Ka Nupepa Kuokoa, Volume LXI, Number 34, 24 August 1922 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo Walohia

Ko Vekinia Waiwai Hooilina

Hoopuhiliia na Hana a ka Mea Manao Ino---Kau i ke Aki i ka Manawa Hope

            "Ua pau ae la ka'u mea i makemake ai e kamailio aku ia oe, nolaila ea, e oluolu oe e ku ae a hoi aku i kou wahi, ua lohe au i kau mau mea apau i makemake ai e kamailio mai, aka, i hai aku au ia oe, ua lilo kau mau olelo apau i mea hoopoino mai i kuu ola ame kuu mau manaolana apau," a hooki iho la o Vekinia me ka helelei ana iho o na waimaka.

            Aneane e haalele mai kona ikaika, no ia kumu oia i makemake ai e noho hookahi iho no ka mea, aole hiki laia ke hoomanawanui hou iho i ka ehaeha, a aole no hoi on a makemake i kekahi mea e noho a e ike i kona hoonana ana i kona mau manao kaumaha apau.

            O kana mau huaolelo hope loa i kipaku okoa aku ai ia Mrs. Fanamu, ua like ka awahia i ka lede aoo me kekahi mea mulea loa, aohe kanalua ana iho no ia ehaeha on a, no ka mea, o ka oiaio apau ka Vekinia o ka hoike ana aku iaia, oiai nae kana mau olelo hoomakaukau ia Vekinia mamuli o kona noonoo aku no ka pono o ka ohana e noho mai la ma Hitadela i kumu e hoowalania loa ia iho ai kona naau he hoopa'i ku i ka hilahila ke kauia mai.ana maluna on a, in a nei no ko Vekinia lanakila a ahuwale ae keia mau hana ino loa a laua me ka Lede Linetona.

            Aohe ana holohe hou ana iho, no ka mea ua like me ke kipaku maoli aku iaia ka Vekinia mau huaolelo o ka pane ana mai; o kona ku ae la no ia me ke ano hoka a lohaloha a i mai nae:

            "He oiaio ua hoopoino io aku au i kou ola ana, aka nae ke mano nei no au aohe no he mea e ae e mahalo ana o oe iho no, no kou haawi wale ana mai no i kou mau pepeiao e hoolohe i na olelo a kekahi kanaka opio i malihini loa ia oe."

            O kona oili aku la no ia iwaho mai ka rumi aku me ke koikoi o na kaina wawae ame kona poo hoi e kau ana iluna, a ia Vekinia hoi i hina iho ai iluna o ka papahele, me he mea la i kana nana iho iaia ia manawa, he mea kaumaha kekahi i kauia mai maluna on a, a o kona ola ame kona manaolana ua aneane loa o auhee mai iaia aku.

Mokuna XVII. - Ke Kulu Hope Iloko o ke Kiaha Awahia

            I ke komo ana aku a Mrs. Fanamu iloko o kona rumi, a noho iho la iluna o ka noho, hoopuka ae la oia i keia mau huaolelo:

            "Ua oi aku ke koa ame ka maka'u ole o kela kaikamahine mamua o ka'u mea i manao wale ai. Ina e hooko i'o aku ana @ i kana olelo a e hele io aku ana e kii i kela mau hoike ana @ hoakaka mai nei, a me ia mau hoike oia e hele aku ai i ka @adela a koi aku i kona kuleana ma ke ano he wahinemare @ na Sa Wiliama, e lilo ana na hana apau i hoolalaia ai no ka hoohoka ana iaia ma na ano apau, i mea hoopuhiliia. Eia nae, @ keia manawa ahoe mea e hiki ana iaia ke hana aku; e hele @ ua aku ana oia ma kekahi huakai loihi, a oiai oia ma kahi @ a iloko o ia manawa, e noonoo a i ole e hana mai ana o Miriama ma kekahi ano i kekahi mea e alalai mai ai i ka holopono @ kana mau mea apau i kamailio mai nei ia'u.

