Ka Nupepa Kuokoa, Volume LXI, Number 37, 14 September 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KU I KA NANI NA HANA HOOLAA HALEPULE MA MAKUA.

           

(Kakauia e J. K. Mokumaia)

(Hoopau ana.)

            Oiai ka lehulehu e akoakoa ana, @wehia ae ai ka puka o ua hale@ nei, i komo aku ai ka lehu@ iloko, aia hoi ka poe i kuleana @oli i na hana ano nui o ia la, na ko lakou wahi, o ia hoi na ka@apule, Rev. H. K. Poepoe, Rev. @ Kamau, Rev, Edward Kahale, @ D. K. Kaaiakamanu, Rev. Ka @alena, Rev. Poai ame na himeni @mau no ia hana, i hoomakaukau @ weheia ai na mea apau me ka @ nui.

            I ka pau ana o ia hana, i n@ i na hana no na hoike Kula @ o Makua, i huiia me na opio. @ ke lohe aku i ko lakou leo @kou lulu $35.00.

            Papa Kula Sabati o Kawaiahao @ Papa Kula Sabati o Kaumakapi@ $105. Papa Kula Sabati o Moana@a i huiia me Kalihi $50.00 papa Ku@ Sabati o na sela moku, o keia k@ papa nui o ke kupanaha @ e no lala, o ka mea api@ aia ana mai keia e Mr. @ Kali @ lilo ka poe apau i mau @ e ka@ ana maluna o ko laua moku me k@ uku i ka auhau @ loa no ka @ono o ka hana a ka Haku mana @a a loaa he $30.00.

            Papa Kula Sabati i waeia mai no lala mai o @a Ahahui Kamehameha he $10.00 @ Papa Kula Sabati o Kahuku @ $40@00, a he nui aku na papa Kula Sabati i hana mai no ka pomaikai o ia @alepule.

Hoolahaia ma@ ana e ke Kahu Kula Sabati n@ ka mea i mahaloia Mr. Sam @uka o ia hoi na loaa ia manawa $@0.00, koe aku kekahi mau loaa.

            Ma ka nana a@u i na hana, ua piha ka poe apau @me ka hauoli mai ke Kahu Kula Sabati nui mai, oia @ Mr. S. P. Cox @ ua nui na mea maikai i puka m@ iaia mai, a hoolaunaia mai o Sen@toa C. King, nui no na mea maikai @mai iaia mai, a pela no hoi me Nom@na Laimana, he mau olelo paipai n@auao mai faia mai, a pela no hoi @ me kou @ea kakau nei, a pela no hoi mai ka makua maikai H. Poepoe mai, a hookuu no hoi na hana me ka himeni ana.

            Oiai e nee ana ka manawa imua, aia hoi kekahi mau papaaina i piha pono i na meani, no ka pono o na Kula Sabati ame ka poe makaikai ua ai a lawa, a oiai na mea apau e luana ana, aia hoi kou kiu e hanu ana i kahi i hoohuaia mai ai kahi luaui makukane o kou ki@ nei; mamuli o ka oluolu o ka mea@i ma@aloia Mr. S. K. Hui, i alakai aku ai oia ia'u, no ia kahua a@ koʻu lunaikehala i haawi ae ai i @ koʻu mahalo i ka loaa pono ana o@ kahi i hoea mai ai oia i keia ao ma@malama, oiai aole loa oia i koike, a waiho iho i kona mookuahau, aka i kona hala ana, ua lawe pu aku oia i kona ano o ka ola ana, aka i ka loaa ana o keia makamaka maikai, nana i haʻi mai i ka mua ame ka hope o kona ola ana.

            O Mr. S. K. Hui, he kela moku oia, a e holoholo pu ana me ka makuakane o ka meakakau nei, oiai oia ke kapena o na mokukuna i onaia e kuu kupunakane, oia hoi ka mea i mahaloia Mr. Kihikihi @ ma ka S. K. Hui olelo mai, he kanaka makaukau a makaʻu ole oia@ ka ino, ame ka pii pali e alualu kao ai, ke hoea ka ino o Makua, he ino e kauia ai ka weli aka o ko makuakane, oia ka oi ma ka hoopae ana i ka moku a komo i ke awa o ka maha.

