Ka Nupepa Kuokoa, Volume LXI, Number 38, 21 September 1922 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

Hoomaopopo koke iho la o Vekinia na ka Lede Fanamu no keia mau hana hoopilikia iaia, aohe mea e ae, alaila me ka uhane i holalapaia ae la me ka inaina nui no keia hana hoohaahaa aia, me kona ike ole i kekahi kumu kupono o kona kaiehuia mai la, oiai aole ona aie ia.hokele a ia ona hoi, e uku mau ana oia i-kana mau bila apau, alaila, ku ae la oia a polofei iluna mamua o ka ona hokele a i mai ia: "E Eladefida, e oluolu oe e hoakaka mai ia'u i ke kumu o keia makemake ana ou e hokaawale aku ia'u mai keia hokele aku, elike me ia au i hoakaka mai la," me ka haka pono mai o kona mau maka i na maka o ka ona'nona ka- hokele. "E Mrs. ka madame maikai, ke ehaeha loa nei au no ka lilo.£na o ka'u mau mea i olelo aku nei ia oe i mea hoeha aku i kou uhane, a no na kumu nae au e hoakaka aku ana." "Kahaha'! Kupanaha no ka kou manao ana e kipaku ia'u mai keia hokele aku me kekahi kumu kupono ole, he hana kupono ole loa au e hana mai ai, a no ka mea ua haalele mai kuu kane ia'u maanei me keia hooAnaopopo ana maanei aju e noho ai ahiki i kona kii bou ana mai ia'u, a no keia manao ana mai ou e hookaawale aku au ia'u iho mai nei aku, he mea pono ma kou aoao e hoakaka mai i ke kumu, ina he kumu kekahi, a ina na hai i koi aku ia 'kipaku ia'u e hoakaka mai oe pela, no ka mea, he hana kupanaha a maikai ole keia au e hana i kekahi wahine i-hiki ole e kupale nona iho me kekahi mea kokua ole mai ma ko'u aoao." "No kau noi, eia no ke kumu; ua hoikeia mai ia'u me ka maopopo loa aole oe he wahinemare na Mr. Hita, a nQlaila, aole oe o Mrs. Hita, ka mea nana i lawe mai ia oe a hoonoho maanei, a o ke keonimana nana i lawe mai ia oe ianei aole oia i mai iaia he kanaka Pelekane oia." "Ma ka mana hea i loaa ia oe e kamailio mai ai elike me kena?" i ninau aku ai o Vekinia. "Ma keia a", alaila hoikeike mai la oia i ka hoolaha maloko o ka nupepa e hoakakā ana no ka mare ana o William liita me Makaleka Sanahope ma ka Hitadela, he nupepa na MrsFanamu i waiho iho maluna o ke pakauk;au iloko o ke keena oihana o ka hokele, i hele mai ai ia o ka ona o ka hokele a ike iho, he hoolaha hoi e hikiwawe ai ke ikeia iho no ka mea, ua makaia ma ia wahi eka wahine manaoino. Eia nae, ua makaala loa ua wahine- la aole oia i mai ma ia wahi i ka manawa a ka ona hokele e kamailio ana me Vekinia, o ikeia aku auapei nana ia hana, oiai nae oia maoli no ka mea oiaio. Ua paa ko Mrs. Fanamu manao e hana koke i kekahi hana e kaawale koke aku ai o Vekinia i kahi e mamua o ko Sede Fanamu hoi ana mai ka Mokupuni Kone mai, a o kekahi e nōho mau ana ka hopohopo iloko ona no ka hoea koke mai o Sa Wiliama e kii ia Vekinia mamuli o kona hoohuoi no ka loaa ole aku o ka Vekinia leka iaia. Ia leha ana iho no a Vekinia, ike koke iho la no oia, o ka nupepa a ka ona hokeie o ka hoikeike ana aku la iaia aole ia !he nupepa okoa aku, o ka nupepa hookahi no ia i haawiia ! mai ai iaia e heluhelu nolaila, ua lawa loa ia leha ana iho ana a ike i ka holaha e hooiaio mai ai iaia na Mrs. Fanamu no keia hana i hoolala i mea nona e lele ai mai ia hokele aku, "A, ke ike nei au me ka hoohewahewa ole, o na mea no i hoomakamaka hoopunipuni mai ia'u i hoaloha no laua, o laua no ka mea nana e iihi mai nei e hookaawale ia'u mai keia hokele aku," i pane mai ai o Vekinia i ka ona o ka hokele, me kona piha konakona loa ia Mrs. Fanamu ame ke aikane ana ia manawa. "Aka