Ka Nupepa Kuokoa, Volume LXI, Number 34, 24 August 1922 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ulumahiehie ke kukulu ana a ke kamaliiwahine i ke kalapu wahine ma kauai.
@ kuu Solomon Hanohano, ke ka- @ eleu a wiwoole o ka Nupepa @: Welina ka @ a nui loa.
@ ke ahiahi o ka Poaono, la @ @, ua wehe imua ke Kama- Kalanianaole i ke kalapu @ @ Makuahine ma ke alo o ka @ o ka hale pule Hawaii ma Waimea me ka haiolelo ana mai me na @ o ka mikioi me ka eleu, a @ ka makee nui i ka pono koho @ @ o na makuahine Hawaii, i @ ka pono koho baloka, e a‘o @ @ lokahi lakou na wahine me @ lakou mau kane, aole e hukihuki @ @ aka, e huki like a @ like me na manao kuikahi a @ o ia ka ikaika ame ka @.
@ pu no hoi, e a‘o ikaika i ka @ mau keiki, e imi ikaika i @ naauao, o ia ko lakou ikaika, no ka mea; o lakou aku ana ke pani mai ma ko kakou mau makalua ke @ @ kakou. Nolaila; mai @ i ka hoonaauao ana i na @ mai keia manawa aku.
Mahope o ka haiolelo a ke @ he mau manao pa‘ipa‘i a @ ke koho ana i ko lakou mau lunanui o ke kalapu.
Ka hoomakaukau ka Ahahui Kaumualii Hui Kamehameha Helu 3, @ papaaina i luluu i na meaai Hawaii no ka hanohano o ke @, ke Aliiwahine aloha a @kakou Elele Alii i haalele mai i keia ola ana ke Aliiaimoku o @ mau ahahui, e ku nei i keia @ Kamehameha, ko Honolulu, Ka Mamalahoa, ko Hilo Hawaii; @ ko Kauai o Manokalanipo, ku nei i keia la me kona holomua.
Hoi mai ke Kamaliiwahine me kona mau ukali no ka home kakela o ka makuahine ona-miliona, Mrs. Emma Wilcox, ma Kilohana Kakela.
Kakahiaka Sabati, Iulai 30, ua @ ka huakai a ke Kamaliiwahine me kona mau ukali ame ka @ ona-miliona, ka ukali hanohano @ @ o Kilohana Kakela, no @ @ Loku o Hanalei, e kukulu @ kalapu o na makuahine o @. Hanalei, Huiia, a ua malama pu @ @, @ @. Kaumualii @ Kaahumanu no ka hanohano @ Kamaliiwahine.
@ @ no ke Kamaliiwahine @ o na makuahine ame na wahine kupono i ke koho baloka me ke @ nui ia o ka haiolelo a ke Kamalii wahine, no ka mea; aole oia @ @ aku i ka inoa o na moho @ Hon. John H. Wise, Hon. Chas. King ame Hon. Nor…an Lyman, @ akaa. ua waiho aku no oia na @ ame keia wahine a makuahine @ koho i kana i ike ai he kupono.
Hoaumoe ke kamaliiwahine me na @ ame ka makuahine ona-miliona ma kona home a kakela "Pua Rose o Mahamoku."
Ma ke ahiahi Poakahi, Iulai 31, @ malamaia ka halawai kukulu @ Repubalika a na wahine @ o ka Hall o Kilauea, me ke @ ana i na lunanui o ke kalapu @ ku.
@ ke kakahiaka Poalua ae, @ @ ua malamaia ke kukulu @ ana no na makuahine @ na @ kupono i ke koho baloka @ ka apanu o Anehola, ame Koolau @ @. Mahope o ke ku ana o @ kalapu, ua malamaia ke @ kalapu ana, no na makuahine @ na wahine o Kealia ame Kapaa. @ ka Hall o Kapaa.
Mahope o ke kukulu kalapu, ua @ na Kaahumanu, he paina no @ hanohano o ke kamaliiwahine, @ku ana o ke kalapu Repubalika @ na wahine, me ko lakou @ i kohoia, oia ka makuahine @ Roselyn Keliinoi.
@, Augate 2, ua hole ke @ no Lawai Beach no @ @ ame ka hoomaha ana @ @, me ka paina mama i @ no ka hanohano o ke kamaliiwahine, e na kamaaina olaila.
