Ka Nupepa Kuokoa, Volume LXI, Number 37, 14 September 1922 — KE PII NEI O HONOLULU ILUNA [ARTICLE]

KE PII NEI O HONOLULU ILUNA

Eia o Honolulu ke pii nei iluna. Ma ka po oka Poakolu 0 ka pule aku nei i hala, i weheia ae ai ka halekeaka hou, ka Hawaii Theater, kekahi o na halekeaka nani o ke ano hou loa, 1 kopeia mai na ano mai o na halekeaka o na wahi e ae o ka honua nei. O keia kekahi o na hoailona maopopo loa, no ka oni mau o keia kulanakauhale imua. Ke pahola aku nei ka nee ana oke kulanakauhale iwaho, a he mau makahiki kakaikahi wale no jna keia hope aku, e nohoia ana na wahi i noho mua ole īa e na kanaka, e kukuluia aku ana na home hou, ma na wahi panoa a kuanea. # _ .. . E hoea mai ana na malihini makaikai mai Los Angeles mai, i keia mau la iho, no ka ike kumaka ana ia Hawaii nei, a e kilohi aku hoi i kona mau hiona nani; he hoolauna wale ana aku no keia ia Hawaii nei, imua o na kanaka ame na wahine lalawai o Amerika Huipuia. Aia a huli hoi aku kela mau malihini makaikai no ko lakou kulanakauhale, e lilo auanei lakou, i poe hoolaha aku no Hawaii nei; ona lohe a lakou no Hawaii nei, e ike maoli īho ana n olakou, i ka poiolei, arpe ka pololei ole, he hookahi nae mea nui o ia no ko lakou lilo aku i poe kokua nui ma ka nee ana o Honolulu nei imua, ka mea i ike mua ole ia ma ka moolelo o keia kulanakauhale.