Ka Nupepa Kuokoa, Volume LXI, Number 39, 28 Kepakemapa 1922 — E HOIKE I KE KALAIAINA NAAUAO MA KA HANA [ARTICLE]

E HOIKE I KE KALAIAINA NAAUAO MA KA HANA

Ke komo kino nei kakou i keia mau la. iloko o ka hahana 0 ke kalaiaina, me ka hooikaika ana o kela ame keia moho iho, no ka loaa iaia o ka lanakila maluna o kona mau hoa moho. Ua hoopukaia na olelo ikaika o ke ano ku-e aku i kona hoa moho, e kekahi poe e ake mai nei i na baloka o na mana koho; he mea mau no ia iloko o na hakoko kalaiaina apau, o ka mea nui nae a keia pepa e makee nei e ike aku i na moho apau, oia no ka hoopau loa ana i ko lakou mau manao ku-e, kekahi no kekahi, ma ka paa ana o na pahu baloka. O ka mea 1 lanakila, ina no ke kulana elele lahui; a ekolu paha no ke kulana senatoa, a eono hoi no ke kulana lunamakaainana, e haawi aku na moho i haule i na kakoo ana i ka moho a mau moljo lanakila, he kalaiaina naauap ia, aole o ka hoomau i kela ano ku-ee, a hoao e hoohaule i ka mea i lanakila, a i na moho lānakila paha, ma ka haawi ana aku i na hooikaika ana, no ka lanakila o na moho o kekahi aoao okoa aku, aole hoi i na moho o kona aoao kalaiaina ponoi. He like ole na lono e oiliili ae nei iloko o keia mau la, no ke kulana ikaika o na moho, o ka oi loa aku, no na moho elele lahui; he mea hewa ole nae ke houpuupu e ae, ma kahi o ka uwahi e hi-o ai, he makole ana koonei. x Ua lilo ka bila no ke kulana paa oihana o na wahine o keia Teritore i kanawai i keia la, mamuli o ke kakauinoa ana o ka Peresicfena Harding i ua kanawai Ja ma ka la 15 iho-nei o keia mahina. Nolaila ina no ke kohoia o kekahi o na moho wahine e holo nei no ke kulana lunamakaainana, ma ke kau koho haloka o Novemaba. ke waeia hoi i moho ma ke koho wae moho ae nei, alaila aohe he hopohopo ana i koe, ua weheia ae la ka ipuka a malaelae, no ka hooko ana aku i na hana i hōokauia aku e ka lehulehu maluna ona. x O na moho jiui o ko lakou miau hoaloha, iloko o ko lakou aoao kalaiaina ponoi iho, a iloko o kekahi aoao okoa aku, he nui ko lakou manaolana no k alanakila ma ka la 7 ae nei o Okatoba. O na moho e kauka'i wale aku ana ma na ulia laki o ka manawa, *ia hoopoho mua no lakou i ko lakou mau manaolant.-no ke komo pu aku iloko o na hauoli ana, me na moho apau.