@, Augate 3, ua malamaia ke@ a kukulu kalapu ana no @, Lawai ame Kalaheo; he nui @@ o keia kukulu kalapu Repubalika a ke Kamaliiwahine, no @ maikai oluolu, a ano haahaa me @ waipahe o kana kamailio ana @ me he makuahine i kana mau @ e a‘o ana.
Poalime, Augate 4, ua malamaia @ kukulu kalapu Repubalika ana @ na makuahine ame na wahine ko@ baloka o ka apana koho o Lihue @, maloko o ka Halepule Hawaii @ Lihue.
Ma ka hora 11 a.m., ua hiki @ ke kamaliiwahine me na ukali @ ka makuahine Mrs. Emma Wilcox ka makuahine, Mrs. Wm. H. Rice, ame Hon. W. Hyde Rice, @ malalo iho o ka awai ke Kamaliiwahine Elizabeth Kahanu @ ka Hon. W. H. Rice ame Mrs. Emma Wilcox ma ka aoao @ @ ka Kamaliiwahine Mrs @ Maemae Chas. Keahi, ka @ o Kaahumanu.
@ na hana me ka @ @ Iesu no ke Kahuhipa, me @ mai ia Mrs. Haleakala I. @ kahunapule o ka Ahahui Kaahumanu o na Makuahine o Lihue.
Mahope koke o ka pau ana o ka pule, ua hoolauna mai ka Peresidena Mrs. Esther Chas. Keahi i ke Kamaliiwahine a wahi a ke Kamaliiwahine.
Alohoa kakou e na makuahine o Lihue nei, i hele mai la au e a'o aku ia oukou e na makuahine ame na wahine apau i loaa ia lakou ka pono koho baloka no ke koho ana i na elele, na lunamakaainana ame na senatoa, ma ke kaha pololei ana i ka inoa o ka elele no ka holo ana no Wakinekona au i ike ai, he kupono, a e hana mai ana i kou pono, ko‘u, a o ko kakou pono pakahi. E hana like kakou aole e hukihuki, a kuee, a mokuahana, o ko kakou hana like, o ia ko kakou lanakila.
Aole au e a‘o aku ana ia oukou o mea, o mea ka kakou elele, a e koho like mai kakou apau, aia no ia oe kau elele i makemake e koho, koho no oe.
E a‘o nui i ka oukou mau keiki i ka naauao, o ka makua ia o keia mua aku, me he mea la elua makahiki mai keia la aku, he mea paakiki ko kakou lanakila ana ma ka pahu baloka. Nolaila o ko kakou lanakila ka hana like, huki like, hui pu aku me ka oukou mau kane, a hana like, pela wale no ko kakou lanakila.
Ke haawi aku nei au i ko‘u hoomaikai nui ia oukou e na makuahine o ka Ahahui Kaahumanu.
Paipai mana pu mai ka Makua Hon. W. H. Rice, me kona hoike pu mai i kana Elele e koho ai, oia no ka Hon. Senatoa John H. Wise, a wahi ana : hoike mai ai, ua hoike aku kana keiki iaia, i ka naauao o na pane ana i na ninau a na Senatoa o Amerika, a ua @ kekahi inoa hoohanohano no na e ka poe kaukanawai o Amerika
"Ka Dictionary Commissioners".
Ma ka naauao ka maku‘u ole ame ke kupono, pono kakou e koho ia Mr. Wise, ka hoaloha o @ a kakou.
Me he la, o ka‘u elele ae la o ka elele hookahi no ia a ke kamaliiwahine a kakou, hu ae la ka aka a ke @, no keia mau olelo hoomakeaka a ka makua Hon. William Hyde Rice.
Ua paipai mana pu mai ka Makuahine Mrs. Wm. H. Rice, a pualu ke anaina i ka pule a ka Haku, me ke mele ana i ka himeni Hawaii Ponoi.
Noho ke kalapu o na makuahine ma ke kokoia ana o Mrs. Tabita Lowell i lunahoomalu no ka manawa a kohoia na lunanui o ke kalapu Repubalika o na makuahine o Lihue, ma ka waiho ana mai o Mrs. Esther Maemae Keahi, i ka inoa o Mrs. Emma A. S. Wilcox, ninau a Mrs. Mileka Kahele, i hope peresidena, hooholoia aole kue, Mrs. Kalei Montgomery, i kakauolelo, hooholoia, aole mea kue Mrs. Esther Maemae Chas. Keahi i hope kakauolelo Mrs. Milia W. Keawe i puuku, hooholoia.
