Ka Nupepa Kuokoa, Volume LXI, Number 37, 14 September 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao Ino---Kau i ke Aki i ka Manwa Hope

 

            "E Mrs. Fanamu, e manao ana anei oe e lawe mai ana au i kena nota ma ke ano he dala manawalea?  Ua hoounaia mai kena nota e ka Lede Linetona ma ke ano he mea pahele ia'u, a i ole i mea hoomahuahua mai i ko'u kaumaha.  He hana lokoino loa ma kona aoao e hiki ole ai iau ke apono aku, a ua hoopiha loa ia iho la au me ka manao kahaha me ka maopopo ole ia'u o ka manao o ka Lede LInetona o ka hoouna ana mai i kena nota, a heaha la ke kumu nui nana i hoala ae i kona noonoo e hoouna mai oia i kena nota ia oe a nau e haawi mai ia'u.  Ina he manao maikai kona a e apo mai ana oia ia'u ma ke ano owau kekahi lala o kona ohana, no keaha no hoi kona kumu o ka hoouna pololei ole ana mai i na nota ia'u me kona hoakaka pu mai i ka hana i manaoia no kena nota?"

            Ua hiki ole i ke lede Fanamu ke pane aku no kekahi manawa, no ka mea ua ike iho la oia nona iho i ka pololei o ka Vekinia mau mea a pau o ka pane ana aku, a ke nalu pu la oia iloko iho on a ia manawa i ka naauao ole o ka ka Lede Linetona hoolala ana, a he hewa nui koikoi loa keia ma kona aoao ana o ka hana kuhihewa loa ana.

            Aole oia i moeuhane mua he wahine opio nui o Vekinia o ke dala e hiki ai no iaia ke ola me ka hauoli, me ia noho kane ole no on a no kekahi manawa, he waiwai hoi i hooiliia mai iaia ma kona manawa i mare ai, a ia manawa like, ke ike pu iho la oia i ak poli loa o ko ka Lede Linetonaa noonoo, me ka loaa ole o kekahi ike iaia ua hoi aku kona kaikunane i Enelani me kekahi heluna dala nui na Vekinia ponoi ka mea a laua e imi mai ana e hoohihia, in a nei no ko Vekinia lawe i ka nota.

            Ia manawa, ke ike iho la ka Lede Fanamu ke hele loa aku la keia hana a laua e hoolala nei e hoopilikia ia Vekinia i ka pohihihi loa e ala mai ai he hana hoopilikia ia laua i ka manawa hope a aneane loa e loaa iaia ka manao mai oi loa aku kona pono in a aole oia i owiliia a i komohia pu me ka Lede Linetona ma keia hana hoopilikia ia Vekinia.

            "Mai oi loa aku kou pono in a oe i malama i kela palapala mare o olua, in a la aohe hoopohihihi ana ma kou aoao, loaa no hoi paha ka hoike oiaio loa ma kou aoao e koi aku ai i kou pono imua o ka aha hookolokolo, aka, oiai ka palapala aia i kahi e a aia no hoi i ka lima o Sa Wiliama, wahi au, ke manao nei au he alahele pohihihi loa ma kou aoao ka hooiaio ana nou ioho, he wahine mare oe na Sa Wiliama, o ka hana pono loa ia a kela ame keia wahine-mare e hana ai, o ka malama ia palapala.  ia oe ae nei ka, haawiia aku la i ka mea okoa; in a e pau ana i ka haehaeia, a i ole puhiia i ke ahi pehea iho la kou pono?"

            "Aole no ia he kumu e nele ai au ia palapala, ua hiki no ia'u @e kii i kope i ka hale aupuni, a i ole i ke kahunapule paha nana maua i mare, he hana paakiki ole na'u ka hooiaio ana i ko maua mareia ana, no ka mea, he lehulehu na mea na lakou e hooiaio mai ia mareia ana o maua.

            "Manao anei oe e noho wale aku ana no au a nana aku me ka oni ole aku no ko'u pono me he mau nunu la, a e ae aku i ka poe e hoehaeha mai ana ia'u me ka lakou mau hana hoehaeha naau like ole, a i ole manao anei oe e noho malie wale aku ana no au me ka hoao ole e palepale aku i na mea e pilikia ai ka'u keiki?  O, aole au o ka mea kupono au e manao mai ai ma ia ano.