nae, e huikala mai ocria'u ke ninau aku, aohe anei ou kanalua no kou kulana-ma ke ano he wafrine-mare na kela kanaka ?" j "Aohe o'u kanalua ia mea," eia nae, he mau olelo ia a Vekiinia o ka hoopuka ana aku me ke pahemo pu no ka mea, ia 'manawa ua pili kaumaha loa oia e hiki pono ole ai ke kamailio mai me ka leo ikaika. . "He mea kupanaha no nae i ka nana iho, ina he wahine oe i mareia e kela kanaka, aohe wahi leka iki ana ia oe no leekahi manawa loihi i hala aku nei; aole paha ia o ke ano o ke kanaka i mareia, he mea maa mau ina e kaawale ke kane i kahi, e no kekahi pianawa e leka mau mai ana oia ia oe, i kau ka;;e nae, aohe kakau mai i kekahi leka nau." "Ka, malia paha ua loaa aku i kekahi mea a ua pau i ka liaehaeia, a i ole ua puhiia i ke ahi mahope o ka pau ana i ka heluheluia," i pa'ne aku ai o Vekinia, "Malia paha pela, aka nae, he mea kanalua nui fcf no ia i ka hoomaopopo iho," o kela kanaka au e olelo mai nei ua hoopalau muaia no ka kela kanaka au e olelō mai nei o kau kane ia me kekahi lede Pelekane no kekahi mau makahiki lehulehu i hala, a ina pela alaila ua hopunipuni ino loa ia oe. "He haawina pakalaki lōa keia ma kou aoao, e ka madame, eia hou; ua loaa mai he hoike ia'u mai na malihini mai apau e noho nei mal®ko'o keia hokele e haalele koke iho ana lakou apau i keia hokele, koe wale. no a hooikaika aku ka'u noi ana ia oe e haalele mai oe i keia hokele, no ia kiimti au e hoike aku nei ia oe e haalele koke iho oe, i keia mau rumi, a e imi aku oe i wahi okoa nou e noho aj mai keia nianawa aku. "O keia ae la na olelo jiwahua lokoino loa a ka ona nona ka hokele 0 ke kamailio ana mai ia Vekinia, aole nona ponoi iho ia manao, aka, no Mrs- Faoāmju. O kekahi keia o na puupuu ikaika loa i kuiia mai ia Vekinia ka kakou koa wahine e alo nei i na mea hookaumaha lehulehu, niawaho ae o na mea hookaumaha lehulehu i loaa mua iaia, eia nae, me kela manao koa n» o Vekinia i uumi wale iho ai no oia ia mau ehaeha a ke kaikoeke lokoino ona, aka, elike me ka hopena poino i ka poe imihala apau, pela no i kau aku ai ia mau hoehaeha ana he nui maluna o ka Lede Linetona i ka manawa hope. Nana mai la o Vekinia me na maka hoowahawaha i ke ka-"" naka e ku aku ana mamua ona a i mai la me ke pihoihoi ol£, me kahi leo nae o ka mea i hooneldia i ka manaolana: "He mea ,kaumaha no ke noonoo iho aka, ua olelo mai kekahi poe malihini e noho maloko o keia e haalele iho ana lakou i keia hokele i ka la apopo, koe wale no a hookaawaleia aku oe mai keia hokele aku, no ia manao o lakou 1 pela he hana'hoehaeha no i ko'u noonoo ke kauoha okoa ana aku ia oe e hookaawale mai keja hale aku, aka aole hiki ia'u ke alo ae," a hooki iho la ka ona nona ka hokele i kana kamailio ana me ka helehelenā kaumaha. O kekahi iho la keia o na puupuu niahanahana lokoino loa 1 hoikeia mai la i ka wahine opio i imihalaia no ka pakui hou ana iho me na puupuu ikaika lehulphu e ae i kuiia mai e nele ole ai ka wili i ka eha, aka nae, iro ko Vekinia ike iho no i kona hewa ole, he hana hoōkaumaha wale mai no keia iaia, ua auamo no oia ia mau apau me ke kau mau o kona manaolana no ka la ana e oni aku ai i kona'pono imua o lea aha hookolokolo, hl pbno nui ana e manaolana mau ana ia manawa. ' ' 1