            Oiai ua lohe mai no au i keia moolelo hookahi mai ka mea i mahaloia C. B. Maile i moe aku i ka moe mau, oiai o kona hoa hui ia ma na kalepa ipu ana, ame na iʻa maloo, mai Mokuleia mai laua e nee ai ahiki i Makua, a Makaha, a komo i Waianae, alaila lawe loa mai i Honolulu; nolaila ua kamaaina loa laua ia laua iho; nolaila i loaa ai iaʻu ka hooiaio ana i ka S. K. Hui mau olelo oiai ua haʻi mai i kona aina hanau ame kona ohana, a i ka hala ana ma kahi mau o na mea apau, akahi no a loaa mai ka ike ana, a olelo mai o Maile, aia no he kaikuahine kona i Waianae, a ua hooiai@ mai oia ka makuahine o kuu hoahanau ma ke koko, Hanale Kapela.

            Hui iho la maua me ka nui o ke aloha i na makahiki i hala au nei; uolaila mai ke ake nui ana e loaa mai ka mea oiaio, o ia no ke kii oʻu e ku ana ma kahi e malamaia ai na hana lealea o ia au, i ka wa a ke Konohiki aina e noho ana ma ia kaha, a kuhikuhi hou maiʻoia i kahi punawai kupanaha nui wale, he ono kona wai ke inu aku, oiai mailoko mai o ka pali e puka mai ai keai wai, i ka manawa ino, o ka wai iho la keia e ola ai o Makua, a he kapu no hoi keia wai, aole holohe wale ia, a he ano kohu kupua kona ano, aole loa e nalowale ana, in a ua hanaia na mea i papaia ai, o ia hoi ka hele ana o ka wwahine me kona malawa pono ole iaia, o ia paha ke olelo ae, ua mohala ka pua o ka hinano, a kahi mahina kapakahi o akaaka mai ana, o ka maloo iho la no ia, a lena mai la ka wai, alaila e imiia ana ke kumu o ka pilikia, no ka mea na ahuwale i na kamaaina ke kumu o ka pilikia.

E hana ana me ka ! oiaia ana, alaila ! hou mai ka wai, o ia kahi a kou kiu e ku nei maluna pono o ua wahi wai nei a ka pipi a Likana e inu nei.

            Ma ka nana aku, he aina kanaka o Makua nei, no na kumu mai Makua ae ka poe hula e laweia ae ai, a o ke kumu ia i hiki mai ai ka makuakane o kou meakakau @ nei, oia kekahi iloko o ia pa hula, e noho poo ia ana e Mahoe, o ka hula alaapapa ame paipu, uliuli ame hula kii, a i ka hiki ana mai i Moanalua, aia no hoi he pa hula o ia ano e noho n@i no, a o ke Konohiki aina nui no hoi ia mau la, o ia no ka mea i mahaloia Kaleiluhiole, a i ka hui like ana o kia mau pa hula ma Moanalua, ua ikeia no ke ano o ia mea a kukulu iho @a ua keiki nei o Makua i kiahoomanao nona, o ia kou kiu nei, ame kona mau pokii e ola nei, a loa ae la kona inoa, e o nei ahiki i keia manawa a kuu mea i mahaloia Mr. S. K. Hui i olelo mai ai, @aole loa au i poina i ka hana a kou makuakane, o ia ano uo, o ia no ka i kau aku maluna oʻu kana keiki.

            Oiai ua nui koʻu ike ana i kela inoa, e hea nei maluna ou, a i kuu imi pono ana, i loaa mai ai ka mea pololei, o kuu hoa e alo ana i na kai o Makua ame Makaha ame Waianae, a honi hoomau aku i ka huikaulua o ke kaona o Kikihale, o oe no ia ka pua pololei hoi a Mokumaia moopuna hoi a Mahoe laua me Kihikihi.

            Ua haawi aku au i koʻu mahalo iaia, oiai ua kamaaina mua au iaia, mailoko mai o na hana kalaiaina o ka au Home Rula, mai ia manawa mai koʻu lawe ana ae i kuu mea i mahaloia S. K. Hui, he mea nui i ko'u noonoo, a i hooi loa ae i ka loaa pono ana, o na mea oiaio i pili pono aku i koʻu makua i hala aku.

            Me oe e Makua ko'u mahalo piha, i ka loaa pono ana ia'u o na mea maikai ma kela la poina ole, a hoi mai la@ me ka piha hauoli o na mea apau.

            Me oe e kuu kapena opio ko'u weliha pau ole, ame na keiki kikokiko hua me@ala ko'u iini pau ole.