            "Me kuu nana ole aku i ka nui o na mea hookaumaha i kuu noonoo au o ke kamailio ana mai nei, a i ole me ka nui o na mea apau a ko hoaloha i kakau mai nei ia oe, ua ike au a ua maopopo loa i nei manawa me ka hoohewahewa ole owau, owau nei e noho aku la imua ou, ka wahine-mare ponoi a Sa Wiliama, aole loa he mana malalo iho o ka la e hiki ai ke hookaawale iaia mai a'u aku, o ka make wale no.

            "Ina ua hana mai la oia i kekahi hana haihai kanawai o ka aina.  a haiahi kanawai hoi imua o ke Akua, a ke ole au e koho hewa, ke mihi walania loa mai la oia i ka hana hewa ana i nei manawa, oia no ke auamo ana i na ehaeha o kana mau hana i ka manawa hope, a o ka lua, oia ka poe e kokua hewa ana iaia, in a o oe pu kekahi o ia poe, o oe pu kekahi e auamo ana i ka ehaeha o ka oukou mau hana.

            "Ke maopopo ole nei ia'u ke kumu o kona hana ana mai la i kela hana ku-e kanawai; ina ua hoopalau mua ia oia me Miss Sanahope no kekahi manawa loihi, pehea la i loaa ai iaia ka manao kolohe e mare mai me a'u alaila, i kona hoi ana aku no Enelani, mare hou aku la me Miss Sanahope; pehea la oia i aa ai e hana kolohe i kekahi wahine maikai o kona lahui, a no ka mea, elike me ka oiaio o ka la maluna o kaua e kau mai la, a elike hoi me kou oiaio ame ko'u oiaio a kaua e ike nei ia kaua iho, pela ka oiaio o ka huaiia ae o kela hewa imua o ka lehulehu i ka manawa hope e hiki mai ana.  O keia ka'u mea e hana aku ana, i lohe mai oe, no ko'u pono a no ka pono o ka'u kaikamahine.  Alaila-"

            "Alaila, heaha kau?"  i ninau aku ai ka Lede Fanamu.

            "Alaila, i kuu manawa e ko ai ma ka'u hoopii a ahuwale ae hoi ka oukou mau hana hewa apau i hana mai ai ia'u, ia manawa au e hoole loa aku ai iaia aole oia he kane na'u, me kuu hoowahawaha loa iaia.  Aole loa au e nana hou aku iaia ma kona mau maka ma ia hope aku.  E hookuu aku ana au iaia e hele me he mea la he kanaka i mare mua ole i ka wahine, mahope o ko'u hoopii okimare ana iaia a kaawale au mai iaia mai, a ia manawa, in a kela wahine i manaolo ole iaia iho i nei manawa he wahine mare oia na Sa Wiliama, e makemake ana e lawe ia Sa Wiliama i kane anana, ua hiki ia laua ke mare aku, mahope iho nae o ko Sa Wiliama hookaulanaia ana ae he kanaka mare lehulehu.  O keia ka'u e hana aku ana i lohe mai oe."

            "E loaa ana no ia oe ia mea he okimare in a makemake oe i nei manawa," i pane aku ai kona hoakamailio, he mea hoi a ka Lede Fanamu i manao mua ole ai e hoopukaia aku ana e Vekinia ia manawa.  O ka manaolana maoli no o ka Lede Linetona ame ka Lede Fanamu, a o ka laua hana no ia o ka hoolala ana, oia no ka hookaawale ana ia Sa Wiliama ma kekahi alahele i mea e loaa iho ai ka manao iaia e oki ia Vekinia, o ke kumu nae e hiki a e holopono ai ia hana, he alahele paakiki, a no ka mea, aohe hewa i hanaia ma ko Vekinia aoao e hiki ai ia Sa Wiliama ke imihala mai i kumu e hiki ai iaia ke hoopii okimare; oia i o ke Sa Wiliama, ka i haalele iho ia Vekinia i Amerika, a in a na Vekinia ka hoopii aku iaia no ka haalele ana, alaila e holopono ana ia hoopii, aole laua i manao o Vekinia ka mea mua nana e hoolala aku ana ia hoopii okimare.

