Ka Nupepa Kuokoa, Volume LXI, Number 37, 14 Kepakemapa 1922 — LOAA KA OPIUMA MALOKO O KE KINI WAIU. [ARTICLE]

LOAA KA OPIUMA MALOKO O KE KINI WAIU.

Mamuli o ka eleu ame ka makaala o ka Makai D. Kaahanui, i loaa aku ai na kini opiuma ho kanawalu ka nui, ua hookomoia. iloko o kahi kini waiu, i pau nae ka waiu oloko, ma ka auwina la o ka Poalua o ka pule aku nei i hala, maluna o ka uwapo, a ina no ka hiki ke hooiaioia, ka ona nana kela opiuma, me kona ahewaia, a uku i kona lioopa'i alaila e loaa ana iaia, he uku makana o ia ka hapalua o ka hoopa'i e ukuia ao ana i ka aha. Ua hoao nae kekahi mea oluna o ka mokuahi, e pili ana ma ka aoao o ka uwapo, e pulapu i ka Makai Kaahanui, me ka manao, pela iho la e holopono ka hana hoopae malu, i ka opiuma nouka nei o ka aina, ua pahu'a nae ia hana, a o kahi o ka laki, o ka mea nanp kela opiuma. a puulu paha na lakou ia waiwai, o ia no ko lakou paa ole ana i ka hopuia. Maluna o ka uwapo o D. Kaahanui kahi i kiai ai, me ka hakilo pono ana i ka poe oluna o ka mokuahi, ina paha e hoao ana kekahi o lakou, e hoopae malu mai i kekahi mau waiwai i papaia e ko kanawai; iloko nae o kona nanea, ua lohe aku la oia i ke kaheia ana mai o kona inoa, maiiuna mai o ka moku, e pii aku, no ka hoomalu ana i kekahi hakaka iwaena o na kanaka hana ilalo o ka lua ukana o ka moku.

He hana pulapu wale no kela i ka makai, i hiki ai ke holopono ka hoopae ana mai i ka opiuuia, elike me ka hana a ka poe kolohe, ma na wahi apau a na mokuahi e pili ai, me ke kiaiia e na makai mauka aku nei. No kona manaoio loa, ua makemakeia oia, awiwi aku la lia Makai Kaahanui, a kau ana iluna o ka moku, me ka ninau ana aku i kekahi mea, ina paha he hakaka koluna o ka moku, ua hoole mai la kela kanaka iaia, me ka olelo pu ana mai, aole oia i makemakeia. Ua hoi hou mai la o Kaahanui noluna o ka uwapo, me kona ike koke ana iho, he hana pulapu wale no kela kaheaia ana mai ona, e pii aku noluna o ka meku, i holopono ai kekahi hana ku-e v anawai i manaoia; nolaila alaalawa ae la kana nana ana maluna o ka uwāpo, a i kona ike ana i kekahi ki#i waiu e waiho ana, ua hele aku la oia e nana, a he mea oiaio, ua hele kela kini a piha i ka opiuma, a nana i hoike ae i na kanaka o ka oihana kukeawa, o ke kaa aku la no ia o kela opiuma, malalo o Ka malu o na kanaka o ke aupuai.