Ka Nupepa Kuokoa, Volume LXI, Number 39, 28 September 1922 — ELUA MAU MAKAI I EHA MA KEKAHI ULIA KAA. [ARTICLE]

ELUA MAU MAKAI I EHA MA KEKAHI ULIA KAA.

I na makai mokokaikala Robert Mej-'Or ame Lono McCallum e ukali ana mahope o ka huakai a na malihini mai Los Angeles* mai oiai ia mau malihini i holo aku ai maluna o na kaa otomobile no ka makaikai ana i ka mokupuni o Oahu ma ke Sabati o ka pule i hala, ua halawai. like laua me ka poino ulia mamuli o ko *aua kiolaia ana mailuna aku o ka mokokaikala a waiho ana iloko o ka auwaha mahai o ke alanui, ma o iki aku o Kahuleu. E holo like ana laun, o Robert Meyer mamua, a o Lono McCallum mahopo aku. I ka hoea ana ma k««}a wahi ua pakika aku la ko Robert Meyer kaa a walawala ana oia iloko o ka auwaha, a oiai ua mama loa kela holo ana a laua ua kukonukonu loa ka eha i loaa iaia. Oiai hoi o Lono e pili kokoke loa aku ana mahope o Meyer ua hooku'i aku la kona kaa mo ke kaa o Meyer e waiho ana i ko alanui a walawala ana oia iloko 0 ka auwaha. 0 ko laua wahi i laki ai ua holo mai la ho aliikoa maluna o ke kaa otomobile, a nana 1 hookau ae ia laua iluna o kona kaa a laweia aku i ka lialema'i o Kahuku. O Meyer ka mea i kukonukonu loa ka eha ma kona poo, ua manaoia i kinohi ua naha ka iwipoo, aka nae, ma ka nana ana a ke kauka o ka halema'i o Kahuku aohe i naha ke poo *3ia nae, ua kupouli loa kona noonoo i ka manawa i loaa aku ai a laweia i ka halema'i. O Mr. Lono McCallum he maū palapu liilii loa ma kona kino. Ma ka oleloia o ka lua iho la ka keia o ko Meyer halawai ana me ka ulia o keia ano maloko o na pule eono.