hele aku ai paha 110 kekahi mau wahi okoa. O kekahi poe paha ma keia Poaono ae, he la ia no lakou e hoohala ai iloko o na anaina hoohauoli; me ka inu ana i ka waiona; aole no i papaia kela mau hana; o ka mea mua nae e noonooia ma kela la, o ia no ka hele mua ana ae e hookomo i

na baloka, ma na wahi koho, a o ke koena aku o kela la, no lakou aku ia kuleana, e liana ai elike me ka lakou i ike ai he kupono. , , i i v Mai kakou, he mea liilii wale no ka pono koho baloka; he pono nui ia, e hiki ole ai ke loaa nie ke dala, a na lahui e e noho mai nei, me ka hoomakaleho ia pono; nolaila o ke a o a ke Kuokoa. e lilo kakou apau, na makaainana, i loaa ka pono koho baloka, $ poe hoohana ia pono ma keia kau koho wae moho, ma ka hele kino ana ae ma na wahi koho baloka, a koho i na moho a oukou i manaoio ai, iloko o ko lakou mau lima, e hanaia ai na hooponopono ahaolelo kaulike. I ke koho ana no hoi i ka baloka , mai pupuahulu wale, aka e heluhelu i na hoakaka i kauia maluna o ke poo o kela ame keia papa o na.kulana pakahi, a e koho elike me ka heluna o na moho i makemakeia, aole e koho a oi aku mamua o ia huina. Ma keia koho baloka wae moho, he hookahi no baloka, 1 pa'iia, no na moho apau, mai na moho elele i ka ahaolelo lahui, a na moho senatoa ame na lunamakaaiiiana o ko kakou ahaolelo kuloko; me ka maheleheleia nae ona moho elele; na moho senatoa ame na moho lunamakaainana; a ua kau pu ia no na aoao kalaiaina o na moho apau e hoohewahewa ole ai ka mea koho haloka, ma ke koho ana i kana mau moho, elike nie kona aoao kalaiaina. t • i I ke kau ana no hoi i ke kahape'a, no na moho 1 makemakeia, e kau iloko o ke kuea, i hookaawaleia, mamua aku o ka inoa a mau inoa paha, aole ma kekahi mau wahi e ae, o kiolaia auanei ka hapa o ka baloka i hewa. Ina ua pohihihi kekahi mau makaainana koho haloka 1 ke ano e kaha ai i ko lakou mau haloka, e ninau aku i na lunanana koho baloka, na lakou e hoakaka pono mai) aole o ka pono kaha wale aku 110 me ka maopopo ole, o lilo auanei ka hewa o ke kaha ana i ka baloka, i mea poho wale, no ka hele ana ae e koho ma ia la.