Koho pu ia keia mau inoa i @ hooko" Mrs. Tabita Lowell, Mrs. Haleakala I, Mrs. Julia Wm. N. Stewart.
Hookuuia na hana me ka paina awakea i luluu i na ono a ka Hawaii, puaa laulau, @ laulau, kamano lomi, amaama lawalu, oio lomi kai, aholehole nahu pu, papio palai, uala kalua, poi uouo kaohi puu o Wailua nui hoano, opihi limu, uala palau, pia palau, inamona kopekope i ka welelau lime, waimomona me ka ice ame @ moa me ke kai niu, he @hio kau, ke hele la a pii ka @ i na pepeiao o ia ka ike kuke o na kuke nui o ka la, Mr. Montgomery ame Mrs. Mileka Kahele.
Ua ai a lawa ua inu a kena, i ka @, aole mea kue, kohoia i peresidena waiho hou mai o Mrs. Esther Maemae Keahi, i ka inoa o lokomaikai palena ole o na makuahine o ka ahahui Kaahumanu, i haawi i ko lakou aloha hoahanau i ke Kamaliiwahine Elizabeth Kahanu Kalanianaole, he 250 ka nui o ka poe ma ka papaaina.
Nui na maka hanohano iho o Lihue ame ka Mea Hanohano Makai Nui W. H. Rice, Hon. Jno. H. Coney, Hon. Wm. Hyde Rice, Hon. H. D. Wishard ame ka ohana, Mr. ame Mrs. Hoggett, Mrs. S. W. Wilcox, Rev. R. W. Rayless, a @ nui aku a lehulehu i hui pu mai, me na manao maikai a hookuuia ka paina me kekahi mau leo mele mai na makuahine Kaahumanu mai, no ke Kamaliiwahine.
Kou kiu meahou,
Paiahaa,
Lihue, Kauai, Augate 5, 1922.
Ke ano o ke kalaiaina.
(Kakauia e Z. P. K. Kawaikaumaiikamakaokaopua.)
(Hoomauia mai)
O ka naauao kekahi mea nui o ikaika ai na kanaka ma ka hana.
Elua wahi @ hiki ai i ka naauao @ hoomahuahua i ka hana.
1. Eia kekahi, no ka hooikaika maoli ia lakou.
2. Eia ka lua, kuhikuhi ka naauao i kahi @ loaa mai ai ka waiwai.
1. He mea hooikaika maoli ka naauao i ka hana. He mea nui ka molowa i ka poe naaupo apau ma na aina apau, mai o a o. No ka mea, aole lakou i ike i ka maikai o ka waiwai; aole hoi i ike i ka hope o ka hooikaika ana i ka hana. O ia kekahi kumu nui o ka molowa ma na aina naaupo apau. Ina, aole ike ke kanaka i ka waiwai, aole loa oia e hooikaika ma ka imi waiwai. O ka mea ike ole i ke dala, aole loa oia e hooikaika ma ka imi waiwai. O ka mea ike ole i ke dala, aole loa oia e hooikaika ma ka imi dala. O ka mea ike ole i ka lole, aole oia e hooikaika i ka imi i ka lole. O ka mea ike ole i ka hale maikai, aole oia e imi i ka hale maikai.
Ua ike no hoi kekahi poe kanaka i kela mau mea, aole nae i hoomaopopo lakou, he waiwai maikai kela mau mea. Ma Nuuhiwa aole i makemakeia ka lole komo, ame ke kamaa, ame ka papale, ame ka lole, ame ke dala.
O ka pu âme ka pauma ko lakou makemake. Pela no ka poe Ilikini ma Amerika. Ua nui na makahiki a lakou i ike ai i ka waiwai o Amerika aole nae lakou i hoomaopopo he waiwai io. Aole lakou e hana, noho molowa no lakou, a ua o ia mau no ko lakou hupo loa, ame ko lakou waiwai ole. Ua hooikaika iki nae lakou. No ka mea, ua makemake lakou i kekahi mau mea hou ekolu.
O ke kihei huluhulu, o ka pu, âme ka pauda, a hooikaika io no lakou e loaa kela mau mea, elike me ka nui o ka waiwai a ke kanaka e makemake ai, pela no ka nui o kona hooikaika ana. Ina makemake oia i ka ai wale no, aole manao i ka mea e, alaila, hooikaika uuku no oia.
