Ka Nupepa Kuokoa, Volume LXI, Number 39, 28 September 1922 — E HOOMAKAIA ANA NA ALANUI KAA UWILA. [ARTICLE]

E HOOMAKAIA ANA NA ALANUI KAA UWILA.

Mamuli o ke apono ana a ka papa o na lunakiai i na hana i hoolalaia e ka Hui Kaa Uwila o Honolulu ame ka liaawi ana i ko lakou ae -e nee aku ka hana imua, ua hooholo ka papa alakai o ka Hui Kaa Uwila ma ko lakou halawai 0 ka noho ana ma ke kakahiaka o ka Poaha o ka pule i hala e hana 1 alanui hao palua no ke alanui Moi e hoomaka ana mai ke Alanui Liliha aku ahiki i ka Papu o Kahauiki. O keia alanui a komo pu me ka hann, ana i na alanui hao hou ma ke alanui Nuuanu mai ke alanui Moi aku ame„ke alanui Keeaumoku mai k-; alanui Waila mai ahiki i ke alanui Beritania, ke hana koke ia aku ana me ka hikiwawe ke lawa pono i na limuhana ame na materia. Ua hoomana pu ka papa alakai i ka hui no ka hana ana i eono mau kaa uwila hou o ke ano hou loa a e paa ia mau kaa ma na la o keia makahiki ae. Ma Honolulu nei ana no ia mau kaa e hanaia ai a no lakou hoi na lilo h<e $10,000 a oi no ke kaa hookahi.