Ka Nupepa Kuokoa, Volume LXI, Number 37, 14 September 1922 — POWA HOU IA HE KALAIWA KAA ME KA LILO O KANA DALA [ARTICLE]

POWA HOU IA HE KALAIWA KAA ME KA LILO O KANA DALA

Kanawai ole no na kalaiwa kaa Kepani i ka lawe i na koa i ka po, me ia maopopo no i ka hoopoinoia ana o kekahi mau mamua e na koa. I kulike me ka hoakaka a ka moolelo no ka powaia ana o H. Shigahi, he kalaiwa kaa otomobile, no ka la\va ole paha o ka makemake o na koa na laua i pepehi iaia ame ka loaa pu ana aku ia laua he $10, ua kiolaia aku la oia ma ha'i o ke alanui ma kahi kokoke i ka pali o Nuuanu, a maluna o ke kaa otomobile ona (Shigachi) i holo aku ai na mea powa ma o a maanei. Ma ka hora 1:30 o ka po Poaono i hala keia powala ana. He manawa liu wale mahope iho o ka pepehiia ana o Shigachi ua loaa mai la oia i kekahi kanaka maluna o ke kaa oto a hookauia ae maluna o kona kaa a laweia mai me ka hikiwawe no ka halewai, a imua 0 na makai i hoike aku ai o Sliigachi i kona powafa ana. Ua hakiloia na koa powa e ka oihana makai, ahiki mai nae i ke kakahiaka Poakahi nei aohe i paa na mea powa i ka hopuia. O ke kaa oto ka 1 loaa aku ma ke awawa o Manoa. Ma ka a Shigachi imua o na makai elua mau kanaka me na aahu koa i hoea aku imua ona a kauoha aku la e lawe ia laua i Nuuanu a ua hooko aku oia ia makemake o laua. I ka huli hoi ana mai ua kuiia mai oia mahope e kekahi o na kanaka ma ke poo. Aole oia i maule aka ua hoike ae nae oia ia manawa ma ke ano ua pouli loa kona noonoo, o ka manawa no ia o na kanaka i huli aku ai iaia a lilo ke eke dala me $10, iloko a pakele nae kekahi eke dala okoa ae.