Ina makemake hou aku i kekahi mea, i ka i‘a paha, alaila, mahuahua iki kona hooikaika ana, i loaa iaia ka mea ana i makemake ai. A in a makemake hou aku oia i kekahi mea, i ka lole paha, alaila mahuahua hou aku kana hana ana, i loaa iaia ka lole. A mahope, manao i ka hale, aole hiki ke hoomolowa hou aku.
O ka põe naaupo loa, aole lakou makemake i kela mau mea, nolaila, uuku ka lakou hana ana, ua molowa no. I ka wa mamua loa, naaupo na kanaka o Europa, aole lakou i ike i ka waiwai maikai o Asia, ahiki i ka manawa o ke kaua i kapaia o "na kaua hemolele," alaila, hele nui na kanaka o Europa e kaua ma Asia. Alaila ike nui lakou i ka waiwai maikai o Asia, a malaila mai ka mahuahua ana o ka pono, ame ka naauao, ame ka waiwai o Europa.
Aka, in a ike ka poe naaupo i ka waiwai, a makemake lakou, aole no lakou e ikaika i ka hana,, ke maopopo ole ke ano o ka hana ana i mea e loaa mai ai kela waiwai. Nolaila, pono e hoakakaia.
2. Ka naauao, he mea ia e kuhikuhi ai i kahi e loaa mai ai ka waiwai.
No ka mahiai ana. Ma ka naauao e waiwai nui ai ka mahiai. Ina i naauao, hiki no iaia ke noonoo i na ai pono ke kanu, o ka ai makepono ke kuai, a ma ka naauao e hiki ai i ke kanaka ke hoohana i ka bipi, ame ka lio, ame ka wai, ame ka makani. Ina i naauao ka poe ma hiai ma Beritania alaila, loaa nui ka waiwai ma ka aina uuku.
Nolaila, he mea nui i ka poe mahiai, ka naauao, aole e waiwai nui loa na kanaka o keia aina, a naauao e lakou, i mea e hiki ai.
No ka poe hana lole, ame na mea elike me ia. Aole hiki i ka poe naaupo ke hana i ka lole, ame ka poahi ame ka lipi, ame ka hale maikai. A naauao na kanaka o kekahi aina, a a‘o i ka hana, a maopopo ka ike, alaila hiki. Elike me ka nui o na hana i pono ma kela aina.
Ina i naauao, alaila, ike no lakou i ke ano, alaila, ike no lakou i ke ano o ka hana ana ma kekahi aina, ame kekahi aina, a nolaila hiki pono ia lakou ke hana iho. Ina i naauao ke kanaka, ua ike no oia i na kanawai o na mea i hanaia, ame na mea pu e pono ai. Nolaila, hiki pono no kana hana ana. Hikiwawe no ka hana ana, a maikai no na mea i hanaia. Ua mahuahua na mea maikai i hanaia ma kekahi aina, elike me ka mahuahua o ka ike, ame ka naauao. Nolaila, he mea nui i ke kalaiaina ana e hoolaha ike.
Aole hiki i ka poe naaupo, ke kuai nui. A in a kuai nui lakou, aole lakou e pomaikai ana. Ina manao kekahi oonei e holo aku i Amerika e kuai, poho koke no kona waiwai, no kona naaupo. Pono e ike mua i ka waiwai o keia aina i makepono ke kuai ma Amerika.
Pono e ike mua i ke ano o ke kuai ana malaila, ame ka nui o ke dala i lilo i ka lawe ana mai maanei. A in a ike ke kanaka i kela mau mea apau, ame kekahi mau mea iho, alaila, hiki iaia ke kuai.
Ina i like pu ke kumuwawai o kekahi mau kanaka, a like pu ko laua ikaika, a oi aku ka ike o kekahi o laua alaila, e oi no ka wiwai loaa o ka mea ike, a e poho ka mea naaupo o laua. Ina ua kokoke like ko laua loaa, in a i oi nui aku ka ike o kekahi o laua, alaila, oi loa aku no kona loaa.