O ke kili ma@una loa, ma ka mema, o Mr. S. K. Hui, he kamaaina kahiko no Makua ame Waianae; Malalo iho, o Mr. J. K. Mokumaia, e ku ana ma ka punawai kamehaʻi ma Makua; Malalo loa na puukani o ka papa himeno Pua Laniuma o Kaimuki. Maluna ma ka akau, o Mr. Henry Hickey me ka hale kahiko ma ke awa o Makua; Malalo iho, o Mr. Mokuaia ma ke kahua e malamaia ai na hana hula o ke au kahiko; Malalo loa, ka hiona o ke awapae o Makua.

HE HAOLE KAMAAINA I NA HAWAII.

            No ka hoolauna ana aku imua o na makaainana koho baloka, he pono e maopopo ia lakou ke kulana oiaio o Mr. Harry T. Mills, e holo nei he moho no ka hale o na lunamakaainana, mai ka apana eha mai, ma ke aoao Repubalika:

Ua hanauia oia ma Enelani, a ua hoea mai oia no Hawaii nei, i ka wa e noho ana ka Moi Kalakaua ma ka noho kalaunu; ua noho hana ma ke ano he mea hamo puna, ma Honolulu nei, ma Olowau Maui, Hanamaulu ame Makaweli Kauai, ma Kukuihaele, Honokaa, Hawaii.

            Ua noho kumukula ma Pahala, Kau, Hawaii, ma Napoopoo ame Kona Waena, Kona Hawaii, no na makahiki he umi a oi aku, a ua noho ma ke ano he akena kula, no k@ apana o Kona Hema.

Ua loaa mai kona laikini loio, no ke ku ana imua o ka aha kioki@, i ka 1905, he loio piha ola i keia wa ma na aha apua o ko Toritoro ame na ana feder@la, a no na makahiki ao nei he @kumamalua i @, ua noho oia ma Kaimuki, ma loko o kona home ponoi.

He keiki h@ ka@, e holo mai ana he moho no ka ahaolelo mai ka apana mai o Hilo, Hawaii.

            Oiai oia e noho ana ma Kona, ua ku oia ma ka aono o na Hawaii, a kokua aku i ko lakou mau pilikia; i ka wa i hoao ai ka Hui Kaaahi o Kona, e komo ma na aina o na Hawaii, oia ka mea nana i kaohi aku i kela hana konohewa, me kona noi ole aku no kona uku.

O Harry T. Mills ka mea nana i kaohi i ke okiia o ka m@ia he mau makahiki ae nei i hala, no ka mea oia ka mea nana i kaohi aku ia hana a ka Papa Ola, pela i pau ai kela lulu wale.

            Iloko o ka 1917, oia ka mea nana i hookomo iloko o ka ahaolelo, i kekahi bila, nana i hookaawale ae i ka ilina o Kalaepohaku no ua Hawaii, oiai e hoaoia ana e mahelehele i ka aina, i mau pahale.

            Ke holo nei oia he moho, no ka hale o na lunamakaainana, mai ka apana eha mai me ke noi aku i na wahine ame na kane e koho iaia, no kona iini e loaa ke kaulike i na mea apau. Aole on a kue i ka poe waiwai, aka ua makemake oia e kokua i ka poe ilihune. Oia ka hoaloha pilipaa o Lorrin Andrews, a ua makaukau oia, e ku a paio aku no ko oukou pono, aole he poopilimeaai iloko on a, aka he kuokoa oia, ma ua ano apau, he kamaaina hoi no Hawaii nei.

EHA MAU KEIKI I LOAA AE KA MAKANA.

            He mau pule lehulehu aku nei i hala ka hoeueu ia ana o ka hana ao i na keiki i ka au o ka Advertiser malalo o ke a'o ana a Miss Ruth Stacker, a he mau papa kula no ke a'o ana i ka a'u ka i haawiia i na keikikane ame na kaikamahine, a ma ka Poakahi iho nei ka la o na Limahana i uniki ai ia hana ma kahi auau o ka lehulehu ma Waikiki ae nei; mailoko @e o aneane 600 mau keiki i a'oia i ka au eha wale no i papahi i ka lei o ka hanohano, a o na opio laki hoi e olelo ae, no lakou keia mau inoa:-Helen Parker, Johnny Fortune, Elia Ahakuelo ame Alice Manalapit he kaikamahine Pilipino, a ia lakou i hanaawiia aku ai ka makana, a o na opio hoi i nanaia aku ua kela loa ae ko lakou akamai a aho loa au mamua o na haneri keiki e ae. He hana a'o keia i kono pu mai ai na keiki o na lahui apau.

