Ka Nupepa Kuokoa, Volume LXI, Number 36, 7 Kepakemapa 1922 — HALAWAI ME KA POPILIKIA MA KA HUAKAI IMI NAAUAO [ARTICLE]

HALAWAI ME KA POPILIKIA MA KA HUAKAI IMI NAAUAO

Mahopo ilio o ka huli ana i ka ike ame ka makaukau o ka oihana kauka huki niho, no kekahi mau makahiki eha, me ka lilo ana i kuke maluna o kekahi mokuahi no hookahi makaliiki, ka halawai ana mo na popilikia he nui, i liuli hoi mai ai he keiki Kepani, o Napoliona S. Nakamura ka inoa no Hawaii nei, me ka makaukau e hoohana aku i kana oihana ike, ma keia kulanakauhale. Ua hanauia keia keiki Kepani ma Hawaii nei, nolaila he makaainana Amerika oiaio oia. He elima makahiki ae nei i hala i haalele iho ai oia ia Hawaii nei, no ke a'o ana i ka oihana kauka huki niho, me kona koho ana i ke Kula Nui o Tulane, o kana kula ia e komo ai. He ehiku kaukani dala a kona makuakane i hoahu ai no ka hoonaauao ana i kana keiki, nolaila ua haalele iho la o Nakamura ia Hawaii nei, a holo aku la no Amerika. Ua waiho aku la oia iaia iho, no ke komo ana maloko o kela kula ana o ke koho ana, o ka mea apiki nae, ua kauohaia niai la oia, e komo iloko o ka oihana koa, a e hele i ke kaun. I kinohi ua kanalua loa oia i ka ae ana ■aku i kela kauoha, oiai ina i manao mua oia e hele «i ke kaua, ua komo kahiko oia iloko o ka oihana koa ma Hawaii nei. 0 ka hele i ke kaua ,a o ka paaia iloko o ka halepaahao, hophoIo iho la oia he oi ae kona pono e hele i ke kaua. He ekolu hina o ka noho hana ana maluna o ka mokukaua, ua hookuuia mai la.

mo ka loaa o kona medala lana- | kila ame $60 no kona uku. Ua aeia e komo i ko kula, a i ka elua o na makahiki o kona noho ana, ua lilo iaia ka inoa moho hakoko iwaena o na kula o ka Hema; a iloko o na makahiki eha o kona noho ana maloko o ke kula, he elua makahiki i kaa ai iaia ka inoa moho hakoko. Ma ka makahiki aku nei i hala, i hookuu po'no ia mai ai o Nakamura, me kona palapala hoomaikai, ma ke ano he kauka huki niho; nolaila iaia i haalele aku ai i ke kula, o kona waiwai wale no, o ia kona palapala hoomaikai ,ame eono keneka maloko o kona pakeke. Ua hele oia e .huli i hana nana, aole nae he loaa iki, ahiki i kona liele okoa ana e noi hana iluna o ka mokuahi, ua aeia mai la e noho oia he kuke elua, no ka mokuahi Moiwahine Makoni. Ma kela huakai au moana, he nui na popilikia i halawai n\ai me ia, o na ano like ole, eia nae ua nui kana mau wahi i ike, a i ka hoea ana o ka moku i Norfolk, ilaila i haalele ai i ka noho hana ana maluna o ka moku, a helo o noi i hana maloko o kekahi hale pnpule, a aeia mai oia e lilo i kauka huki niho no ia hale, me kona hele ana i ka hana i ke ao, a i ka po e hele ana oia e hulahula. Aolo i loihi loa kona noho hana ana maloko o ka hale pupule, ua hoi hou no oia noloko o ke kula, a mahope iho o ka noonoo ana i ka mea pono e hana ai, ua huli hoi mai !a oia no Hawaii nei, no ka hoohana ana aku i kana kalena i a'o ai a -makaukau.