Nana mai la nae oia me na maka makona o ka hoowahawaha i ke kanaka e ku aku ana mamua ona a pane ku !a me ka leo o ka mea 1 hooneleia me ka manaolana. "Auhea oe, iloko o keia mau hana hoohoka apau ia'u ea, ke hai aktf nei au ia oe me ka oiaio loa owau nei ka wahinemare oiaio loa a Sa Wiliama Hita o Hitadela, Kalana o Hamesire Enelani, he la no e hiki mai ana e loaa ai ia'u ka mana e hooiaio aku ai i ka'u i olelo aku la. Ae, aole i mamao loa aku ia manawa, a oiai aohe o'u makemake e hoole aku i kau kauoha a e hoehaeha aku hoi ia oe, a i ole hoopilikia hoi, o paii io auanei ko poe malihini i ka haalele mai i ko hokele mamuli o'u nei, e noi aku ana au ia*oe e oluolu hoi oe e ae mai ia'u e noho iki maanei i keia la, a ka la apopo hoi ia alaila, hele aku; i la hele aku hoi keia no'u e huli i wahi no'u e noho aku ai." Ua homama loa ia aku la ka noonoo o ka ona nona ka hokele nj> kona lohe ana aku la i keia mau olelo a Vekinia, eia nae, ua hookaumaha pu ia aku no kona noonoo ia manawa liookahi, aohe hewa o ka opio i kona manao, aka, mamuli wale no o ka manaoino o hffi i hoopilipu wale aku ai no oia i kona manao. » 0 kekahi ua hoehaeha pu ia aku kona noonoo mamuli o kona ike mai i ko Vekinia helehelena kaumaha, eia nae, iloko no o la hoikeia ana aku la o kona kipakuia mai ka hokele aku oia mau no ko Vekima manao koa me ka paa o kopa manao no kona lanakila i kekahi la e hiki mai. Ua hoilee mai ka ona o ka hokele i kona aloha me ka haawi pu 4 ke kokua ma o kona hele ana aku e huli a e hoolimalima i hale no Vekinia e noho ai, eia nae ua hoole aku la o Vekinia ia manao ona me ka haawi pu aku i ka nfahalo, a no ia hoole ana aku o Vekinia, oili aku la o Elederida ka ona o ka hpkele, me ka helehelena hilahila ma kona mau maka, nie ka hoopiha pu ia o kona naau me ke kahaha ana i mihi nui ai mahope iho. Ia Elederida i hele aku ai, nana aku la o Vekinia mahope ona, me ka hoopuka ana ae i keia mau olelo: "Ke ike ole nei au i ko'u hewa e kupono. ai ko'u kipakuia mai keia hale aku oiai au e uku pololei ana- i ka'u mau bila i apau i kela ame keia mahina, na ko'u aie hoi ia, kupono ke kiIpaku ana ia'u. Heaha la hoi, e hele au." Ma kekahi kakahiaka nui ae kauoha aku la o Vekinia i ke Kauka Noka e hele mai no ka hookaa ana aku i kana hiau bila |apau a hoakaka pu aku la iaia no kona kipakuia ana e ka ona 0 ka hokele, me kona ike ole i ka hewa ana i hana aku ai iaia, oiai' ua hookaa oia i kana mau bila apau me ka pololei, a e nee aku ana oia no kekahi wahi, no ia kumu oia i makemake ai e hookaa i kana mau bila apau mamua o ka hele ana. 1 ka pau ana o ka laua kamailio, a hoi aku la no hoi ke Kauka Noka, alaila hoopau aku la oia i kana wahine hii keiki, me ia nui no o ke noi a ia wahine*me na waimaka e lawe pu oia iaia me ia, ina no no ka hoemi loaia mai o kona uku i like ole me ia mamua aku. Ua noi, a noi mai la ka wahine hii keiki e hele pu oia me aohe nae o Vekinia ae aku, no kona ike he mea hoomahuahua mai ia i kona mau hoolilo, a o kekahi aohe ona makemalee e ike kekahi mea i kana wahi e hele aku ai ame kana mea e hana aku ai. I ka makaukau ana o kona mau wahi opeope apau i ke kau iluna o ke kaa, ee aku la oia me kana bebe, me ka haalele ole iho i kekahi liieheu mahope oila i mea e hiki ai i kekahi ke hokolo aku mahope ahiki i kahi ana i hooholo ai, kahi hoi ana i hoolala ai no ia mua aku malaila oia e noho ai me ka maluhia ahiki i ka pau ana o na wa olelo e pili ana nona a hoopoinaia* Mokuna XIX. Hoi hou o Sa Wiliama i Amenka. E hoomaha iki ko kaua kawailio ana, e ka mea heluhelu no Vekinia no ka manawa, oiai oia e hele la no kahi ana i manao ai malaila e maha ai kona noonoo, a e huli ae ka kaua nana ana no Sa Wiliama: "Ke niaopopo