            Ina nei no ko Vekinia hooko io aku ia hana ma kona aoao, he hoomaalahi ana ia i ka hana e moku a e kaawale koke io ai laua, nolaila, i ka lohe ana aku o Mrs. Fanamu i nei manao o Vekinia ua hoohauoliia ae la kona noonoo ia manawa; o ke kaa mua o ka hoopii ma ke Vekinia aoao oia ka oi aku o ka maikai, nolaila, o ka manao pilihua i loaa i ka Lede Fanamu mamua iho, no ko Vekinia manao e koi i kona pono, ua kaawale aku ia mai iaia aku.

            "Ua pololei loa kou manao i hoakaka mai la, e loaa ana no ia mea i na au e oni aku ana," i pane aku ai o Vekinia.  "Manao anei oe e makemake ana au e paa mai ia Sa Wiliama me a'u in a aole on a makemake mai ia'u?  Manao anei oe e ae aku ana au e hoomau aku i ko'u lilo ana i wahine-mare nana in a e loaa ana ia'u ka ike maopopo he mea okoa kekahi i kuleana mua iaia a e koi mai ana hoi i kona kuleana maluna o Sa Wiliana?

            "E ninau aku ana au ia oe i keia ninau, ua maopopo lea no anei ia oe ko Sa Wiliama hoopalauia ana me Miss Sanahope mamua o kona holo ana mai i Amerika nei?  O Miss Sanahope anei kana wahine o ka hoopalauia ana aole he mea e ae?  Ina ua hoopalau mua ia oia me ia wahine a i aelike hoi me ia no ka mare ana, phehea o Sa Wiliama i @@ ai e hahaki ia aelike hoopalau a mare mai la ia'u?"  i ninau mai ai o Vekinia, mamauli o ka ulu ana ae o kekahi manao kanalua iloko on a no ko Sa Wiliama aa ana e mare aku i ka whine okoa, mahope o kona mare ana me ia.

            "Ae; ua maopopo loa ia'u ia hoopalauia ana on a me Miss Sanahope no kekahi mau makahiki lehulehu i hala, he umi paha, pela ko'u manao," wahi o ka pane hoopunipuni a ka lede.  O kana nae e noonoo ana ia manawa oia ka hoopalauia ana o Wile Hita, ka hoahanau o Sa Wiliama, a oiai, ua like loa ko laua mau inoa, ua holopono loa keia hoopunipuni a ka lede.  "Aole ka oe i heluhelu pono iho i ka manao i hoolahaia ai maloko o ka nupepa a maloko pu hoi kekahi o ka leka," wahi hou a ka Lede Fanamu, me ka pii ana ae nae o ka ula ma kona mau papalina, iaia i hoike mai ai i ka mea oiaio ole.

            "He ano pane pakike keia i ko Vekinia noonoo, no ia kumu ua pii ae la ka ula ma kona mau papalna a pane mai la:

            "Ae; ua heluhelu au, aka nae, he kupanaha ka moolelo ke nana iho, a ke mana nei au ua aloha aku la no hoi paha kela wahine iaia, pela anei?"

            "Pela ko'u manao; ke manaoio nei au in a no ka loaa nei o kekahi mea e lilo ai i kumu no laua e kaawale ai e hoopoinoia ana kona ola," wahi a ka Lede Fanamu o ka pane ana mai.

            "Aole au e imi ana i mea no laua e kaawale ai, na laua no ia e nana no laua iho, aka nae, aia no he la e hiki mai ana no Sa Wiliama, in a ua mare io aku la oia i kela wahine hou, no ka mea, in a e ola ana keia bebe a'u ahiki mai i ka manawa kupono a'u e oni aku ai no kona pono, e hoea aku ana oia i kekahi la i ka Hitadela ma ke ano oia ka hooilina oiaio o ia wahi, a koi aku i kona kuleana ma ke ano he waiwai hooilina ia nona.