No ka hookupono ana ae i na keiki no ka heihei au he mau la lehulehu aku nei i hala ka hoolala a hoomaamaa mau ia ana, a ma ka Poakhi nei ka uniki ana o ia heihei. Ekolu ano o ka au ana i a'oia, a o ia no na ano au i hooholoia e na Lunakanawai D. L. Conkling, L. Fullard Leo ame Harvey Chilton, oia hoi ka a''u kolo, ka au umauma ame ka au kua.

            O na kaikamahine ka i haule mua iloko o ke kai.  He 18 mau kaikamahine i komo ma ka heihei ana a he ekolu ano o ka heihei au ana, eono i ka manawa hookahi. Iloko o ka manawa i heihei ai ma ka au umauma, hookahi wale no kaikamahine i aponoia kana au ana oia o Ivy Williams, oia ka i pololei ka au ana, elike me ka hooholo ana a na lunaka!awai. Pola no me ka lua iho @ ka heihei ana, o Helen Parker wale no ka mea i aponola e na lunaka!wai. A oiai elua wale no kaikamahine i koe no ka heihei kua ana, ua hoohole na luna kanawai o na kaikamahine apau i heihei au umauma mua ai e komo pu lakou ma ka heihei au kua ana. Ma keia heihei ana i kaa ai ke eo ia Thelma Robinson i ka manawa mua a ia Amy Wong i ka lua o ka manawa.

Paiapai o Fortune me North

            Ma ka hooheihei au ia ana o na keikikane ua paiapai o Fortune me North. Ia North ka mahalo kiekie a na lunakanawai i haawi ai, mamuli o ka oi aku o kona mau makahiki mamua o ko Fortune a i ka manawa i makemakeia ai e au hou keia mau keiki i maopopo ai ka mea o lauae lilo ai ke eo ua hoole na lunakanawai, ua like no ia me ka haawi okoa ana aku i ka makana ia North, a ma ka hailoaia ana i loaa ai ka laki ia Fortune. O Herbert ke keiki pakalaki, eia nae ua hooholoia e haawi i makana kuikawa iaia.

            Ma ka heihei mua, pono au, o na kaikamahine wale no, Papa A, lilo ia Lucille Akaka ka helu ekahi; heihei elua, ia Helen Parker ka helu ekahi; heihei ekolu, lilo ia Amy Wong ke eo.

            Heihei au umauma mua a na kaikamahine, lilo ia Ivy Williams ke eo; heihei @lua lilo ia Helen Parker eo.

            Heihei au kua mua lilo ia Thelma Robinson ke eo; heihei elua, lilo ia Amy Wong.

Mahele o na keikikane

            Heihei au o cela âme keia ano no ka Papa A, lilo ia John Fortune ke eo; heihei elua, lilo ia Herbert North.

Heihei au umauma lilo ia Tmoa Tasaki ke eo; heihei elua, au umauma, lilo ia Herbert North.

            Ma ka Papa B, lilo ia Alice Manalapit ka heihei a na kaikamahine, a ia Elia Ahakuelo ka heihei a ua keikikane.

            He 2o ia ka mamao o kahi e au ai, no ka Papa A, a na kaikamahine ame na keikikane, a no ka Papa B, mai kahaone aku a ka laina i kaupalenaia.

            He kiaha dala ka makana ma keia heihei ana.

            HOMERVILLE, Ga., Sept. 11. - He umikumamawale mau Paele i manaoia ua piholo apau i ka make i keia la ma ka manawa o kekahi kaa kalaka nui i piha me ka poe makaikai i ka hookuku kinipopo i haule ai mailuna aku o ke alahaka uwapo. He umikumaha mau kino i loaa aku koe aku kekahi mau kino.

MODERN CRANKCASE CLEANING SERVICE

@

Nana no keia Hoailona ma na Halekaa me na Wahi Kuai Aila

Na lakou o hoolako mai i kou pahu hooholo kaa m@ ka Aila Calol Flushing-palokana, maikai-a hoopiha me ke Zerolino i aila Hoomau Pololei.

STANDARD OII, COMPANY,

(C@)

O MALIA LANAKILA MOKIHAHANA FERNANDEZ UA HALA.