Ina he oiaio ia, alaila, ua maopopo loa ka mea e waiwai ai ka aina; o ka naauao no, ame ka ike. Ma keia olelo, ua maopopo ka mea e waiwai ai kekahi aina, ame ka ea e waiwai ole ai kekahi aina. Aole aina ma ka honua nei i nui ka waiwai, a naaupo na kanaka. He mua ka ike, he hope ka waiwai. O ko ke Akua kanawai ia, a ua ko ia kanawai.
Ma na aina naaupo, ua molowa na kanaka, no ko lakou hoomaopopo ole i ka maikai o ka waiwai; a no ko lakou ike ole i kahi e loaa mai ai ka waiwai Aole nae e waiwai ka aina, ma ka ike ana o ke kanaka hookahi.
Ina hookahi kanaka i naauao, a hookahi no kanaka e waiwai ana. A in a i naauao na kanaka apau loa o ka aina alaila, e waiwai nui no ka aina. Aole nae e waiwai nui loa ke kanaka hookahi i kona naauao hookahi ana; no ka mea, he hana kokua ka imi waiwai. Ina kokua kekahi i kekahi alaila, hiki pono.
Kokua ka mahiai i ka lawai‘a a kokua pu laua elua, i ka mea paahana, a kokua kekahi paahana i kekahi paahana, ina pela, waiwai no lakou apau, a pomaikai kekahi i kekahi.
Na lunanui o ke C.E. O waiakea Homestead
Mr. Lunahooponopono, o ke Kuokoa; Welina kaua:--E oluolu e hookomo iho maloko o ke Kuokoa, i na lunanui o ke C. E. o Waiakea Homestead, no ka makahiki e nee nei, 1922-1923.
Mrs. Libby Kalima, peresidena; Mrs. Maraea Haleamau, hope peresidena; Mrs. S. K. Kalama, puuku; A. K. Mia, kakauolelo me kakauleka; Mrs Hattie Jeremiah, hope kakauolelo; Iokua Helekahi, hoakuka; J. Kalima, Alakai himeni.
Me ka mahalo nui,
A. K. MIA,
Kakauolelo,
Ma Ke Kauoha
Teritore o Hawaii
Keena o ka Puuku, Honolulu, Oahu,
Ma ka hana e hoopau ana i ka AAMANU AGRICULTURAL COMPANY LIMITED.
OIAI, o ka AAMANU AGRICULTURAL COMPANY, LIMITED, he huiia i kukuluia a e ku ana malalo a ma ka mana o na kanawai o ke Teritore o Hawaii i kulike ai me ke kanawai i hoomakaukauia ma na hana o keia ane, ua waihoia mai iloko o keia keena he palapala i hoooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e @ mai i na ku-e ana no ka aeia aku o ka palapala @ i oleloia maloko o keia keena, mamua ae o ka la 9 o Okatoba 1923, a o kela ame keia mea e makemake ana o hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. Lewis, JR.,
Puuku, Teritore o Hawaii
Honolulu, Iulai 26 1922
6515--Aug. 3, 10, 17, 24,31; Sept.
7, 14, 21, 28; oct. 5, 1922
Teritore o Hawaii.
Keena o ka Puuku, Honolulu, Oahu,
Ma ka hana e hoopau ana i ke KUKAIAU PLANTATION COMPANY, (LIMITED.)
OIAI o ke KUKAIAU PLANTATION COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i keiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 9 o Okatoba 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii
Honolulu, Iulai 26, 1922.
6515--Aug. 3, 10, 17, 24, 31; Sept.
7, 14, 21, 28; Oct. 5, 1922.
HOOLAHA LULU MANAWALEA.
Ke kauehaia aku nei na lala apau o ka Hui Kekua a Hookuonoono o na wahine Oiwi Hawaii e lulu koke mai i na auhau manawalea no Mrs. Magareta Victor ame Mrs. Ane B. Matsumoto, ko kakou mau heahanau i haalele mai i keia ola ana ma ka la 3, o Iulai a ma ka la 3 o Augate i hala, o @ pakahi a haawi ae ma ka lima o Miss Allen ma ka hale halawai o ka ahahui.
Mrs. Maikai Kaleo,
Kakauolelo Moolelo H. K. H. O. H. H.
6516--Aug. 10, 17, 24.
Olelo Hoolaha.
E malamaia ana ka halawai makahiki o ka Hui Kuai Aina o Wainiha, Halelea, Kauai, ma ka Hall o Wainiha, ke hiki aku i ka la 7 o Sepatemaba, 1922, hora 10 a. m.