            "Malia paha he mau keiki e ae ana no kekahi e loaa ana ia Sa Wiliama me kela wahine hou ana, aka, o kau kaikamahine ka hikimua o ka mea i kuleana ia wahi.  Hoike aku oe i ko aikane, ka Lede Linetona, i keia mau olelo a'u i kamailio aku la; hoike aku oe iaia, o kela 'wahine kuaaina ana i kakau mai ai i kana leka hoonaukuiki a lokoino loa ma ou la, e ola aku ana oia ahiki i kona hoonaauao ana i kana kaikamahine no ke kulana e lilo ai oia i hakuwahine no ka Hitadela a maluna hoi o kela ohana kahiko hookiekie; hoike aku oe iaia e ao ae i ke kaikunane on a o ka la no ka panai aku i ka ino no ka ino aole loa ia i mamao loa mai keia la aku, a e lilo ana kana mau hana hewa apau i aka no kekahi akua lapu e hahai mau aku ana mahope ona."

            He kulana koa a wiwo ole ko Vekinia iaia e ku mai ana mamua o ka Lede Fanamu a hoike mai la i keia mau olelo ae la maluna imua o kona enemi me he kaula wahine la e wanana e mai ana i na mea e hiki mai ana.  He keokeo pu wale no kona helehelena aohe wahi kiko ula ma kona papalina; aole kela helehelena hopohopo a hilahila iloko on a ia manawa.

            He wahine o Mrs. Fanamu i maa i ka huikau me ka poe kiekie a iwaena hoi o na anaina a ka poe koikoi o Pelekane eia nae, iaia e nana mai ana ia Pekinia ia manawa ua ike maopopoia aku kona paweo, kona wiwo, ame kona hilahila, a me ke kali hou ole iho no kona pane mai i na olelo a Vekinia o ka hou pololei ana aku la imua on a, o ke ku ae la no ia a hoi pololei aku la noloko o kona rumi, me na kaina wawae haalulu a hikaka, oia no oe o ka mea la ua on a, a i ole ua loaa paha i kekahi ma'i haalulu, a ia komo ana aku no ana iloko o ka rumi pani mai la i ka puka a paa, a hoi aku la noluna o kona moe, me kela manao e hoahewa nui ana iaia iho no kona komo pu ana e kokua hewa me ka Lede Linetona; oiai oia e moe hoololo ana, ke ulu mau la ka hilahila iloko on a, in a no ke ahuwale ae o keia mau hana imihala a hoopilikia a laua o ka hoolala ana e hoopoino i ko Vekinia Hita hauoli e lilo ana laua i mau mea hilahila maoli a i ole kipakuia aku paha ka Lede Linetona e Sa Wiliama.

            Ua hoopilihua loa ia kona naau no kona lohe ana aku i na olelo hope loa a Vekinia.  Ua loaa iaia ka hauoli i kinohi a e lanakila ana no laua, i kona manawa i lohe mai ai i na olelo a Vekinia no kona hoao ana e hoopii okimare, no ka mea, o ia ano hana he hoomaalahi ana ia i ka hana a laua i manao ai no ka holopono o ka hookaawaleia o Sa Wiliama mai ia Vekinia, a ma ai ano e kaawale ai oia mai ia Vekinia aku, me ko Sa Wiliama hooikaika ole ma kona aoao e hana ia hana, a i ka manawa e kaawale ai, ua hiki iaia ke mare aku i ka wahine ane e makemake ai, a o Sede Fanamu no nae ia wahine ana i makemake ai nana.

            Aka nae aole oia i noonoo he kaikamahine ka Vekinia a e oni aku ana ia kaikamahine i kona kuleana i ka Hitadela i kekahi la; aole e lilo ana ka moku ana o Vekinia mai ia Sa Wiliama mai i kumu e nele ai ke kaikamahine i kona kuleana i ka waiwai o Sa Wiliama, in a e hooiaioia ana ka mare ana o Sa Wiliana ame Vekinia i mea ku i ke kanawai, a o ka hopena no hoi ia o na pilikia apau e ala mai ana.

