Ka Nupepa Kuokoa, Volume LXI, Number 38, 21 September 1922 — E AKAHELE I KA POE AIHUE [ARTICLE]

E AKAHELE I KA POE AIHUE

Eia iwaena o kakou e noho pu nei iloko o keia mau la, he poe loea ma ka aihue, no ia kumu la, ke kauleo aku nei keia pepa i ka lehulehu, e makaala loa no kela poe, no ka mea ua like pu ka lakou aihue ana me he mea hana mana la. Ma ka po koke aku la no o ka Poakahi nei i lilo ai i ka aihueia mailoko aku o na pakeke o kekahi poe lehulehu, ka lakou mau eke dala, me na bila dala mahuahua iloko, me ko lakou ike ole o ka mea kupaianaha loa, o na eke dala ka i loaa aku iluna o ka papahele, aole nae na dala oloko. O ka poe na lakou kela hana aihue, aole lakou he poe holona ma ia hana, aka he poe i hele a lehia; nolaila i ka wa e hele ai iloko o kekahi aluka, a i ka noho ana paha ma kekahi wahi nui o na kanaka, e makaala mau i na eke dala, malia aia ka mea aihue ke noho kokoke la ma ia mau wahi, o ka lilo no ia me ka ike ole ia. O kekahi hoailona, e konoia mai ai oe e makaala, o ia no ka manawa e pa mai ai kekahi mea ma kou kino, e manaoia ai, ua pa mai paha kela mea, mamuli o ka hookeke o na kanaka.; o ke ano iho la nae ia o ka hana a ka poe aihue, i ole ai oe e manao he kolohe kekahi e aihue aku ana i kau mau dala. Aole i maopopo ke ano o ka*lahui nana keia hana aihue akamai loa, aka nae ma na manawa ae nei i hala, he poe Pilipino ka 'i paa i ka hopuia, no keia ano aihue, malalo iho la o ia kumu, o na manao hoohuoi i ala ac, mc he -mea la, o kela no ka lahui nana na hana aihue dala iloko o na pakeke e lawelawe mai nei. He olelo kaulana ka kahiko: "Aohe malama pau ika iole," nolaila, i ka hele ana i ka holoholo ma na wahi nui o na kanaka, i ka po, a i ke ao paha, e lawe no i na dala kupono a e waiho hoi ma kahi palekana, e hiki ole ai i na lima o ka poe aihue ke nanao mai me ka palamimo" loa maloko o na pakeke. V————