            Aohe kanalua iloko o'u e kakau hou aku ana kela wahine ia Sa Wiliama me ka hoakaka aku iaia i na mea apau i hanaia aku nei nona, a me he mea la e hoakaka pu aku ana oia he lanaka hiki ole o Sa Wiliama ke hilinaiia, a o na olelo apau @ i kamailio aku nei iaia e pili ana no ko Sa Wiliama mare ana, e hoike pu aku ana oia iaia ia mau mea, heaha la hoi aua@, iaia aku paha ia i kona hoike aku, aka, aia no o Miriama ma kela aoao mai kahi i noho ai me ka makaala, i ka manawa e hoea aku ai o kana leka, e loaa mua aku ana ia Miriama, a e @au mua mai ana i ka heluheluia mamua o ka loaa ana ia Sa Wiliama, a i ka wa e ike iho ai kahi wahine opio i ka loaa ole @ai o ka Sa Wiliama pane, e hoopau ia ana kona manaolana @ ka maliu hou mai o Sa Wiliama iaia, a o ka pau ana no hoi ia o ko makou hoopilikia hou ia ana mai eia, no kekahi manawa.

            "A malia iloko o kela manawa loihi loa ana e hele ai e hookomo mai ana o Sa Wiliama i kekahi hoopii okimare, a in a no ka holopono nei o ia hana ana, o ka loaaa hou ana no ia o ka manaolana ia Sede no ka lilo o Sa Wiliama iaia, no ka mea ua malaelae ae la ke alahele nona.

            "O, laki maoli, in a e hookoia ana ia mea!" wahi ana la@a iho, @i laki loa nae hoi no ko Wile Hita mare ana me Maggie ma kekahi manawa kupono loa elike iho la me keia. Oia no paha ka mea i hana koke ia ai ia hana, i lilo ia i mea hoopunipuni i ka noonoo o Vekinia, oiai nae, he hopohopo nui ko'u no kona lohe mua mai no kekahi mea e pili ana ia mare o Wile ma mai kekahi mea mai mamua, eia nae ia'u i hoopapa aku ai au ike aku la au aole oia i mahui iki, no ka mea, in a oia i lohe mua, in a ua hoole mai oia i ka oiaio o ka'u mau mea apau e hoakaka aku ana iaia. Owai auanei kona mea nana e hoike mai?"

            O ka mea oiaio, e pili ana i ka nuhou a Mrs. Fanamu o ka hoakaka ana ae ia Vekinia, a i loaa mai ai hoi iaia mai ka Lede Linetona mai, he nuhou hoi i hoolalaia me ke akamai loa i mea e hookaawaleia ai o Vekinia mai ke Sa Wiliama mai oia keia malalo nei:

            He hoahanau hanauna ko Sa Wiliama Hita i like loa ka inoa me kona, aka nae aohe inoa alii maluna ona. He ekolu on a mau makahiki oi aku mamua o ko Sa Wiliama, a ua kapaia kona inoa mamuli o kona makuakane hanauna, me keia manao @ lilo oia i hooilina no ka waiwai in a nei, no ka loaa ole o kekahi keikikane na ke Sa Wiliama makua.

            Eia nae, i ka hanauia ana mai o Sa Wiliama opio ua nele ka hoahanau Wile Hita i ke kuleana e lilo ai i hooilina waiwai no Sa Wiliama Makua.

            Mai ka wa kamalii mai ka pili mau ana aku o Wile Hita, ka hoahanau o Sa Wiliama, me kekahi kaikamahine, o Makaleka Sanahope ka inoa, he kaikamahine na kekahi o ka poe e noho kokoke mai ana ma ka hale kahi a Wile e noho ana, a ua lilo no hoi ia kaikamahine i hoapaani no Wile Hita, a ua hoopalauia laua no kekahi mau makahiki lehulehu, a ia kaikamahine i mare aku ai o Wile Hita, elike me ka moolelo a Mrs. Fanamu o ka hoakaka ana ae ia Vekinia.

            A oiai he keikikane oia na ka hoahanau muli loa o Sa Wiliama makua, ua hooikaika kino oia ma kekahi ano no kona hoonaauaoia ana a no ka loaa hoi o kekahi kulana hana kiekie iloko o kona ola ana, a he mau mahina kakaikahi wale no mamua aku o ko Sa Wiliama hoi hou ana aku i Pelekane i loaa ai kekahi kulana hana nana ma ke ano he kakauolelo na kekahi o na kaukaualii o Pelekane, a no ia loaa ana o kana hana i loaa ai iaia ka manao e mare aku me ka wahine ana i hoopalau ai, oia hoi o Makaleka Sanahope, a kukulu ae la i home kaawale @ laua e noho ai.

