Ka Nupepa Kuokoa, Volume LXI, Number 36, 7 September 1922 — MAKE MA KA ULIA KAA OTOMOBILE [ARTICLE]
MAKE MA KA ULIA KAA OTOMOBILE
Ma ka Poakolu o ka pule aku nei i hala i laweia mai ai ka lohe i ke kulanakauhale nei, no ka halawai ana o kekahi kaikamahine Kepani o eiwa makahiki me ka make, ma o ke kahuli ana o ke kaa otomobile ana e kau ana me kona mau makua, ma Waipahu, ma ka Poakahi aku. Maloko o ka halema'i o Waipahu i make loa ai kela kaikamahine, maiho o ka hoihoiia ana aku ilaila, mahope o ka halawai ana me ka ulia poino. Ma ka oleloia, maluna kela kaikamahine Kepani o ke kaa otomobile kahi i kau ai me kona mau makua, kona mau kaikunane, ame kekahi makuakane hanauna, a ma ke Ano i maopopo ole, ua paKika aku la na huila o ke kaa otomobile ma ke alanui, me ka holo kapakahi ana aku o ke kaa ahiki i ke kahuli ana. Ua loaa no he mau eha kukonukonu i kona mau hoa, aka o kela kaikamahine nae ka i nui o kona poino, ka mea nana i hoopekole mai i kona mau la o ke ola ana.