Ka Nupepa Kuokoa, Volume LXI, Number 37, 14 September 1922 — Nuhou Kuloko [ARTICLE]

Nuhou Kuloko

Ekolu makahiki hoopaahao, me $100 ka hoopa'i o Kelly i hoopiiia ae ai no ke apuka. >, Ma ka Poakahi nei ke komo hou ana o na kula aupuni ame kuokoa me ka pihakui o na halekula apau na keiki. O na haumana o na knla aupuni ame kuokoa ahiki i ka 18 makahiki ua hiki ia lakou ke holo ma na kaa uwila me ke tikiki uku-hapa ahiki i ka hora 4:30 p. m. Ke pii ae la ke ola o kahi i okiia 0 ke Senatoa John H. i ka maikai a ua manaolanaia e puka mai ana oia i kahi o keia mau la iho. He wahine Pilipino ka mea i make 1 ka ma'i bubonika ma Honokaama ka Poakahi iho nei, Sept. 10, elike me ka lono i loaa ae i ka Papa Ola ma ia la. . Aia mau ka hana e hooikaikaia mai la e na kanaka o ka mahiko o Honokaa no ka luku ana i na iole i manaoia mailaila i puka mai ai ka ma'i bubonika. He kanalima mau ipuhao puhi rama i hopuia ai e na luna aupuni federala ma na manawa lehulehu i hala i pau 1 ka wawahiia ma ka Poakahi nei a o ke keleawe e kuai|ia aku ana i ka poe e makemake mai ana. Oiai e moe ana maloko o kona rumi hoolimalima ma ka Hale Y. M. C. A. o na'Koa, ma ka po o ka Poakahi nei, i lilo ai na dala he hookahi haneri me kanalima, mai ia Kapena James Dower aku. [ Ma ka hora 12 o ka po o keia Poalua ae, ka la 19 o Sepatemaba nei, e paa ai ka buke hoopaainoa, o ka poe kupono i ke koho baloka, ma ke keena o ke Kakauolelo David Kalauokalani. | Maloko oka luakini o Kawaiahao | ma ke awakea o keia Sabati iho, e malamaia ae ana he anaina hrfipule ' hoomanao no Mrs. Irene Ii Holloway, kekahi o na hoahanau kahiko o kela ekalesia, a mea kokua nui no hoi ia Kawaiahao.

Eia na lala o ka Ahahui Kokua ame Manawalea o na Poola ke hooikaika mai nei e nui na lala komo iloko o keia ahahui, me ka hoihoiia mai o na lulu apau, i hookahi wale no manawa o kela ame keia mahina.

E alawa ae e na lala o ka Ahahui Kaahumanu i' ka hoolaha e puka aku nei ma kekahi wahi o keia pepa, no ka hele ana ae ma ke anaina pule hoomanao no Mra. Irene Ii Holloway, ma ke awakea o keia Sabati iho, maloko o ka luakini o Kawaiahao.

TTa hooholo mai nei na Repubalika o Maui o ka Lunahoomalu S. E. Kalama o ka papa lunakiai o ke Kalana o Maui, ka lunanui o na hana haiolelo o na moho Repubalika iloko o keia kau koho wae moho.

He $25 pakahi me na koina o ka aha na hoopa'i. i kauia mai e ka Lunakanawai John De Bolt maluna o Maji Bato, he wahine Kepani B. Nakamura ame S. Yamaguchi o Ewa, no ke ku-e kanawai waiona ma ka Poalima i hala.

Ma ka mokuahi Matsonia o ka haalele ana iho ia Honolulu nei, ma ka auwina la o nehinei, i holo aku ai o - Tandy Kaohu Mackenzie, ma kana huaka'i himeni no Amerika e hala ai iaia kekahi manawa loihi, mamua o ka huli koi, hou ana mai no Hawaii nei.

Ma ka po o ka Poakahi, Sept. 18 ae nei ka halawai kumau a ka Ahahui Kokua ame Manawalea a na Poola, a ke kauleoia aku nei na lala apau o ia ahahui ame na lala o ka Ahahui Poola a na wahine e akoakoa pu mai, a pela hoi me ka poe e makemake ana e komo mai ia ahahui ma ia po.

No ke kokakuka ana ame ka hoolala ana i ke ano e malamaia aku ai na hana haiolelo a na moho, o ka Mokupuni o Oahu nei, o ka aoao Bepubalika, i hui ae ai na peresidena ame na kakauolelo o na kalapu, me ka lunahoomalu o ke komite L. M. Judd, ma kona keena ma ka halekuar o T. H. Davies, ma ka po neL