            Ua hoomaopopoia o ka la 28 o Iune ko laua la e mareia ai, aka mamuli o ka loaa hikiwawe loa ana o ka Lede Hita i ka ma'i lolo, a ua loaa hoi i ka ohana ka hopohopo no kona ola hou ae, ua hoopaneeia ko laua la e mare ai. Aka nae, i ka manawa i ikeia ai ko Mrs. Hita maikai hou ana ae, a waihoia aku la no hoi imua ona ka ninau e pili ana i ko Wile Hita ma mareia, a oiai he mea nui no hoi o Wile Hita ame kana wahine hoopalau i ka luahine ma'i, ua hooholo kokeia iho la e hoohui koke ia laua ma ka mare.

            Mamuli o ia hooholoia ana ua hoohuiia o Wile Hita me Makaleka maloko o ka halepule ma ka Hitadela, a na Sa Wiliama, i mare ai ia Vekinia, i haawi aku i ka wahine e mare ana, oia hoi o Makaleka Sanahope, ia Wile Hita, oiai ua make kona makuakane, ka mea kupono nana e haawi aku i kana kaikamahine i ke kane e mare aku ai.

            Nolaila, e ike iho ana no oe, e ka makamaka heluhelu, i ka hiohiona ano oiaio no aneane ma na mea apau a Mrs. Linetona, ke aikane a Mrs. Fanamu, i kakau mai ai maloko o kana leka, e hiki ai no i kekahi ke manao iho he mau mea oiaio loa ia i kakauia mai ai; in a paha i mahui mua o Vekinia he hoahanau no ko Sa Wiliama ma ia inoa, in a la paha aole e hiki iki ana iaia ke manaoio iho i ka Mrs. Fanamu mau mea apau o ke apuhi ana aku iaia.

            No ia kumu aole i maopopo loa iaia (Mrs. Linetona) ka holopono o kana hana i hoolala ai, no kona hopohopo malia, ua hoike mua paha o Sa Wiliama ia Vekinia he hoahanau kona ma ia inoa like; no ia kumu no oia i kakau mai ai ma ke ano e lilo ai i mea hoopilikia ole mai ia Vekina, in a nei no ka holopono ole o kana hana i hoolala ai.

            Ina aole i loaa mua ka lohe ia ekinia he hoanhanau e aku no k oSa Wiliama ma ia inoa like me kona, alaila e loaa koke ana ka ike ia Vekinia o kana kane io no ka i mare hou i ka wahine, a e lilo ana hoi ka mea oiaio e pili ana i ka hoopalauia ana o laua no ka manawa loihi i mea oiaio, a e ike iho ai o Vekinia ua apuhiia oia e Sa Wiliama, a e loaa iho ana ka manao ia Vekinia o kona mareia ana me Sa Wiliama, he mare ia ma ke ano epa o ke ano hoopunipuni ino loa. Owai hoi ka mea puni ole in a me keia iho la ka hiohiona o na mea i kakauia mai maloko o ka leka.

            I ka maopopo ana ia Mrs. Fanamu aia ka palapala mare o Vekinia ma ia Sa Wiliama, ua make hoi o Mr. Abota, ka makuakane o Vikinia, a o na hoike e ae elua he mau mea naaupo a e loaa aku ana paha laua ke huli aku o Vekinia a aole paha koe ke ka hunapule in a he manao ikaika ko Vekinia e hele aku e huli ia mau hoike on a, ua loaa ka manao ia Mrs. Fanamu he hana paakiki loa na Vekinia ka hoakoakoa ana mai i ka poe na lakou e hooiaio mai i kana koi no ko laua mareia ana malalo o ke kanawai.

            Ua maopopo iaia he nui ana ka Vekinia poe e lawe ana i mau hoike, oia ka poe i ike i ko laua hele pu me Sa Wiliama a i noho pu hoi no kekahi mau mahina lehulehu malalo o ka inoa Mr. ame Mrs. Hita, aka nae, e hiki ana anei ia poe ke hooiaio mai ua mareia laua, no laila aole oia i manao e lilo ana ka lakou mau oleloike i mea waiwai. Aole ia o ka manawa mua loa i ikeia mai ai ka hele pu o kekahi kanaka opio me kekahi wahine opio, no ka mea ua lehulehu na manawa mamua aku i ikeia aku ai ka hele pu ana o na kanaka opio ame na wahine opio i kuleana ole kakhi na kekahi malalo o ke kanawai ma na wahi like ole.