Ma keia, ke kauohaia aku nei na lala apau o ka hui i hoikeia maluna, e hiki kino ae ma kahi i kauohaia.
Kou oiaio,
WM. H. Rice,
Peresidena Hui Kuai Aina Wainiha.
Lihue, Kauai, Aug. 1, 1922.
6516--Aug. 10, 17, 24.
E NANA I KAU MAU PEPA KAHIKO.
Ina e loaa ia oe kekahi mau pooleka kahiko e kuai no au me ke kumukuai kiekie.
COLTART. THAYER PIANO CO.,
150 Alanui Hokela.
6516--Aug. 10, 17, 24, 31.
Ma Ke Kauoha
HOLAHA O KE KUAI O KA HOOLIMALIMA AUPUNI.
Ma keia ke haawiia aku nei ka hoolaha akea ma ka hora 10 a. m., Poalima, Sapatemaba 1, 1922, ma ka puka @ mamua o ka Hale Kapitala, Honolulu, T. H., malaila e kuai hooliloia aku ai ma ke kudala akea i ka mea koho kiekie loa, malalo o ka manao o ka Pauku 73 o ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula no ka aina e waiho la ma Kailua, Koolaupoko Oahu, i pono-ala no ka laina paipu, auwaha ame ka luapao, nona ka iliaina o @ Eka, oi aku a emi mai paha:
(1) Pono-ala, 20 kapuai ke akea, no ka laina paipu e holoke‘a ana ma ke alanui hou o Kailua, malalo aku o ka uwapo Helu 7 i manaoia, Ili o Kukauone, Koolaupoko, Oahu, nona ka iliaina o 1,440 Kapuai Kuea, oi aku a emi mai paha.
(2) Pono-ala, 20 kapuai ke akea, no kekahi luapao malalo, a e ke‘a ana ma ke alanui hou o Waimanalo ma kahi Hoolulu Helu 212-33 iloko o ka Mahele Aina 312, ia Kapahi, Ili o kuapuaa, Koolaupoko, Oahu, nona ka Iliaina o 1,010 Kapuai Kuea, oi aku a emi mai paha.
(3) Pono-ala, 20 kapuai ke akea; no kekahi luapao malalo, a e ke‘a ana ma ke alanui hou o Waimanalo ma kahi Hoolulu Helu 228-85, Ili o Puolulu, Koolaupoko, Oahu, nona ka Iliaina o 2,120 Kapuai Kuea, oi aku a emi mai paha.
(5) Pono-ala, 30 kapuai ke akea no kekahi laina paipu, auwaha ame kekahi luapao ma ka Aina Aupuni o Kawailoa, Koolaupoko, Oahu, nona ka Iliaina o 2.69 Eka, oi aku a emi mai paha.
Manawa o ka hoolimalima, 21 makahiki mai Sepatemaba 1, 1922 aku; uku hoolimalima haahaa, $30.00 no ka makahiki, e uku makahiki mua ia.
O keia Hoolimalima Laula e komo ana he pauku e hookoe ana me ke Teritore o Hawaii i ka mana iaia ihe, e haawi ana i ka pono i kekahi poe, i ke kuleana ame ka pono i kekahi poe, i ke kuleana ame ka pono hoomoe, a hoohana i ka aina i hoolimalimaia me, a no na auwai paha, na laina paipu, na laina uwila, na alanui ame na auwaha ame kekahi mau pono-ala e ae, a e hoohana aku elike me ka mea i manaoia. O ka pono ma ka aoao o ke Teritore o Hawaii, ame ka poe ia lakou e haawiia ai ka mana no ka hoohana a hele ana ma ua aina i oleloia, e hoohanaia no ma kekahi ano e hoopilikia ole ia ai ka mea kuai mai i keia hoolimalima ma ka hoohana ana i na aina i oleloia no ka pono-ala laina paipu, auwaha ame ka luapao i manaoia.
E uku ka mea e lilo ai, mahope koke iho o ke kuai, i ka uku hoolimalima o ka makahiki mua, hui pu me na hoolilo o ka hoolaha ana, ame na kaki e ae e pili ana no ka hoomakaukau ana i ka hoolimalima i ole loia.
E kaa aku no ke Kuai o ka Hoolimalima Laula maluna ae, malalo o na ano ame na kulana o ka Hoolimalima Aupuna Laula, i hoopukaia e ke Keena o ke Komisina o na Aina Aupuni.
