Ka Nupepa Kuokoa, Volume LXI, Number 36, 7 Kepakemapa 1922 — UA OLA O HAWAII IA TANDY MACKENZIE [ARTICLE]

UA OLA O HAWAII IA TANDY MACKENZIE

I"a haaheo o Hawaii nei i keia la, ma o ka oili ana ae mai\vaena mai o keia lahui Hawaii, kekahi kanaka opio puukani i ka himeni: ua ka inoa o kona aina hanau iaia, ua kaulana h«»i kona lahui kanaka, mamuli o ke kalena kiekie loa a ke \kua. i haawi mai ai iaia e hoopukapuka, oia 110 o Tandy MacKenzie. / Ma kanaauau ahamele apau i haawi ae ai maloko nei o keia kulanakauhale, a mawaho aku o Honolulu nei; he hookahi 110 olelo hooholo, a ka lehulehu o ka poe i lohe i kona leo, a i lohe pu hoi i ke ano o kana himeni ana, oia kekahi o na kanaka i loaa ke kalena kiekie loa, a ke Akua i haawi mai ai, o ia no kona leo nani. Ua hoike aku ko ke kulanakauhale nei poe, i na manao ohohia nona. ma ka hoopiha ana aku i kana mau ahamele apau i wrhe ai maanei, ahiki ole no ke pau iloko o ka halekeaka, • keia kekahi o na hoike maopopo loa, no kona lilo ana i ka»iaka nui. iloko o ka noonoo o ko Hawaii nei poe. Ms kela kalena kiekie i loaa iaia, ua huli hoi mai oia no kona aina hanau, ua apoia aku oia e kona lahui ponoi, aole me na l:uohanohano ana he nui, aka me na manao hiipo'i o ka makee ku'io, a ma kekahi olelo ana ae paha, me ke aloha oiaio o na Hawaii, a iaia auanei e haalele iho ai ia Hawaii nei, ma kana huakai kaapuni ia Amenka, ame na aupuni e ae o ka honua r.ei. no ka hoopukapuka ana i kana kalena, e lawe pu aku ana e-ia me na hoomanao ana, no kela aloha a kona lahui, i papahi aku ai maluna ona. He lahui kakou i kaulana i ka himeni, i ka nani o ka leo; ua hoohihi maoli ia no na himeni Hawaii, ma na wahi apau o ka honua nei. o ka pilikia wale no, nana i hoemi mai ia mahaloia, o ia ka haalele o ko kakou poe himeni o keia manawa, i

ke ano maoli o ke mele ana i na himeni Hawaii, ēlikē me ko lakou mau ano i meleia ai i kinohi, e kd kakou poe haku mele. No kela hoololiloli i ke ano o ke mele ana, na ia mea i hoohapa mai, aole wale no i ka nani o ka kakou mau fnele, aka i ka nahi pu kekahi o ka leo, o ko kakou poe himeni, a lilo i mea hoihoi ole, ka hoolohe ana aku ia lakou. O kekahi mea keia i mahalo nui ia ai o Tandy Kaohū Macr Kenzie, o kona hoololi ole, i ke ano o ke mele ana i na himeni Hawaii; a i ka holohe ana aku i ke ano o kana himeni ana, he ku maoli no i ka nani kaili puuwai; no ka mea ua hua'i pau mai oia, i ka uhane oiaio iloko o ke mele, a ua kaili mai hoi oia, i ka puuwai, o ka poe e hoolohe aku ana iaia. Ua ola o Hawaii i keia kanaka opio, a iaia auanei ma kana mau liuakai kaahele, ma kana mau wahi apau e hele aku ai e himeni, aole oia e hookaulana wale aku ana iaia iho, aka e hookaulana pu aku ana oia ia yawaii nei, eia ka mai kekahi wahi aupu'ni iwaena o ka Moana Pakipika, e oili ae ana he puukani kaulana, nana e hoohaule aku, i kekahi mau puukani e ae, o ka honua nei. Me oe e Tandy Kaohu MacKenzie, ke kalokalo ana a ke Kuokoa, no ka ukaliia o kau huakai kaahele ia Amerika, me na haawina kilakila loa o ka holomua!