            O ka manao nui o ka makemake hoi o ka Lede Linetona oia no ka hoao ana e hookaawaleia o Vekinia mai ia Sa Wiliama mai no kekahi manawa loihi a e lilo ai hoi ia kaawale ana o laua i kumu e okiia ai laua, a i ka manawa e moku ai oia ka manawa e hookuikahi ia ai na manao o Sa Wiliama me Sede Fanamu a hoomareia ae laua, a a ia manawa e lilo ai o Sede Fanamu i hakuwahine no ka Hale Hitadela, eia nae o nei mau moeuhane palaualelo apau aole i hookoia, a ua lilo hoi ka mea i imihala a i hoinoia i on a a i hakuahine no ka Hitadela i ka manawa hope.

            I ka loaa ana o keia mau ike apau ia Mrs. Fanamu, kakau koke iho la oia i kekahi leka na ka Lede Linetona, e hoakaka aku ana iaia i na mea apau ana o ka lohe ana mai ia Vekinia aku, a ia Vekinia no hoi i loaa ae ai ka ikaika kupono iaia, kakau iho la no oia i kekahi leka loihi na ke kane, e hoakaka aku ana iaia i na mea apau a Mrs. Fanamu i kamailio aku ai iaia, eia nae, ua hoea pololei aku ka Mrs. Fanamu leka ia Mrs. Linetona, ke kaikuahine o Sa Wiliama, a no ka Vekinia leka ua loaa mua ia Mrs. Linetona, a ua pau i ka heluheluia eia apau i ka haehaeia a kiolaia aku iloko o ke ahi, nolaila, e ike iho ana oe, e ka makamaka heluhelu, aohe mea a Sa Wiliama i ike no ke ano o ko Vekinia noho ana ame na ano hana apuhi a hoopilikia e noho aku ana ma Amerika.

            Maloko o ka Vekinia leka o ke kakau ana ua hoakaka aku oia i ka loaa ole mai o kekahi leka iaia mai iaia (Sa Wiliama) mai, elike me ia i na pule lehulehu aku i hala, me he mea la aole oia i kakau iki aku i kekahi leka nana mamua - ua nui kona haohao no ka loaa ole mai o kekahi leka mai iaia mai no kekahi mau mahina loihi - ua kakali oia me ka manaolana e loaa mai ana kekahi leka mai iaia mai ahiki i kona manaka a hoopau okoa ana i kona manao ana aku e loaa mai ana kekahi leka mai iaia mai, a ku a ma'ii maoli oia no kona kakau ole mai i leka e hoakaka mai ana i kona manao nona ame ka laua bebe.

            Ua hoakaka pu aku oia maloko o kana leka no kona halawai ana me na lede Fanamu, a pela hoi me ka moolelo ku i ka hoonaukiuki iaia mai ka Lede Fanamu mai. Ua noi aku oia ma ia leka no kekahi mau hoakaka ma iia Sa Wiliama mai e hoole mai ana i ka oiaio o na mea apau a Mrs. Fanamu o ke kamailio ana mai iaia, a o kana mau mea apau e hoakaka mai ai oia kana e manaoio aku ai, a pela hoi e hoomahuahuaia aku ai kona hoomanawanui ahiki i ka loaa ana o ka manawa kupono iaia e holo mai ai e kii ia laua.

            Aka in a he oiaio ka moolelo ana o ka lohe ana mai ia Mrs. Fanamu mai ,a in a ua hoopunipuniia oia mai kinohi mai o ko laua hoohuiia ana ae ma ka mare, a ua hoopunipuni maoli ia ola ame kona makuakane ma o ka manaoio ana aku e hoolilo maoli mai ana oia iaia i wahinemare oiaio nana, oiai nae ma ka mea oiaio he hana apuhi a pahele wale mai no ia i ko laua mau noonoo, e pono oia e hoakaka mai, a ma ia hope aku e hoopau loa aku ana oia i kona noonoo hou ana aku iaia he kane nana a pela hoi oia iaia, a o ka pau ana no hoi ia o kona hooluhua hou ana aku iaia.