O na Kii Palapala Aina no na aina e hoolimalimaia aku ana, me na hoakaka no ia mea, ame ko ano o ka Hoolimalima laula, e ikeia no ma ke Keena o ke Komisina o na Aina Aupuni, Hale Kapitala, Honolulu, T. H.
No ka hoakaka laula, e ninau ae ma ke Keena o ke Komisina o na Aina Aupuni, Hale Kapitala, Honolulu, T. H.
C.T. Bailey,
Komisina o na Aina Aupuni.
Keena Aina, Honolulu, Augate 2, 1922.
6516--Aug. 10,24.
Teritore o Hawaii
Keena o ka Puuku, Honolulu, Oahu.
Ma ka hana e hoopau ana i ka
THE MAKAHA COFFEE COMPANY, LIMITED.
OIAI o ka THE COFFEE COMPANY, LIMITED, he hui ia i kukuluia a e ku ana malalo a ma ka mana o na kauawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia elike me ia i keiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka la 9 o Okatoba 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala nei i oleloia.
A. LEWIS, JR.,
Puuku, Teritore o Hawaii Honolulu, Iulai 26, 1922.
6516--Aug. 3, 10, 17, 24, 31; Sept. 7, 14, 21, 28; Oct. 5, 1922.
KUKALA HOLO MOHO.
Ke hoike nei au imua o ka poe mana koho baloka o Hawaii Hikina, Kalana a Teritore o Hawaii, e holo moho Lunamakaainana ana au, ma ka paa balota Repubalika, no ka hale lunamakaainana o keia Teritore mai ka apana koho lunamakaainana ekahi aku, no ka waeia, ma ke koho mua, ma ka mahina o Okatoba la 7, M. H. 1922.
Nolaila, ke nonoi nei me la haahaa, imua o ka poe mana koho baloka, mai na wahine ame na kane, mai ka Niumoe o Kalapana, a hoea aku i ka Wailelehune o Hiilawe, a maikai Waipio he alolua i na pali, a kiei aku ia oe e Waimanu, a pela pu hoi me oukou e na limahana o ke kalana, i nele i na hana i keia mau la, a nele pu me na makuahine, i ka pomaikai honua, a nele pu me na keiki, ka manaolana o Hawaii lahui; e noonoo akahele ame ke kaupaona pu i ko‘u inoa i moho na oukou no keia kau.
E lao pu ana he wa maikai no kakou e huipu ai ma keia mua koke iho, a e loho pono ai oukou, i na kumu ame na hana o keia pilikia o ke Kalana o Hawaii.
Owau no me ka oiaio,
WM. M. KEOLANUI,
6516--Aug. 10, 17, 24.
MA KE KAUOHA
TERITORE O HAWAII.
Keena o ka Puuku, Honolulu, Oahu
Ma ka hana e hoopau ana i ke hui pu ia me ia, elike me ia i koiia TONG YIP COMPANY, LIMITED.
OIAI, o ke TONG YIP COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hooai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Hope Puuku, Teritore o Hawaii.
Honolulu, Iune 20, 1922.
6509--Iune 22, 29; Iulai 6, 13, 20, 27, Augate 3, 10, 17, 24.
TERITORE O HAWAII.
Keena o ka Puuku, Honolulu, Oahu.
Ma ka hana e hopau ana i ka ISLAND COMMERCIAL COMPANY, LIMITED.
OIAI, o ka ISLAND COMMERCIAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala nei i oleloia maloko o keia keena mamua ae o ka la 28 o Augate 1922, a o kela ame keia mea e makemake ana e holoheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Puuku, Teritore o Hawaii.
Honolulu, Iune 20, 1922.
6509--Iune 22, 29; Iulai 6, 13, 20, 27, Augate 3, 10, 17, 24.
TERITORE O HAWAII.
Keena o ka Puuku, Honolulu, Oahu,
Ma ka hana e hoopau ana i ka PAAUILO AGRICULTURAL COMPANY, LIMITED.
OIAI, o ka PAAUILO AGRICULTURAL COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 9 o Okatoba 1922, a o kela ame keia mea e makemake ana e hoolohe a aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, in a he kumu kekahi, i wahi e ae ole ia aku ai ka palapala noi i oleloia.
A. LEWIS, JR.,
Puuku, Teritore o Hawaii
Honolulu, Iulai 26, 1922.
