Ka Nupepa Kuokoa, Volume LXI, Number 37, 14 Kepakemapa 1922 — NANEA I KA NOHO, I KA PUKA ANA MAI UA LILO KE KAA. [ARTICLE]
NANEA I KA NOHO, I KA PUKA ANA MAI UA LILO KE KAA.
I kulike me ka J. Nakano, he Kepani o ka hoakaka ana ae imua 0 ke. Kakiana Makai L. E. Twoomy ma ka po Sabati nei i ka halawai haipule oia maloko o ka halepule Kepani o ke Alanui Liliha, a ia puka ana mai ana mahope o ka pau ana o ka pule ma ka hora 9:30 aohe kona kaa otomobile Ford nona ka Helu 2722. O keia iho la ka ka lua o ka laweia ana o kona kaa, wahi ana; eha mahina i hala aku nei oia ka manawa mua loa i laweia ai mai kahi aku i kukuluia ai ma kahi kokoke 1 na Kula Kamehameha, ma Kalihi; a mahope o ka huliia ana no kekahi manawa i loaa hou ai.