            I ka paa ana o kana leka hele aku la oia i ka haleleka no ka hookomo ponoi ana aku i kana leka, i mea e maopopo ai iaia e laweia aku ana ia leka ma ka mokuahi mua loa e haalele mai ana ia Nu Ioka, alaila hoao oia e kula iaia iho e kakali hoomanawanui o ka loaa mai o ka pane no ia leka.

            Elua la ma ia hope mai ua hoopahaohaoia oia i kona ike ana aku i ka loli anoe o ka poe e noho pu ana me ia maloko o ia hokele; o kela ano ohaoha a hoihoi o lakou ke ike mai iaia aohe ia mau ano i kana ike aku, ke ike mai ia poe iaia huli aku la na maka i kahi e a he ano hoowahawaha ko lakou iaia i kona ike aku. O na lede keia i kamaaina no hoi iaia mamua aku, ia lakou e kaalo ae ai mamua on a ahoe wahi mea a ike wale mai a haawi mai la hoi i ke aloha, a oki loa aku hoi kahi kupakako, o ka nanakee mai la kana mea e ike aku ana, a no ia mau ano kupanaha ana e ike aku ana ua lilo ia i mea nona e hoehaeha nui ia ai me ka pii ae la o ka ula ma kona mau papalina, a ninau wale iho la no iaia iho no ke kumu o ko lakou paweo ana iaia.

(Aole i pau)

Na Luna Nui O Ka Ekalesia Kula Sabati, Ame C. E. Sr. O Keanae Maui,

            Mr. Lunahooponopono; Aloha nui: E oluolu oe e hookomo iho i ke poomanao e kau ae la maluna, ma kahi kaawale o ka kaua hiwahiwa.

            Na lunanui o ka ekalesia no keia nee ana aku: Mrs. John Plunkett; puuku; Mr. James K. Hueu, kakauolelo; Mrs. John Plunkett, alakai himeni.

            No ke Kula Sabati: Mrs. Akawai Napihaa, Kahu Kula Sabati; Mrs. John Pahia, hope; Mrs. John Plunkett, puuku; Mr. James K. Hueu, kakauolelo; Mrs. John P. Plunkett, alakai himeni; Rev. S. K. Kaailua, Mr. John Plunkett, ame Mr. Enos Kahakauila, na hoakuka.

            No ke C. E. Sr: Mrs. Joseph Kalohelani, paresidena; Mrs. John Plunkett, hope, Mrs. John Plunkett, puuku; Mr. James K. Hueu, kakauolelo; Mrs. John Plunkett, alakai himeni; Rev. S. K. Kaailua, Mr. John Plunkett, ame Mr. Enos Kahakauila, na hoakuka; Mr. Enos Kahakauila, ame Mrs. Akawai Napihaa; na komite kiai; komite halawai; ame komite haipule; Rev. S. K. Kaailua, ke komite o ka poe pilikia ame komite ola.

            O na lunanui âme na lala o keia C. E. Sr., no na komite hookipa.

            Me ka mahalo a nui ia oe e Mr. Lunahooponopono.

James K. Hueu,

Kakauolelo Ekalesia, Kula Sabati ame C. E. Sr.

            Keanae, Maui, Aug. 6, 1922.

No Norman Lyman Wale No Ka Baloka o East Hawaii

            Mr. Sonomon Hanohano; Lunahooponopono, o ke kuekoa; Welina kaua: I kakau ae la au i kela poomanao maluna ae mamuli o kuu ike ana, iho i na manao pepa o na nupepa namu o kakou a pela no hoi ma na pipa alanui.

            Ka! Kupanaha no hoi, alaila ua maopopo wale i na nupepa ialoko o na kanaka apau o East Hawaii no Lyman wale no ka baloka. Ua hapa mai kona ikaika i keia kau, elike me ka wa i hala.

            Eia no iloko o ka waha a na kanaka ka lakou namu, o John Wise ka elele. Oia no hoi ka'u moho elele o John wale no ke kanaka e hiki ai ke hana i ka pono o Hawaii. He kanaka wiweole ma ka paio ana ua ikeia me Wakinekona. Owai o lakou nei ka poe i hoea mua a haiolelo iluna o ka papahele o ka hale keokeo, (White House)! O Johne Wise@

            He põe kanaka naauao ale no eia põe Hawaii e holo nei, aka ua lawa ole ko lakou ikaika hana.