            E ka Lunahooponopono o ke Keokoa; Aloha nui:-E oluolu mai i kekahi kowa i kau pepa no keia moolelo walohia, i ike mai ai hoi ia o na makamaka ame na hoaloha o Mr.s Malia Lanakila Pokaakua Fernandez, ka wahine i aloha nui ia a  Antone Fernandez ame Nagran Fernandez o kei kulanakauhale, ua hala oia ua moe aku i ka moe kau a moe hooilo, ua hele palanehe aku la ka uhane ma ke ala koikua a kane, a nona hoi makou e u na ole ae nei i ke ao ame ka po me ka minamina ame ka aloha poina ole.

            No na la he 15 kon! hoomailoia ana e ka ma'i io ulu iloko o ka naau, ame kekahi ma'i e ae, elike me ka ike a na kauka, a oiai ua kukonukonu ka ma'i me ka ikaika loa e hiki ole ai ke kaohi mai i ke ola me ka mana o ka laau ame ka ike o ke kanaka, ua aili ae la kona hanu hope loa maloko o ka home o kana kaikamahine hanauna Mrs. B H. Attwood o ke Alanui Moi Hema ma ka hora 5:30 o ka auwina la Poalua aku nei, Sepatemaba 5, 1922.

            Maloko o Honolulu nei i hoopuk@ia mai ai oia i keia ao inea mai ka puhaka mai o Mrs. Hana Lyman Kamaka o Hilo, o kona makuakane oia ke kuene nui a ka Moi Kalakaua, he barona Kelema@ia, o Von Oelhoffen, a o Robata hoi kona inoa i kamaaina loa ia e na mea apau i ike iaia, ma ka la 9 o Iune, 1973, a iaia i moe aku la ua piha iaia na hooilo ame na kau he 49, 2 mahina me 26 la keu.

            I kona mau la opio ua lilo oia ma ke ano he kaikamahine hanai na ka Moiwahine Kapiolani ame Pomaikalani a'e lawe hele mau ia ana no hoi oia ma na wahi apau a na aliiwahine e hele ai ma na mokupuni; mai ka 6 mahina mai o kona hanau ana kona lilo ana i hanai na na aliiwahine ahiki i ka piha ana o ka 21 o kona mau makahiki, a mare aku i ke kane. I ka mahina o Feberuari o ka 1895 kona hoohuiia ana ma ka mare me Antone Fernandez.

            He mau pule kakaikahi i hala 'i hoomaka ai oia e haku i kekahi mele hou, a oiai oia e kakau ana i hoomaka ai oia e loaa i ka ma'i a o ia ma'i no a hala aku la.

            Ua haalele iho oia ma keia ao he lehulehu o kana mau mea aloha, oia kana kane Antone Fernandez he kaikamahine o Hannah Fernandez, he kaikunane o George Ulukou Oelhoffen me na hoahanau a mau kaikunane hapa a pela hoi na hoaloha ame na makamaka he nui a lehulehu.

            He lala oia no ka Ahahui Hale o na Alii o Hawaii a malalo o na hooponopono ana a ia ahahui kona anaina hoolewa. Maloko o ka halepule Katolika Roma i malamaia ai kona anaina hoolewa ma ka hora 3:45 aewina la Sabati Sept. 10.

            No ka ike ana iho i kona helehelena no ka manawa hope loa ua aeia na hoaloha na makamaka ame na mea apau e ike mai ka hora 5 auwina la Poaono, Sept. 9, ahiki i ka hora 3 o ka aewina la Sabati Sept. 10. Ua ku kiai na lala o ka Ahahui Hale o na Alii mai ka hora 8 a ka hora 9 o ka po Poaono.

            Ke haawi aku nei ka ohana o Mrs. Malia Lanakila Pokaakua Fernandez i na hoomaikai piha i na hoaloha ame na makamaka apua i hawi mai i na pua nani no ka hoonani ana i ke kino wailua o ka makou mea aloha a pela pu hoi me ka komo ana mai e kumakena pu me makou iloko o na hora kupouli a ke aloha, a na na lani e kiai pakahi mai la kakou apau.

ANOTONE FERNANDEZ,

âme ka Ohana.

KA OIAIO O NA OIAIO.

            I ka Lunahooponopono o ke Kuokoa:-E oluolu oe e hookomo iho i kela wahi manao malalo iho nei:

            Eia ka Moho Elele Laimana ma Oahu nei i keia mau la, a ua lohe au i kana mau haiolelo, a no ko'u ike, ua nui na mea ana i hoike mai ai i ku ole i ka pololei, ua makemake ae e hoike aku i kekahi, i na mana koho baloka o ka aina.

