Ka Nupepa Kuokoa, Volume LXI, Number 34, 24 August 1922 — LOAA AKU KEKAHI LIMAHANA UA MAKE. [ARTICLE]

LOAA AKU KEKAHI LIMAHANA UA MAKE.

Hookahi la mahope iho o ka haalele ana aku a ka mokuahi Kina ia Kapalakiko ua loaa mai la he lono ia moku no ka loaa ana aku o ke kino o kekahi o na limahana Pake ona ma Stockton. ua make, elike me ka lono o ka loaa ana ae i na luna o ka oihana dute awa kuloko ma ka Poaha o ka pule aku la i bala, a e hui pu ana me kela kino make kekahi mea pohihihi e pili ana i ka $21,000. Ma ka mea i koho wale ia ua lele kela Pake ma Kapalakiko no kekahi hana e pili ana i ka hoopae 'malu ana ika opiuma. Elua mea i koholā ua loaa mai paha na dala he $21,000 iaia a mahope iho pepehiia a i ole ua pepehiia paha oia i ka manawa aAa o ka ohi ana mai ia mau dala no ka opiuma i hoopdeia aku ai. I7a hoikeia aku ka lono i Kapalakiko i ka manawa i ikeia ai aole ia Pako maluna o ka moku. I ka manawa i holo mai ai o ka moku i ikeia ai aole ia Pake iluna o ka moku, a he la ma iā hope iho i loaa mai'ai ka.liino ma ke kelekalapa uweaofe e hoike māi ana i ka nuhou no ka loaa ana aku o ke kino o ua Pake nei ma kahi i hoike mua ia ae nei.