            Ua ala ae la he mau manao kanalua iloko on a, malia paha aole e holopono ana ka Vekinia hooiaio ana he wahine-mare oia na Sa Wiliama; malia aole e loihi aku ana na la a ke kaikamahine a Vekinia e ola ai; a malia aole no e ola loihi aku ana o Vekinia ahiki i ka hookoia ana o kana mea i iini ai, elike me ia i hoakaka aku ai iaia, no keia mau manao kanalua lehulehu, hooholo iho i oia e homau aku no i ka hoao ana i mea e holopono ai ka laua hana i hoolala ai, me ka hoopilikia hou ole i kona noonoo no na hana o ia mua aku.

            Aka nae, o kela helehelena kuoo, koa a wiwo ole ana o ka ike ana aku e ku papu mai ana mamua on a me ka manaopaa no ka hooko ana aku i kana mea nui i makemake ai, kela helehelena hoi i hoehaehaia ka naau a i aneane hoi e naha ka puuwai no na mea hookaumaha he nui i laweia aku a ku mamua o kona aio, ua lilo ia me he akua lapu la e hahai mau aku ana mahope on a i na makahiki lehulehu ma ia hope mai.  Hookahi ana mea i mahalo nui iho ai, oia hoi ko Sede Fanamu kaawale ana i kahi e, e lohe ole ai oia i na mea apau i kamailioia mawaena on a ame Vekinia; in a no kona noho nei, in a la paha ua lilo oia i mea keakea mai, nolaila hooholo iho la ua lede nei i kona manao aole e halawai hou o Sede, kana kaikamahine, ma ia mua aku, me Vekinia, o lohe auanei oia i na mea apau mai a Vekinia mai a lilo ia i mea na kana kaikamahine e hoouluhua mai ai iaia, a i ole lilo paha oia i mea akeakea i ka holopono o ka laua hana me ka Lede Linetona.

            Ma ia ahiahi iho hui ae la ka on a o ka hokele me Vekinia no ko Vekinia ku a hele mai ia hokele aku a haalele hoi i na rumi ana o ka noho ana, a i hoolimalimaia ai hoi e Sa Wiliama nona.  O keia kekahi hua awahia a Vekinia i auamo ai mamuli o ka Mrs. Fanamu mau hana hoohoka o ka hoolala a kolopeka ana ae i ka on a o ka hokele, i mea no Vekinia e hele ai mai ia hokele aku.

 

NA OLELO NIEAU.

 

            I mea e hiki ai e malamaia na olelo noeau, ame na hana naauao apau a ka lahui Hawaii (ua makemake nui ia na mea apau, e haawi i ka lakou mau kokua a@@ i ka hale hoikeike o na mea kahiko, ka Bishop Museum, ma ka hoouluulu @me ka hoakaka ana i na olelo noeau, na olelo hookaau naauao, i ikeia iwaena o keia lahui kanaka.

            I wahi nae e holomua ai keia hana, i ka manawa e maalo ae ai kekahi mau olelo noeau kahiko loa, iloko o ka noonoo, mau nau@ paha, e kakau iho ia mau mea, a hoouna ae i ka hale hoikeike o na mea kahiko, a in a no hoi aole @@ila, alailia e hoouna pololei mai i ke Ku@koa nei, me na hoakaka pu, no ke kaona i puka mai ai ia mau olelo noeau, a mau olelo hookaau kuli'u paha.

            Eia iho keia mau olelo noeau hou, o ka hoounaia ana mai, e ka hale hoikeike o na mea kahiko i keia pepa:

            He ala iki ko kahuna.

 

            Aohe pau o ka ike i kau halau.

 

            Aohe hookahi halau i a'oia ai.

 

            He maia ke kanaka, a ka la o hua mai ai, hua.

 

            O u i ka maka o ka wauke, o i opiopio.

 

            Aohe ipukai pau i ka iole.

 

            Aohe malama pau i ka iole.

 

            Aole e nalo na iwi o ke alii kolohe.  E nalo na iwi o ke alii maikai.

 

            Oluna, olalo, okai, ouka, o ka hao pae, ko ke alii.

 

            Ua mau ke ea o ka aina i ka pono.

 

            E hele ka elemakule, ka luahine, ame ke keiki a moe i ke ala.

 

            Ola na iwi o kaua.

 

            Hiamoe loa ke kane, na@a wale ka wahine.

 

            Mai noho a hele kikaha aku.

 

            Ua hala i kauai, i Kalalau.

 

            Aohe pilo uku.

