Ka Nupepa Kuokoa, Volume LXI, Number 36, 7 Kepakemapa 1922 — KE KOHO ANA MA KE KOHO WAE MOHO. [ARTICLE]

KE KOHO ANA MA KE KOHO WAE MOHO.

L T a nui ke kamailioia, no na mea e pili ana iko kakou kanawai koho baloka wae moho, ame ke ano o ka kakou koho ana i na moho. He mau makahiki kakaikahi wale ae nei no i hala, i hooholo ia ai ke kanawai wae moho o kakou e ku nei. Mamua aku o kela manawa, na kela ame keia aoao kalaiaina o kakou, ma o na ahaelele la, e wae mai i na moho; o na moho i waeia, o lakou ke 'kukuluia mai ana imua o na mana koho baloka, no ke koho ana aku ia lakou, ma ke koho baloka laula, iloko o ka mahina o Novemaba. Ua hoihoiia mai keia wae ana i na moho, no ko kakou ahaolelo, a noloko o ko kakou mau aupuni kalana, i na mana koho o kela ame keia aoao, mamuli o ka manaoia ana, aole i kupono ka wae ana aka poe kakaikahi- Ua kupono no keia hoihoi ana mai na na mana koho baloka e wae i na moho; o ka mea nui nae, i homaopopoia, iloko o na kau wae moho i kaahope ae nei, a hoea wale mai no i keia manawa, eia ke ku ole o na Repubalika, e koho i ka lakou mau moho ponoi iho, pela no hoi me na Demokarata, aka e kikoo ana i na moho o kekahi aoao kalaiaina okoa aku, me ke kapaeia o ka aoao kalaiaina mahope. Aole he pōlolei o keia ano o ke koho ana i na moho, aka nae, he hana hiki ole loa ke kaupale ana aku i na mana koho baloka, oiai ua malu loa ko laleou mau baloka, aole he hoikeike wale ae, mainua o ka heluia ana. • I ka nana aku, he hana paakiki loa, ka hookupono ana i na mana koho baloka, o na aoao kalaiaina kuloko o kakou, e koho wale no <i na moho o ko lakou aoao; no ka mea, aole he kanawai e papa ana i ko lakou hana ana pela, a o kekahi no hoi, ua kauka'i aku kekahi mau moho, maluna o ko lakou mau hoaloha, na makamaka ame*na ohana, iloko o ka aoao kalaiaina okoa, e koho mai ia lakou; a ua kauka'iia aku hoi ko lakou lanakila maluna o na hoa mokomoko, ma o ka poe o ka aoao, o ko lakou mau hoa paonioni. I ka nana aku, he hookahi paha alahele e hoopauia ae ai o keia pilikia, o ia no ka hoololi ana i ko kakou kanawai kumu, ma kahi o ke koho baloka laula, a e hoohalikelikeia me ke ano 0 ke kahoia ana o na luna oihana o ko kakou mau kalana lehulehu, o ia ka loaa ana o ka hapanui, o na baloka i kohoia i kekahi moho, alaila ua lanakila oia, me ka holo hou ole, ma ke koho baloka laula. • I wahi $ puka ai kekahi mau moho, e konoia mai ana na mana koho, e hoolelepau i ko lakou ikaika, maluna o na moho o ko lakou aoao kalaiaina ilio, me ka nana ole aku, i na moho o kekahi aoao, oiai e nana ana na moho apau, no ko lakou lanakila ma ke koho baloka wae moho, me ka holo hou ole aku, no ka elua o na manawa. Ua makemake loa kekahi poe o kakou i ke kanawai wae moh° e ku ne » ma ka manaoio o keia pepa aole he pololei o ia mana°, a ka e hanaia kekahi mau hoololiloli ana e pono ai, i wahi e hoopauia ae ai, kekahi mau hana, i ike mau ia ma naVa koho baloka wae moho ma Ilawaii nei. 1 Ke poho mai la ka maia o Hawaii nei ma ka uwapo o Kapalakiko, mamuli mai o ka olohani o na kanaka uniona. E nui ana ke poho, i na ona na lakou ia mau maia, aka nae ina no ka mau o kela oloham, alaila e loaa ana na maia makepono ia kakou ma keia mua aku; nolaila e kau aku i na manaolana, no hoea mai 1 ka wa e loaa ai na maia makepono ia kakou/