Ka Nupepa Kuokoa, Volume LXI, Number 39, 28 Kepakemapa 1922 — KUPALE I KA INOA MAEMAE O KE ALII KALANIANAOLE. [ARTICLE]

KUPALE I KA INOA MAEMAE O KE ALII KALANIANAOLE.

Mr. Solomon Hanohano; Aloha oe: —E oluolu oe e hookomo iho ma kekahi wahi kaawale o kau hiwahiwa, ka Nupepa Kuokoa, i keia mau manao malalo iho nei, i ike mai ai na kini makamaka mai kela pe'a a keia pe'a o ka aina, i ko'u manao maluna o ka hoolaha i kakauinoaia e C. K. Kealoha, ma ka Nupepa Kuokoa o ka la 21 iho nei o Sepatemaba, malalo o ke Poo NUI 10 NO KA NAAUAO. "Na John H. Wise i kauoha mai ia'u (C. K. Kealoha) e pane, a e hoike ae i na mea oiaio i hanaia, a i pili i ka poe o Papakolea, a Lyman ma e noke nei i ke kaena, oiai, e hiki iaia ke pane, no ka mea he ma'i kona," o keia ae la kekahi o kana mau olelo (C. K. Kealoha) i kahakaha ai me kana peni kaulana a i oili pulelo ae maloko o na kolamu o ka Nupepa Kuokoa, i oleloia maluna ae. Aole i hoomaha ka makapeni a ua kae'ae'a nei o kai pepa kanana aka, ua pahee a pakika loa aku ia, me ke kahakaha hou ana iho i keia mau huapalapala hou, na John H. Wise i pepehi, i ka olelo hooholo a'u i hookomo ai no ka pono, a no ka pono, a no ka hoopakele ana ae ia I mau kini makamaka o Papakolea, ; mai ka hoopilikiaia ana aku e ke aupuni, oiai ua olelo hoolo nei i pii | aku ai i ke Senate. la wa hookahi no, ua hoike hou ae no o C. K. Kealoha, o ke kumu nui nana i kono aku &, John H. Wise e pepehi i ua olelo hooholo la, mamuli no ia o ka loaa ana aku o ke kauoha iaia (John H. Wise) ame kekahi mau hoa e ae o ke senate, mai ka Lanialii Jonah Kuhio Kalanianaole aku. Ko kakou Elele Lahui i hala, a e moe mai la i ka moe puanuanu ma Maunaala, a o ka mea i kapaia o ke Alii Makaainana. He mea oiaio, ua pepehiia ua olelo hooholo la a'u, a i ole ka manaolana 0 ia mau kini makamaka Hawaii, aka, aole mamuli o kekahi kauoha 1 loaa aku i na senatoa mai ka Lahi Alii aku. Ua manao anei oe e ka lahui, o na mea i hoolahaia ae e C. K. Kealoha, he mau mea oiaio iaf Ua manao anei oe he kanaka puuwai eleele o ke kulana haahaa haalele loa, ko kakou Alii i hala, e pepehi ai oia i kekahi bila, no ke ola, a po ka hoopakele ana ae i kekahi o kona lahui, oiai nae, i kona wa e ola ana, ua ike mau aku kakou e hooikaika mau ana ke Alii no ko kakou ponof Ke hoole nei au AOLE.

Ma ko'u kamaaina i ke 'Lii ame kana mau hana, he kanaka keonimana oiaio oia; he kanaka akahele o ka noonoo; he kanaka i ike mau ia e kakoo ana mahope o na mea e j)omaikai, a e hoopakeleia ae ai kona lahui, me kona nana ole ia met he hanohano, elike me ia a C. K. Kealoha i hoike ae ai. He kanaka noonoo laula a haiki ole oia, a keia lahui kanaka e haaheo ai, a e loaa ole ai kona lua apuni keia mau Moknpuni. O ka lawe ana mai o kekahi Pohai o na Hawaii i kpna inoa maemae, a hapala aku me ka inika eleele, ma o ka hookau ana aku i ia hoahewa ana maluna ona, ma ke ano i mea piepiele baJoka, oiai oia i hala aku ai ma kela ao mau loa, ke olelo nei au, he kipi ia o ka puuwai eleele haalele loa, a no ka mea o ka hookau ana akn i na hoahewa ana maluna o ka mea i make, me ka hiki ole i na mea nei i make ke kupale nona ma keia ao, he hoohewale ia o na hoohewale. Ina eia no Kalanianaole ke ola nei ma keia ao, e aa ana no anei o Kealoha e hoike ae i na mea o keia anof Na oukou eka lehulehu e ike a e kanana mai. . He kupaianaha no paha kakou, ka lahui Hawaii. Aia a make kekahi, hookau aku i na ahewa ana maluna ona, na mea ana i hana ole ai. O ia la hoi, he olelo no ia na kahiko, O ke kanaka makej aole e hiki iaia ke hoike ae i kekahi moolelo. 1 } Me ka mahalo, NOKMAN K LTMAN, Moho Elele Lahui no Wakinekona. {