 

            I ke alo iho la no ka ulu a o ka hala no ia.

 

            He ohu ke aloha, aohe kuahiwi kau ole.

 

            Ono kahi ao luau me ke aloha pu kekahi.

 

            Pa mai, pa mai ka makani o Hilo: waiho ka ipu iki, homai ka ipu nui.

 

            Ka i ke pohuehue, ha'i ka nalu.

 

            Monia, monia, alealea i ke kumu pihapiha: Lawea mai!

 

            O kau ola ia, e Ku ame Hina; O ko'u ola ho'i ia.  I ka olua pulapula i keia ao.  Amana, ua noa.

 

            PUa ka neneleau momona ka wana.

 

            Pala ka hala, momona ka uhu.

 

HOIKE I KA OIAIO.

 

            Mr. Solomon Hanohano, Lunahooponopono o ka Nupepa Kuokoa; Anoai kaua:-Ke kakau nei au i keia mau wahi laina pokole, no @@ haawi ana aku i ka'u mau manao hoomaikai i ka hoike a M. Waiakea.

            Ma kekahi o na kolamu o ke Kuokoa o ka la 24 o Augate, e hoakaka ana oia, ua hoiko ae na nupepa o ka Mokupuni o Hawaii, a pela me ka poe mana koho baloka, @ hoike ana ma na pipa alanui no Nomana Kalanilehua Laimana wal@ no ka baloka o Hawaii Hikina.

            Auhea oe, mai ha'oha'o oe ia mea, ke lohe la oe, o ia iho la no ke keiki mea makua.  O ka'u wale no e nonoi nei ia oe, in a iini kaua no ke kaulike o kela hanohano, maluna o na mokupuni apau oiai hoi ua loa@ ae nei i na mokupuni apau ia inoa hanohano, a koe hoi ka mokupuni o Hawaii, ke iini nei na mana koho baloka o ka Mokupuni o Hawaii, e loaa iaia ia hanohano, i keia kau, a o Nomana Laimana ka moho elele a ka Mokupuni o Hawaii.

            Ke haawi hou aku nei au i ka'u mau lululima ana me oe e M. Waiakea, no kau mau olelo wanana no Cas. E. King, a o ka'u leo uwalo hoi i ka poe e manao ana o Kale Kini ka lakou moho elele, ke ike mai la no oukou i na olelo wanana a ke kaula M. Waiakea no ka oukou moho elele.

            Nolaila, aole hoi au e nou aku ana i k@ popo lepo i ka oukou moho, elike me M. Waiakea, aka, e nonoi haahaa aku ana au ia oe e Kale Kini ame ka poe e manao ana e hapai ia oe no ke kulana Elele, ke ike pu ae la no kaua i ka wanana a M. Waiakea nou.

            Nolaila i mea hoi e ku ole ai ka M. Waiakea makai ame kana mau hana hoauwaepuu ia oe @ hoohui mai i kou wahi ikaika me ko Nomana Laimana kulana maloeloe, alaila o ka hopena, e hoi ana no ke Akua kalaipahoa o M. Waiakea a nahu iaia.

            He hana naaupo maoli i ka Mokupuni o Hawaii, ka haawi aku i kela kulana i ka mokupuni okoa aku, oiai hoi o kona manawa keia.

            Ua wanana hou iho no ua kaula nei, penei: "He poe kanaka naauao wale no keia poe Hawaii e holo nei, aka, ua lawa ole ko lakou ikaika hana."

            He kaula kupanaha maoli no o M. Waiakea, ku ka liki o Nuuanu, no ka wiwoole o ka moho ana, a pau pepehi hou iho la no ua kaula la, me kela mau olelo maopopo, "Ua lawa ole ko lakou ikaika."

            Ma nei kukulu manao a ua kaula M. Waiakea nei, hoomanao ae la au, o ka mamo hope loa paha keia o kela auna eepa i koe o Waolani; no ia mea hooholo iho la au e hoopau i ke kulu ana o ke kohu o ka'u peni maluna o ke aiai o keia kanana aku, ua lawa nae keia mau laina no ka haawi ana aku iaia i haawina a'o, mai puoho hou a@ o makani auanei!

