Ka Nupepa Kuokoa, Volume LXI, Number 35, 31 ʻAukake 1922 — Nuhou Kuloko [ARTICLE]

Nuhou Kuloko

Ma ka Poakahi ae nei ka La o na Limahana, he la lele uwaki ia no na aliimoku ame na luina o ke Kuokoa. Xo ka piha loa ona kolamu ke Kuokoa i keia pule, ua hoopaneeia ka hoopuka ana aku i ka niooleīo o "Makalei" a keia pule~ae. Mahope iho o ke kaahele ana i ka Mokupuni o Kauai no kekahi mau la, i huli hBi mai ai ka Ho£. Norman K. Lyman no ke kulanakauhale nei ma keia kakahiaka. Mai poina e na lala o. ka Ahahui ka Hale o na Alii o Hawaii' (Ahahui Po'o), i ka halawai e malamaia ana maloko o ka Phoenix Hall, ma &a hora % 2 p. m., o- keia Sabati iho, elike me ka hoolaha e puka aku nei iha kekahi wahi o keia pepa. Maloko o kekahi mala ipu nui e waiho la ma Kailua ; Oahu nei, i loaa aku ai he ipuhao puhi okolehao, i na luna oihana hookapu waiona, me kekahi pahu o na mea i hoawaawaia, ma ka Poaha iho nei, a ua paa mai he Kepani Okinawa i ka hopuia.. Mamuli o ka lilo ana o keia Pōakahi ae, Sfepatemaba 4, he la kulaia, 0 ia ka La o na Limahana, ua hoopaneeia ka halawai kumau a Ahahui Kaahumanu, a ka Poalua, 1 £>ept. 5, 1922; ma ka hora ekolu o , ka auwina la maloko o Kawaiahao. O ka papa kuhikuhi no ka wehe ahamele 'ana o ka Hui Himeni Kamehameha, e kaapuni mai la ia Hawaii, no ka wehe ana i ka ahamele ma Honokaa, i Sopt. 6, a i Waimea, Sept. 7, o ka pololei i Waimea ka ipua, ma ka la 6 o Scpt. a i Honokaa aku mahope i ka la 7. E noho hou ae ana ka halawai a ka Ahahui Pa Ilina o Kalaepohaku ma kalii o D. Maunakea, ma ka hora 2:30 p. m. o keia Sabati iho, Scpt. Ua inakemakeia na lala apau o ko ahahui ame ka poe i kuleaiia i ka pa ilina, e hoea ae, no ka mea e hiki mai ana kekahi luna oihana o ka papa ola ma ia halawai. Ma ka mokuahi Manoa o ka liaalele ana mai ia Honolulu nei, ma ke kakahiaka o nehinei, i holo aku ai o Jameg Aukai Thompson no Kapalakiko, no ka hoohala ana he hookahi mahina hoomaha malaila, mamua o kona huli hoi hou ana niai no Hawaii nei. O keia kana huakai mua loa no Amerika. Ma ka auwina la o keia Poaono iho, e malama ae ana na lala o na Ahahui Pueo o keia kulanakauhale he ka'ihuaka'i nui, e hoomaka ana ma ka hora elua, no ka piha ana o na makahiki eha o ke "ku ana o keia ahahui maanei nei. Ma ia ahiahi iho he alia ke malamaia ana m.awaho o Waikiki. No ka nui makemake no o ka lehulehu i ka holo makaikai ia Molokai, e holo liou ana lie mokuahi me ka poe makaikai no ka Moku o Hina, ma ke kakahiaka o keia Sabati iho; e ukali pu aku ana he mau kalapu himeni, no ka hoonanea ana i ka poe makaikai me na mele Hawaii ame na hula Hawaii. E malama ae ana ko Kalapu Demokarata o ka mahele elua, apana eha, o Kaimuki, he halawai maloko 0 Mauumae Paka, ma ka hora 7:30 p. m., o keia Poālua ae, Sept. 5, 1922. Ua makemakeia na lala ame na lunanui o ke kalapu e hoea ae ma ia halawai no ka noonoo ana i kekahi mau kumuhana ano nui. , I kulike ai me na hoolala ana a ke komite kuwaena. Repubalika, e hoomaka aku ana ka wehe mua ana 1 oa hakoko kalaiaina no keia kau koho baloka wae moho, ma ka po 0 ka Poaono, Sept. 9, 1922, malalo ae nei o Aala Paka, me ke konoia ana o aa moho apau e hoea ae«ma ia halawai, no ka hoakaka ana'mai 1 ko lakou mau manao imua o na mana koho. He hoike Kula Sabati hui ke malamaia ana ma Makua, i keia Sabati iho a e haalele iho ana he kaaahi kuikawa no ka halihali ana i na haumana Kula Sabati o Honolulu nei ame ka poe makaikai, ma ka hora ewalu o kela kakahiaka Sabati. E ukali pu aku ana ka Bana Hawaii, nolalo o Makua, no ka hoonanea āna i ka lehulehu ma na hora o ka auwina la.