            Ke olelo nei oia ma kana mau haiolelo, nana ka iwehe ka ainao Waiakea, a loaa ka pomaikai i na makaainana he 282 ko lakou nui, e ole ka oia, loaa na home ame na aina kanu ko oia poe.

            Maikai in a nana io ia mea i hana a kohu la hoi ke kaena ana iho.

            Eia ka pololei âme ka oiaio. He palapala noi ka i hoouna ia mai i ke Kiaaina Pinkham ame na Komi@ina o na aina aupuni, i kulike me ke kanawai hookuonoono aina, a mamuli o kela palapala noi, i wehia ai o Waiakea, a loaa na home hookuonoono. Aohe kumu e ae, a ua ike no ka lehulehu i keia.

            O ka moho e hoike mai ana nana i hana, he alakai hewaia. Nolaila @ Nomana Laimana e, uwoki oe i kau alakai hewa ana, na ke kanawai i hoamana in a makaainana he 25, e noi i ke upuni, a mamuli o ka hahaiia ana o ke kanawai e kekahi mau makaainana o Hilo, pela i weheia ai kela mau aina; aole na ke kanaka hookahi.

            Eia n@ hoi, o kou ano no ia i kamaaina ia, he pulapu kau hana ike, elike me ka olelo a kahi Pake o ka makeke i'a, "You too muchi fulu, poe koho baloka Hawaii," he hoike e mai la no oe i kou ano i keia wa nolaila, he makehewa ko makou baloka ia oe. Alakai hewa oe i ka lahui i keia wa, hiki i Wakinekona oi loa aku.

            Ke olelo pu nei oe e Laimana, no na senatoa ka hewa i loaa ole ai ka pono i ka pe ilihune o ka aina. Ina hoi ha ua ike olua me Hoopale, aia ka pono ole ilaila, ea, heaha ka mea o olua a elua e holo ole nei no ke kulana Senatoa@

            He makemake olua e loaa ka pomaikai i ka lahui, a in a aia ilaila ka pilikia e eleu mai hoi ha olua i pau ae keia pono ole, i loko o ia hale olua e ku paio aku ai me na Senatoa Laiki, Kauka, Luka, Haina, Tavares ame Kealoha@ He wiwoole hoi olua ilaila e ku ai ka liki imua o na maka nunui.

            Ano ka wa e hoike ae i ka makemake io e hana i ka pono o ka lehulehu. "O ke kanaka i ike i ka pono, a hana ole, ua hewa ia," o ia ke a'o a na kupuna o Laimana i na Hawaii.

            Nolaila, e Laimana âme Hoopale e, uwoki, ka hoike ana i na mea pololei ole, a oiai, ke olelo nei olua, o olua na Mose o ka Lahui Hawaii, alualuia ke kulana senatoa. Ke hana olua i keia, hiki ia makou ke hilinai aku; a in a e hana ole ana olua he hoike ana mai ia, o ke kukaliki wale no ka olua hana ike, o ka wahawai ka olua makemake, a he olelo kaulana ka na malihini e noho nei i Hawaii nei, o ia hoi keia: "He lahui hiki wale no ka Lahui Hawaii ke alakaiia, ke kamailio no oe i kekahi mea ia lakou, o ka manaoia ia mai la no ia."

            Owau no me ka oiaio,

NAPOLEON K. PUKUHI,

NA LUNA NUI O KA EKALASIA O KIHEI MAUI,

            Mr. Solomon Hanohano; Lunahooponopono o ka Nupepa Kuokoa; Aloha nui oe:-E oluolu hoi oe e hookomo iho maloko o kekahi mau kolamu o kau pepa, i ka poomanao, e kae ae la maluna, in a he mea hiki penei:

He Mau Kaukani e Hoohana Mai Nei ia Laau

B.B.C.

            (Body Building Compound) oia ke kino o ua Aa laau i hanaia i laau lapau i hulia me na launahele ame ka hao e hana pu ana me na mea i hanaia e ka Akua, e  hoomaemae a e hooikaika ae ana i na mea a paahana holookoa maloko o ke kino, e pale aku ana i ka ma'i maloko a mawaho o ke kino a e hoolilo ana hoi i ke kino i mea ikaika elike me ka ikaika o ka wa opio me ka hookoe i ka ikaika. O ka poe kino nawaliwali, owali, hapauea a haalulu e hoopomaikaiia aku ana lakou mahope iho o ka inu ana i keia laau no kekahi mau pule kakaikahi wale no iloko o na manawa lehulehu i ikeia. Ua kuaiia ma na halekuai laau ame na halekuai apau o na mahiko. Kumukuai $1.00. Kuikawa 6 no $5.00.