            I Hilo iho nei o C. King e haha i na manao o na mana koho baloka, e pili ana i kona ikaika, ke hai e aku nei no nae nu he baloka poho ke koho ia oe.

            Pehea la, ua leaa iho nei paha ke kauwahi baloka o ka papa himeni o Hawaii, Kalihi ka best hawaii ka number two!

            Hoea mai la kuu Uncle mai Kau mai, a olelo mai la kela ia'u, i ka ikaika o John Wise ma ia apana. He mahalo ka'u malaila no kana mau olelo.

            Nana aku nae kakou iamua. Koho ia John Wise i elele, ke ike o aku nei no kakou o Hiihau no John o Lanai no John, o Maui no John, Molokai ame Oahu apuni.

            Me ke aloha no ia oe, e Mr. Lunahooponopono me na keiki pa'i.

            Owau iho no,

M. Waiakea,

            Hilo, Hawaii.

He Mahalo Nui No Senatoa King

            Mr. Lunahooponopono o ka Nupepa Kuokoa:-E oluolu oe e hookomo iho i keia mau wahi meahou mailoko mai o ka Nupepa Advertiser o ka la 6 o Augate iho nei:

            Ua ike iho la au i ka hoolaha a kekahi o na haole kupa o Hawaii nei, ua hoike ae ola i kona mau manao e mahalo ana ia Senatoa C. E. King, wahi ana: He kanaka akamai oia i ka haku ana i na himeni Hawaii a na ia kalena i loaa iaia i hookaulana aku i kona inoa ma na aina o Amerika ame kekahi mau wahi e aku, a i hoohanohano aku ai no hoi ia Hawaii nei; ua lohe na mea apau i kana mau leomele i haku ai, mai ka poe haahaa a ka poe kiekie, a i hookaniia aku no hoi kana mau mele iloko o na hokele nui o na aina e.

            Ke makemake nei au e hoike ho@ aku i na hana a Senatoa Kale Kini, i kona hooikaika nui ana i na hana e hoonaauao ana i na opio, ua haawi aku oia i kona manawalea ana me kana dala ponoi, no ke ake nui @ loaa ka naauao i na keiki Hawaii a kekahi poe e aku, aole o ia wale no, ua kukulu aku oia i na ahahui hoahu dala, no ka pomaikai o na opio o keia Teritore, a he nui wale aku kana mau hana kokua i na Hawaii ilihune o keia paeaina.

            He kanaka no hoi oia e hoopuka ana i na huaolelo maikai, me ka loaa o na manao hoihoi i ka poe e hoolohe mai ana, aole no hoi oia he kanaka i komo aku iloko o na hana ekaeka a pakaha wale aku i ko ha'i waiwai, in a o@a e hoike mai ana i kona manao ia oe, e hooko ana no oia elike me kana mea i kamailio ai.

            Ua ike no kakou i kona wa i holo Senatoa iho nei, ua loaa iaia ka heluna balota kiekie loa, iwaena o na senatoa apau i holo pu ai me ia, a ua loaa aku iaia ka hanohano no eha makahiki iloko o ka hale senata.

            Ua hoike pu ae no hoi ka Nupepa Advertiser o ka la 31 o Maraki iho nei i ko lakou mahalo ia Senatoa Kale Kini, ma ke ano he kulana keonimana kana mau hana, aole oia i heiao wale aku i kona poe e holo pu ana, iloko o na hana pili kalaiaina, nolaila, he mea maikai ia kakou ke kakoo ana aku i na kanaka puuwai hamama a naauao elike me kona ano, i elele no Hawaii nei, no ka holo ana aku i Wakinekona no ka pono ame ka pomaikai o ka lahui o keia Teritore.

            O keia ae la na manao a keia haole i hoike ae ai iloko o ka nupepa haole, e kok@a ana oia ia Senatoa Kale Kini a ua manao wale ia e kokua pu ana na haole kalopa o ke Teritore o Hawaii nei iaia, no ka wae moho ame ke kau koho nui.

Mea Huli Meahou.

            Honolulu, Augate 15, 1922.

