Ka Nupepa Kuokoa, Volume LXI, Number 36, 7 September 1922 — NUI NA KIKOO DALA APUKA I HOOPUKAIA E GOO KIM [ARTICLE]

NUI NA KIKOO DALA APUKA I HOOPUKAIA E GOO KIM

Ma kahi o ka hookahi kaukani me hookahi haneri ka nui o na dala a kekahi mau hale kalepa o ke kulanakauhale o Honolulu nei i poho ma 'uwale, mamuli o ko lakou hoolilo ana a£u i ka lakou mau waiwai me ka lawo ana mai i na kikoo apuka mai kekahi keiki Pake mai o Goo Kim ka inoa. Mahope iho nae o ka noke ana o na makaikiu i ka huli no hookahi mahina, i paa ae ai kela keiki apuka i ka hopuia, me ka ae okoa ana aku imua o na kanaka o ke aupuni no kona pili i'ka hewa. Mahope iho nae o ka paa ana o kela keiki Pake i ka hopuia, a hoike okoa ae hoi no kona pili i ka hewa, me ke kuhikuhi ana i na makai i kahi o na waiwai ana o ka ohi ana mai na I.ale kalepa mai a kuai hoolilo hou aku, ua kiiia aku kela mau waiwai ,a hoihoiia ae i ka poe i kuleana ia mau waiwai. He keiki opio Pake kela i paa mua no maloko o ka halepaahao, mamuli o kona ahewaia ana, a hoopa'iia no na aihue ana i hana ai, maloko o na keena waiho lole, o ka poo o ka Y. M. C. A. ■ Mahopo nae o ka noho hana ana no kona hoopa'i, ahiki i ka pau ana, ua holo aku la oia no Kina, a ma

ka hapainua o keia makaliiki i huli hoi mai ai oia no Honolulu nei. Aole nae i ikeia kana niau hana kolohe ahiki mamūa koko aku nei no; iloko o ka mahina o lune, a o ka mea wale no nana i hoopokole mai i kana mau hana kolohe, o ia no kona paa e ana i ka hopuia. O ke ano o ka hana a kela keiki Pake, o ia no ka hel6 ana maloko o na halekuai e ohi ai i kana mau mea i makemake ai, a no ka uku ana aku i ke kumukuai o na waiwai, ua hoopuka aku la oia i na kikoo ma na huina i oi aku i ka waiwaiio o na waiwai i ohiia eia; ma keia ano iho la e hoihoiia mai ana iaia he mau dala i piha pono ai ka huina maloko o ke kikoo. O ka haahaa loa o ka huina o na kikoo ana i hoopuka ai, ma kahi o ka iwakalua dala, a o ke kiekie loa ma kahi o ka ekolu haneri me kanawalu.