            Na makou e uku aku na lilo no na puolo ma ka haleleka no na kauoha laau o $5.00 kuike.

            E hoouna pololei ae i na dala kikoo haleleka ame kahi e hoounaia aku ai ia Benson, Smith &. Co., Ltd., Honolulu.

HOOLAHA.

            E malamaia ana e ke Komisina na Hana Kivila o Honolulu, he hoike hookuku laula, a i hoonohonoho papa ia ma ka Halekula Kiekie MeKinley, kihi o na alanui Beretania ame Victoria, Honolulu, ma ka Poalima, Sepatemaba 22, 1922, ma ka hora 7:30 p. m., no na makaainana Amerika, e makemake ana i mau kulana oihana maloko o Keena Kinaiahi o Honolulu ame ke Keena o ka Oihana Makai o ke Aupuni Kulanakauhale a Kalana o Honolulu, o no ia malalo o na rula ame na hooponopono ana a ke Konisina i oleloia, no na Kulana oihana malalo nei:

OIHANA KINAIAHI

Hoike laula no na mea apau.

OIHANA MAKAI

            Makai Kaulio, Makai Kuhuina, Makai Motokaikala, Makai Kaa, Makaikiu, Kakauolelo, Kiai Halepaahao, Makai no na Kuaania, Wahine Hooponopono.

            Ua hiki no e loaa na pepa pa'ihakahaka no na palapala noi ma ke keena oihana o ke kakauolelo o ke Kulanakauhale a Kalana ma ka Hale Kapiolani, Honolulu, a e pono e waihoia ae ia palapala noi, maloko o ke keena i oleloia ae la, aole e lohi aku mahope o ka hora 4 o ka auwina la Poakahi, Sepatemaba 18, 1922.

            O ka mea noi, he mea oia e noho ana maloko o ke Kulanakauhale a Kalana o Honolulu, no ka manawa i emi ole iho malalo o hookahi makahiki mamua ae o ak la o ka hoike ana, a na piha iaia na makahiki he iwakalua (20).

            O ka mea e noi ana no ke kulana makai kuhuina, a i ole makai nana kaa paha, e pono e loaa iaia ke kiekie o elima kapuai ame eiwa iniha, a he kaumaha kona i emi ole iho malalo o ka 150 paona, a no ke kanaka kinaiahi hoi, he kamaha kona i emi ole iho lalao o ka 145 paona.

            O ka põe noi no na kulana oihana apau, mawaho ae o na kakauolelo, wahine hooponopono ame na mea noeau ma ke kuni manamanalima, no ka Oihana Makai, ame na kakauolelo, na wiliki ame na mekaika no ka Oihana Kinaiahi, e pono e hele ae e hoike ma ke Keena Hooikaika Kino o Pierre Baron, Halepono o C. Q. Tee Hop Co., puka komo ma Alanui Maunakea, Helu 944, ma ka Poaha, Sepatemaba 21, 1922, e hoomaka ana mai ka hora 12 awakea aku, no ka hoao ana i ko lakou mau aahuki ame ko lakou mau ola kino.

            Ma ke kauoha a ka

HONOLULU CIVIL SERVICE COMMISSION.

D KALAUKALANI,

Kakauelelo.

6520--Sept. 7, 14, 21, 1922

            Rev. J. K. Poepoe, kahu; Mrs. E. N. Pake, puuku; Mr. George K. Kenolio, kakauolelo. Na Iuna kahiko; Mr. Kahi Kenolio, . N. Pake, ame Mrs. E. N. Pake.

            Na luna nui o ke Kula Sabati Sr., Mrs. E. N. Pake, Kahu Kula Sabati; Mr. E. N. Pake, hope; Mrs. Annie Foo Sum, puuku George K. Kenolio, hope; Mrs. Annie F. Sum, alakai himeni; Mrs. E. N. Pake, hoakuka; Mrs. Geo. K. Kenolio kakauleka. z

            Na luna nui o ka C. E., makua: Mrs. E. N. Pake, peresidena Mrs. A. F. Sum, hope; Mrs. Hoonani Kenolio, Puuku; Mr. F. N. Pake, hope; Mrs. Annie F. Sum, alakai himeni; hoa kuka, Mr. Kahi Kenolio.

