Ka Nupepa Kuokoa, Volume LXI, Number 34, 24 August 1922 — HE LEO UWALO! [ARTICLE]

HE LEO UWALO!

| Ke nonoi nei au me ka haahaa i na mana koho baloka o Hawaii Hikina, Kalana a Teritore o Hawaii, nO ka Oukou mau kakoo ana ia'u, oiai eia au ke holo nai ma ke kulana lunamakaainana ma ka aoa6 i Repubalika, mai ka apana koho ekahi aku, no ka waeia, ma ke kauj i koho wae moho i Oct. la 7, o 'koia makahiki e hiki mai ana. | Aole au lie malihini ia o\ikou, aua ikamaaina oukou ia'u he kupā, he ewe, a ke keiki hanau no ka aina, ,a nou e Hawaii Hikina. Nolaila ke holo nei au malalo o ke alakai ana a keia mau manao nui ekolu. I Ekahi:—Ka manaoio hana, a e kokua ana i na mea maikai no ka pono kauliko o ka lehulehu o keia Teritore. Elua:—Ka manaiolana, no ka huli ana i na alanui hele like ole, e loaa ai ka maha ame ka palekana, i ik«ia o ke Kalana o Hawaii, ame ka, lehulehu, a pela pu me na kalana e ae. , 1 Ekolui—Ke aloha oiai o ke aloha ka mea i oi, ka huli a imi ana e hoopakeleia ae ai ke ola o ka lehulehu o keia Teritpre, a pela me na kama a H&kou, mai na wahi like olē, e ikeia nei i keia mau la. Eia hou no au ke maalo ( aku nei imua o oukou, no ka ekolu o ka manawa, a o ka rula maamau mai na kupuna mai, o ia no keia, a maalo kekahi ma kou ,mau ipuka hale, pa ana kahea, e komo e kamau, a. pihri aku ka houpo, alaila, hele ana kamahele ma ke ala; nolaila pela keia e kakali aku nei, malia o pa mai kahea, ; hookipa iho hoi i ko'u wahi inoa, fiaa ka pahu baloka, no ka la 7 o Okatoba e hiki mai ana, i kqmau iho kamahele, alaila hele aku e hookolo i ka nui manu, no ka ponō kaulike o Hawaii aina.ame Hawaii lahui. ' Eia hou, aole au hepaahana no ke Kalana o Hawaii, a ke holo nei hoi e hilinai ana hoi ia oukou e na mana koho o Hawaii Hikina. Eia ke wawaia nei ma na pepa namu, e waiho ana au, o ka'u nae e hoike nei, mai puni ia mau manao hoolaha, • a no ka mea aole he oiaiO, o ia mau mea, aia no oukou a ike e hoopili pu ana me ko *u inoa me. kekahi hoolaha, o ia ano, alaila ike iho oukou he oiaio ia. O na kumu o keia mau hoakaka manao ana ma ka pepa, maloko no ia o ka manao ana penei: Malfca paha hoi, o loaa ole ka wa no'u e hele aku ai e hui me oukou, a ua ike mua hoi oukou i ko'u mau maaao, a na oukou ia e koho iho, i ka la • hiki mai ana. Nolaila me keia mau manaolana ae la maluna, ke nōnoi nei me ka oluolu ia onkou e na Pemokarata o Hawaii Hikina,ina ho aole a onkou moho no keia alaila haawi mai hoi i ka oukou kakoo 4na ia, 'u a maluna ae hoi o na mea apau, aole au e poina.ia oukou e na makoahine oiai ua haaheo oukou i keia la, a ke ku pu nei ma ke ano kaulike me makou na kane, e oluolu pu hoi no'u kauwahi baloka, a e lilo pu hoi oukou apau, mai na Repubalika, na Demakarata ame na wahine, i mau luna hooikaika no'u. Owau iho no me ka oiaio. W. M. KEOLANIII,