6515--Aug. 3, 10, 17, 24, 31; Sept. 7, 14, 21, 28; Oct. 5, 1922.
Mau Apana Aina Kuai
$300-Lot 50x100, Kapahulu, $20 down, $10 per month.
$500-Lot 50x100, Ocean View, corner Maunaloa ana 19th Ave. $20 down $10 per month.
$650-Lot 50x150, 19th. Ave., near Mauna Loa. $25 down, $15 per month.
$525- Lot 54x160, 7950 sq. ft. 13th. Ave., near @. Two blocks from Kaimuki Theatre. Marine view. $20 down, $10 per month.
$850-Lot 45x84, near Waikiki, end of drainage canal improvements. Lot is cleared, on curbed and macadamized street. $40 down, $15 per month.
PAULO KALAUKA
(P. E. R. STRAUCH)
Alanui Moi, Helu 74, Mawaena o na Alanui Papu ame Betela.
T. O. MURATA FURNITURE STORE
(Na noho hoolimalima me lako pa maanei.)
Na Lako Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T. H. Kelepona 1695.
CITY MILL CO.
KEKAHI O NA HUI KAHIKO LOA MA HONOLULU NEI.
Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.
Kukulu makou i na hale ma ka uku liilii ana, me na hookaa liilii.
O KA OI LOA AKU NO KA POE HOOKUONOONO.
MAI POINA---Hele Mai Ia Makou
Kihi o na Alanui Moiwahine me Kekaulike. Honolulu, T. H.
Honolulu Planing Mill,
LIMITED.
POE HANA I NA PUKA LAAU ANIANI, LAAU HELE, OLEPELEPE, MOLINA, WAHI KAU.
ALANUI PAPU, ESPLANADE
KA VICTROLA
-Ka Meakani Mele Kilakila -he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.
NA PIANO PAANI
NA ROLA PAANI
NA PEPA MELA HOU
NA PILA AHA
âme na mea apau pili i na mele.
Bergstrom Music Co.
1020 Alanui Papu Honolulu
Keena Hawaii
No Na
Lako Hana Mahiko
Hapuku Kila Oliver.
Chilled âme na Palau
Na Katapila Cleveland
Na Katapila Fordson
Na Kaa Kalaka White
Na Kaa Kalaka Federal
Na Kaa Kalaka Ford
Na Hana Pili Amala
HANA I NA KINO O NA KAA UKANA ME KALAKA ME KA HANA HOU ANA
Schuman
Carriage Co., Ltd.
Na Paionia o na Hana Halihali o Hawaii nei
HALE UWI WAIU
O
MAPULEHU
PUKOO, MOLOKAI
E Hooholo Ana i ka MOKUKUNA GESOLINA
LELEIONA
mawaena o na Awa o Honolulu me Molokai
Geo. P. Cooke,
ONA.
Poe Lawe Hau me Waiu
He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?
E HAAWI MAI NA‘U E KUAI HOOLILO NOU.
He nui ka poo i haawi mai i ka lakou, kauoha ia‘u he no ka makemake i home no lakou, a eia lakou ke kali nei.
FRED K. MAKINO
Kelepona 3052.
Keena Pa‘i o ka Hawaii Hoehi
Alanui Moiwahine.
Mawaena o na Alanui Kaahumanu ame Nuuanu.
Kakela & Kuke
(KAUPALENAIA)
Poe Kalepa ma ke Komisina
A HE
Poe Agena no na Mahiko Lehulehu
PAPA NA LAKO KUKULU HALE
No ka hoahu ana i kou wai ma na Pahu Wai papa Ulaula o 5000 a 10000 Galani.
E hoolakoia aku no na kumukuai ame na hoakaka ia oe ke noi mai.
ALLEN & ROBINSON, LTD.
HONOLULU, T. H.
Nupepa Kuokoa
No ka makahiki (one year)…. $ 3. 50
O na Dala âme na Hoolaha apau e hoouna pololei mai i ka ADVERTISER PUBLISHIN CO., LTE. wale no, P. O. Box 3110, Honolulu, T. H.
217 Alanui Moi, ma Waikiki o ke Alanui Alakea; ka Nupepa Advertiser.
Entered at the Post Office at Honolulu, T. H., as Second Classs Matter.
SOLOMON HANOHANO, Luna hooponopono.
CHARLES S. CRANE, Luna Nui.