            Ke haawi aku nei i na hoomaikai nui ia oe e ka Lunahooponopono a nou e ke Kaula M. Waiakea ko'u aloha wehe papale,

            HAWAII NUI O KEAWE, Hilo, Hawaii.

 

            T.O. MURATA

            FURNITURE STORE          

            (Na noho hoolimalima me lako pa maanei.)

            Na Lak@ Hale Hou me Kahiko.

            Hoolimalima me Kuai Hoolilo.

            715 Alanui Hema, Honolulu, T.H. Kelepona 1695.

 

Kopa Moi keokeo No ka Mikini Holoi

 

He Kopa maikai loa i hiki ke hoohanaia no na ano hana apau i pili i ka home.  Hiki ke holoi i na lole nahenahe loa me ka pilikia ole.  O kona oi loa aku o ka maikai no na mikini holoi-No ka holoi i na pa ame holoi hale.

 

KUAI I PUOLO MAI KOU HALEKUAI MEAAI MAI

 

T.H. Davies & Co., Ltd.

 

Na Akena Wale no no ka Paeaina Hawaii

 

I ke Kuai Ana i Kope e Nana I ka Hoailona Lenalena

 

            O ka hoailona lenalena, o kona manao ke KOPE KONA KAMEHAMEHA o ka American Factors, kela @hope kahiko loa o Kona.  E makemake ana oe i kona ano, no ka mea ua waeia, hoomo'aia a wiliia i kupono loa no ka ono o na Hawaii.  E kii aku ma kahi o kou halekuai meaai ma ka puolo o 1-Paona, a i ole, ma na kini o 5-Paona.

 

AMERICAN FACTORS, LIMITED.

 

O ke Kanaka Kuai i na Lako Hana Maikai ua Lanakila e no Oia i ka Hapa o ka Hakaka

 

Aole hiki ia oe ke lawelawe i na hana maikai me na meahana inoino.  O ke kanaka e hoao ana e hana me na meahana inoino, e hoaa mai ana i kona wa e kiola ai, e kuai i na mea kupono, in a he noonoo oia.  Aka nae ua poho wale ka manawa ame ke dala ma ka hana ana pela.  Ke kuai nei o Lewers & Cooke, Ltd., i na lako hana maikai wale no.

 

            KE MALAMA NEI MAKOU HE AHUA PIHA PONO LAULA O NA

 

LAKO MAHIAI AME NA LAKO KUKULU HALE

 

He Makemake Paha Kou @

            KO'I, KIPIKUA, KOPALA, HO, HAMARE, PAHIOLO, KO'I LIILII, NA LAKO KAMANA PIHA PONO, HOANA HOOKALA, PAKEKE.

 

Papa o Kela ame Keia Ano, na Lako Hao, Pena, Aniani

 

Kakau mai a i ole kipa mai no na hoakaka.  E hookoia no na kauoha apau ma ka leka me ke akahele ame ka hikiwawe loa.

 

LEWERS & COOKE, LIMITED

HONOLULU

 

Lawa Pono ka Poe i na I'o HIpa ma ke

Kuai Hoemi a ka Makeke Metropolitan ma ka Poakolu Aku Nei

            Nui na ohana i hoolawa maikai ia me na i'o hipa hou a palupalu, ma ke kuai hoemi a ka Makeke Metropolitan ma ka Poakolu nei no ke kumukuai haahaa lo@ o @ keneka o ka paona.  Eia na Makuahine o na Home ke komo mau nei malaila i kela ame keia la, no ka haawi ana i ka lakou mau hoomaikai ana i ka Lunanui, Mr. Lui no kana mau hana kokua nui loa, ma o kela kuai hoemi ana e haawi mau nei malaila i kela ame keia pule.

 

He Kuai Hoemi Hou no ko Keia Poakolu Ae

            Ina he makemake kou e holawa i kou Ohana Nui me na I'o Bip@ Ku Momona, @ hele mai no keia Makeke, a e loaa no ia oe me ke Kumukuai Emi Loa i loaa mua ole ia oe ma na Makeke e ae apau.

 

METROPOLITAN MEAT MARKET

E ninau no LUI; he oluolu na kuka'i ana ma ka kaua olelo makuahine.  Hele mai, mai hilahila!