ole loa nei ia'u e Miriama ke kumu o ka loaa ole ana mai o kekahi leka ia'u no na manawa lehulehu ae nei 1 hala niai kuu mai, Mrs. I*lita* Ile mea kupanaha loa keia i ka noonoo iho, nolaila e holo ana au i Amerika ma keia mokuahi ae>" wahi a Sa Wiliama i>ke kaikuahine i kekahi la mahope iho o ke ku ana aku o ka moku aohe nae ana leka. HT noho ana oia ma ke pakaukau aina iloko o ka rumiaina i ka manawa o ka weheia ana ae o kk ekeleka aohe nae he leka nana mai a Vekinia aku. He lehulehu na leka e ae e muu ana mahai o kana pa, o ka leka nae mai ka mea aku ana i kau nui ai aohe, hookahi iloko o ia mau leka lehulehu, he mau leka hoi haawi nui ole iho ai kana noonoo ana, a ma kona helehelena ia manawa he nanaina o ka mea i piha i ke pahaohao i awiliia me ke kaumaha no kekahi ijnea ana e noonoo nui ana. Aia ma kekahi aoao mai o ke pakaukau ke kaikuahiAe, ka Lede Linetona kahi f noho mai ai, a iaia ke Sa Wiliama i kamailio aku ai, a i na manawa apau a Sa Wiliama e nana ana i na leka ana o ka.lawe ana ae miloko e o ke eke, ia wale no maluna ona ko ke kaikuahine mau maka kahi i haka pono mau mai ai, me ka pii mau ae o ka ula ma kona mau papalina, no kona hele ana paha i ka holokaa ma ia kakahiaka, a i ole no kona noonoo mau ka hewa ana i hana ai i ka manawa a ke kailyinane i kamail!t> aku ai. "Alaila, aohe i0»..n0 au leka la ma ke ekeleka mai la o keia kakahiaka?" wahio' ka ninau a ka Lede Linetona, me he mea la aohe hewa 1 hanaia eia, oiai nae, nana no i wehe ka ekeleka a laweia ae ka leka a Sa Wiliama mai a Vekinia mai. "Aohe; aneane loa au e ku a pupule, i ka ua mea o ka piha i na manao uluahewa like ole. Heah»la ke kumu oko Mrs. Hita kakau olp. ana mai, o ka'u ia e haohao nui nei no kona noho hamau loa iloko o keia matl mahina. No ia loaa ole mai 0 kana leka a ke maopopo ole nei hoi ia'u ke kumu, nolaila e pono au e holo me ka hookaulua hou ole." ' "E holo aku ana ka mokuahi Kepalonia ma ka Poaono no 1 Amerika," i pane aku ai ke kaikunane, mahope o ka hala ana jo kekahi manawa loihi. "O ka Poakoln keia, nolaila e haalele iiho ana au i ka Hitadela nei no Livapulu ma ka Poalima- | "Nau e hoike aku i keia niea hou ia mama me na olelo maikai loa e loa*. ana ia oe e lilo ole ai i mea hoehaeha aku i kona noonoo, a-ke i&naoio pu no hoi au aole e lilo ana ko'u kaawale ana aku nou e hoahewa mai ai, oiai e hoi hou mai |ana no hoi au, a ke manaoio pu nei au e malama ana no oe ia mama elike me ka maikai loa ai> e ike ana ahiki i kuu hoi hou ana mai. "E pōno ia mama e noonoo mai no ko'u pono pu kekahi, no ka mea, aole hiki ia'u ke ola me ka hookaumaha mau ia o ko'u noonoo no kuu wahine, elike me keia ano o ke ola ana i nei .manawa no kekahi pule hou aku, no ka mea, elike me ia a'u i hoike mua., aku nei ia oe ua nfti loa kuu aloha i kuu wahine ame kuu keiki, a ua hoopilikia loa ia ko'u noonoo." "Ua pono ia i ko'u manao; e hooikaika ana au elike me ka maikai loa e hiki ana ia'u e hoohauoli mau aku i kona noonoo oiai oe e kaawale aku ana," i pane mai ai ka Lede Linetona, me ka hiohiona hoomalae nae, i mea e ike aku ai ke kaikunane he maikai io no kona noonoo no nei hete ona, eia nae, ma ka mea oiaip, aia ka maka'u ke hana ma-o ole la iloko o ua lede la, no ka ikeia ae o kana mau hana hewa i hana ai o ka wa i hala aku. ke halawai aku ke Sa Wiliama me Vekinia, a no ka hoopuhiliia hoi o kana papahana i hoolala ai no ka hookaawale loa ia o ke Sa Wiliama mai ka wahine mai i hoihoi ole ia. > (Aok i pau.)