Ka Nupepa Kuokoa, Volume LXI, Number 35, 31 August 1922 — MAI POINA I KE KAIHUAKAI A NA PUEO. [ARTICLE]

MAI POINA I KE KAIHUAKAI A NA PUEO.

No lea piha ana o na makahiki eha, o ke ku ana o ka Ahahui Pueo (Order of Owls), ma Hawaii nei, e hoomanao ana na hoa o kela ahahui, mai ka ahahui o na kane, a -ka ahahui o na wahine, ma ka malama ana ae he kaihuakai, ma ka-auwina la o kela Poaono iho, maloko nei o keia kulanakauhale. - E hoomaka ana kela kaikuakai, ma ka hora elua o ka auwina la, a maliope o ke kaihuakai, e malamaia ae ana na hana, no ka hookomo ana mai he umi mau lala hou iloko 0 ka ahahui. Ma ke ahiahi iho o keia Poaono, e malamaia ae ana he aha hulahula nui mawaho o ka hale o ka hui hoewaa Outrigger, mawaho ae nei o Waikiki. E alakaiia ana ka huakai e ka Bana Hawaii, mai ke keena halawai mai o na ahahui ma ke alanui Moi, alaila ka'i ilalo ahiki j ke alanui Kekaulike, ma ia alanui, pii iuka a loaa ke alanui Hokele, ma ke alanui Hokele, ka'i a hoea i ke alanui Bihopa, iho a loaa ke alanui Moi, alaila hoi hou no ke keena halawai. Ua kukulu mua ia ka Ahahui o na Pueo ma Hawaii nei, i ka la 2 o Bepatemaba, 1918; a hoea mai nae 1 keia manawa, he ewalu ka nui o na * ahahui o keia ano e ku nei, apuni keia Teritore.