Olelo Hoolaka

            E malamaia ana ka halawai makahiki o ka Hui Kuai Aina o Haena, Halalea, Kauai, ma ka Hall o Haena, ke hiki aku i ka la 1 o Sepatemaba, 1922, hora 10 a.m.

            Ma keia ke kauohaia aku nei na lala apau @ ka hui i h@ikeia maluna, e hiki kino ae ma kahi i kauohaia.

            Kou oiaio,

WM. H. Rice

            Peresidena Hui Kuai Aina o Haena.

            Lihue, Kanai, Aug. 1, 1922. 6516-Aug. 10, 17, 24.

 

Kopa Moi Keokeo No Ka Mikini Holoi

 

He Kopa maikai loa i hiki ke hoohanaia

no na ano hana apau i pili i ka home.

Hiki ke holoi i na lole nahenahe loa me

ka pilikia ole. O kona oi loa aku o ka

maikai no na mikini holoi-No ka holoi

i na pu âme holoi hale.

 

Kuai i Puolo Mai Kou Halekuai Meaai Mai

 

T. H. Davies & Co., Ltd.

 

Na Akena Wale no no ka Paeaina Hawaii

 

E Ninau no ke Kope Kamehameha o Kona

 

O ke Kope Kamehameha o ke Kope kahiko ia o Kona, i lilo i mea aunahele i na Hawaii no na makahiki lehulehu, ke loaa ia lakou. Ua hiki ke kuaiia i keia wa mai kou halekuai meaai ponoi mai. E nana no ka hoailona lenalena. Ua hookomola ma na puolo o 1-paona ame ke kini o 5-paona.

 

American Factors, Limited.

 

O ke Kanaka Kuai i na Lako Hana maikai ua Lanakila e no Oia i ka Hapa o ka Hakaka

 

Aole hiki ia oe ke lawalawa i na hana maikai me na meahana inoino. O ke kanaka e hoao ana e hana me na meahana inoino, a hoea mai ana i kona wa e kiola ai, a kuai i na mea kupono, in a he noonoo oia. Aka nae ua poho wale ka manawa ame ke dala ma ka haa ana pela. Ke kuai nei o Lwers & Cooke, Ltd., i na lako hana maikai wale no.

 

Ke Malama Nei Makou He Ahua Piha Pono Laula O Na

Lako Mahiai Ame Na Lako Kukulu Hale

 

He Makemake Paha Kou i

Ko'i, Kipikua, Kopala, Ho, Hamare, Pahiolo, Ko'i Liilii, Na Lako Kamana Piha Pono. Hoana Hookala, Pakeke.

 

Papa o Kela âme Keia Ano, na Lako Hao, Pena, Aniani

 

Kakau mai a i ola kipa mai no na hoakaka. E hookola no na kauoha apau ma ka leka me ke akahele ame ka hikiwawe ioa.

 

Lewers & Cooke, Limited

Honolulu

 

Na I'o Pipi Momona Waeia Mai na Aina Hanai

Pipi Like Ole Mai o Hawaii Nei

O eia i'o pipi momona, ka papa maikai hookahi ma ka makeke, a ke kuai hoolilo nei makou, ma ke kumukuai haahaa, me ka hoopono maoli.

Eia keia mau kumukuai malalo loa iho o ko na makeke e ae, a hui pu iho me na kulana maemae e hoohanaia nei e makou ma ka lawelawe ame ka hoahu ana i na i'o pipi, he mea pono e lilo ko makou makeke i makeke nou.

Pipi Ku Mokupuni - 15c o ka lb.

Kulana Aoao o ka Pipi - 15c o ka lb.

Ku'eku'e Pipi - 12 1/2 c o ka lb.

Pipi Palai Iwi Hoehoe - 15c o ka lb.

Pipi Palai Uha - 15c o ka lb.

Kulana Aoao Koala - 15 1/2c o ka lb.

I'o Hipa Ku - 10c o ka lb.

I'o Umauma o ka Hipa - 10c o ka lb.

I'o Hoehoe Palupalu - 12 1/2c o ka lb.

Waiubaka Maile - 50c o ka lb.

 

Metropolitan Meat Market

E ninau no Lui; he oluolu na kuka'i ana ma ka kaua olelo makuahine

Hele mai, mai hilahila!