            Mr. Geo. K. Kenolio, kakauolelo ame kakauleka; Mrs. Anna Kenolio, hope.

            Na komite haipule, hoeueu ame kiai komite kaipule, Mrs. Kahi Konolio, komite hoeueu; Mrs. Annie Foo Sume, komite kiai Mrs. E. N. Pake.

            Me ka mahalo,

GEO. K. KENOLIO.

            Kakauolelo, Ekalasia, K. S. C. E.

LIBERTY THEATER

Ke paani nei-

"A Trip To Paramount Town"

E lohe pu ia ana o

MISS STELLA HYMSON

Kekahi Puukani mai Kaleponi mai.

Ukuk@: 25, 40 K@ka; Noho i hookaawaleia, 60c.

EMPIRE THEATER

Ke paani nei-

"MAURICE (LEFTY) FLYNN"

O keia kekahi o na kii hialaai loa ia.

"BUCKING THE LINE"

He moolelo keia no kekahi kanaka opio o ke kulana ko'iko'i i hoolilo iaia iho i aea.

Ukukomo: 15, 25, 40 Keneka; Ukuia ka auhau kaua.

STRAND THEATER

"The Great Perin, King of the Wire."

"The Juvenile Duo."

"Leon Perez."

"The Gordon Five."

He mau mea hanakeaka wale no keia.

Ukukomo: 15, 25, 40 Keneka; ukuia ka auhau kana.

NEW PALAMA THEATER

He mau kii hou ke hoikeike ia ana ma keia halekeaka i eia mau po. He mau kii eehia, hoomakeaka, ame kekahi mau kii e ae e hoohialaaiia ai ka manao.

Hoikeike ao: 5, 10, 20 Keneka; Po. 10, 15, 20, 30 Keneka.

O KA NOONOO AKAHELE UA OI AKU IA MAMUA O KA ULIA LAKI O KE "KAMAA WAWAE LIO".

            He mau haneri makahiki i kaahope aku nei, i ke au o na hana hoomanamana, ua paanaau mau ia, o ka loaa ana o kekahi kamaa wawae lio, he hoailona ia o ka ulia pomaikai.

            Ua hala aku ia mau mea o ke au kahiko, aka, aia no nae he poe e manaoio nei aia a loaa ka ulia laki, alaila loaa nui ka "POMAIKAI."

            Aka, o ka poe naauao a akahele, eia lakou ke kukulu nei maluna o kekahi kahua onipaa mamua o ke kaukai ana aku i ka laki. Eia lakou ke hoohana nei i ka NOONOO AKAHELE, me ka hookaawale ana i kekahi o ka lakou mau loaa liilii-

            O OE ANEI KEKAHI?

            UA MAKEMAKE MAKOU E KOI IKAIKA AKU IA OE E LAWE I KEIA KEEHINA HANA, A E HOAHU LIILII ME KEIA BANAKO.

Eia makou ke uku nei he 4% ukupanee o ka makahiki maluna o ke dala hookahi.

Chinese-American Bank

KIHI O NA ALANUI MOI AME NUUANU.

P. O. Box 2000.                                                                                    Honolulu, Hawaii.                                                                                     Kelepona 6119.

The Liberty Bank of Honolulu,

LIMITED.

Ko Honolulu Banako o Keia Au Holomua

E IKEIA NEI KONA HOLOMUA

            E ku nei iwaena o ke Kulanakauhale o Honolulu, kahi a ka lehulehu e hele mau nei e kuai i ka lakou mau meakuai.

            No ka pomaikai o kona poe hoahu, e hoomaka ana mai ka ka la 2 aku o Sepatemaba, e hamama ana kona mau ipuka i na ahiahi Poaono apau, mai ka hora 6:30 ahiki i ka hora 8. Hele mai e kii i kekahi o ka makou banako hoahu liilii.

            Eia keia Banako ke hoohanaia a ke noho on a ia nei e na kanaka i hanauia maanei.

            O ko lakou nee ana iho nei no ia ma ko lakou keena hou ma ke kihi o na

ALANUI MOI AME MAUNAKEA

UA MAKEMAKEIA NA HOAHU LIILII O KELA AME KEIA. E HELE MAI E HOOKAMAAINA.

Ua hiki ia oe ke hoahu mai ka Dala Hookahi aku.

The Liberty Bank of Honolulu,

LIMITED.

Kihi o na Alanui Moi me Maunakea.                                                                                                                                                                       Kelepona 1014.