Ka Nupepa Kuokoa, Volume LXI, Number 34, 24 August 1922 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

Makalei, ka Laau Pii Ona a ka I’a o Moaula-Nui-Akea i Kaulana

 

 

(Hoomauia mai kela pule mai)

 

            Oiai o Nihiole e holo nei a ua ane mamao no mai kahi ana i ku ai e peahi, huli hou mai la oia, e nana ihope,i ke kulana nalu ana i ike ni i nei keiki heenalu, ike mai la oia i ka puaiki o ua poe keiki la i ka ehu a ke kai; aole i liolio iho,ua nalo aku la mai ka ike aku a kona @ maka. aole nae ia he mea e hoomao ia ae ai o ke kua ua o ka maka’u e haluku nei i kona nui kino, i hele a kuku na hulu mahamaha i ke anu aohe he i ae e-he.

            Mea ole ke kula o Alele,

            I ka pekipeki wawae ia.

            Iaia e hoomau nei i ka holo ike aku la oia i ke ku mai o na hale mamua aku ona, hoopau iho la oia i kona holo ana, a noho iho la e hoomaha i ka naenae o ia loa ana i kukini mai ai, a mao ae la kela kuaua o Eleele Hilo, e.  Panopano i ka maka’u.

            Iaia e hoomaha nei, ke nalu la oloko ona me ka i ana iho, “kei no hoi kuu hoopunipuni ana i kuu hoa, i ole hoi au e hele ma kahi kokoke i kela uka meha anoano a i-i. hauna lahea, a ua ko hoi ia manao ana o’u pela, eia ka hoi e halawai hou ana no au me ke ikua he enalu o ke awakea, ua kali wale paha keia ai meaino o ko’u oili mai loaaa ka puu a ko’u maka e nana aku ai o lakou, ka hana no hoi a ke akua muilili la pupule ka hoi ka maka’u.”

            Laia no e nalu ana iloko ona i keia mau olelo, ike aku la oia i keia kanaka e hele mai ana i kahi mamau ma kahi no ana i holo mai ai, mamuli o ka pololeo loa o ke ala hele o keia mea ana e nana nei ma kahi no ana i holo mai ai, manao ae la oia o na hanahu’a nei no paha keia e uhai mai ana no iaia, nolaila, makaukau ae la oia nona iho a ku ae la iluna, ia wa oia i ike aku ai i ke ani peahi ana mai o ka lima o ke kanaka ana e manao nei o puhipuhi no no kaua o Kawai koe’ko’e, nolaila noho hou iho la oia ilalo me ka noonoo iloko na o Nuhi paha keia e hoi mai nei.

            I ke kokoke ana mai, ike aku la oia o kona kokoolua kukini no ka o ka uka iuiu o Makawao a hoea i kai o Waimanalo.

            A hui laua nononoho iho la, ninau koke aku la no o Nihiole, “pehea kou aoao i hele aku nei e kala i ka olelo kauoha a ke Konohiki alii a kaua.

            “Heaha anei hoi, he nui paha ka hauoli o na hoa aina o ke alii a kaua i ka lohe ana aku nei ia’u, mai uk @ a kai o ko’u aoao i hele aku nei, hookahi no a lakou olelo, i hakalia i ku ui po a ao hiki ae lakou.”

            “Ua like no me kou aoao ke ohohia o na hoaaina o ke Konohiki a kaua.” wahi a Nihiole .

            “Maiuka no hoi a kai o ko’u aoao o ka huaolelo hookahi no ia. Ia’u nae i hiki ai i kahakai ike aku nei au i keia mau keiki ekolu e auau kai ana me na papa heenalu he mamao no mai a’u aku. Kahea aku nei au me ka peahi pu aku ia lakou e hoi mai iuka, o ka wa nae ia o ua poe keiki nei i kuku like ae ai iluna o na papaheenalu akaaka mai la i na lima me ka lele ana iho iloko o ke kai a au aku la iwayho o kahi a ka nalu e po’i mai ana; ia lakou i hiki ai ilaila ike aku la au i ke ku ana mai a ka nalu, a mamua o ke po’i ana ua hoomoe mai la ua poe keiki nei i ko lakou mau papa.

            “I ka wa i pae ai i ka nalu ua ku like ae la lakou iluna, o ka mea apiki aole holo mai o ko lakou papa no uka nei o kahi a’u e ku ana, aia ka ihu o ko lakou mau paopa e holo la no ka lae Makapuu, ike iho la au aole ka keia he poe keiki kanaka a’u i kahea ai, haupu koke ae la au me ka okakala o ko’u kino apuni i ka maka’u o ke akua noho pololi paha kela o ka lae o Moeau, o ko’u huli mai la no ia holo no ke kula nei o Alele, a na kela holo na kela mau hale e kuku mai la i hoomao ae i ko’u maka’u, a noho iho la maanei e hoomaha ai i ka naenae a hoea mai la oe.”

            Anoe no ka hoi ke akoa heenalu o ke awakea, wahi a Nuhi, Anoai no hoi paha he alawa maka nou, maka’u honua nae oe.

            I ko loaa pono ole iho hoi paha e loloa ai ou mau wawae i ke kikoo. wahi a Nihiole; e hakahaka ai on mau puka ihu i ka maka’u ai aku no nae he wa e loaa pono ai oe.

            Heaha auanei ka waiwai o ia mea he maka’u. nolaila e hoi kana a kipa kauhale aku, ke pololi mai la kaha opu.

            Hoi aku la laua a kipa kauhale, paina a maona, no ke alo o ke Konohiki ka pahu hopu.

            Ia laua i hiki aku ai i ke alo o Ahiki ninau mai la ke Konohiki.

            Pehea ka olua huakai? Olelo aku la o Nuhi, “ ua hele aku nei no hoi maua e hooko i kou leo, oi ala no hoi ma keia aoao o ke aniani, a owau no hoi ma kela aoao o ka paliku mai uka a kai o Waimanalo; ua lohe na mea apau, a hookahi no pane i hakalia i kului po a ao oe hiki mai.

            Pehea aole no olua i Lanina ike aku la i ka helehelena o ke keiki, elike me ka hoike a ke kahuna a kakou i lohe ai, wahi a Ahiki.

            Aole la, wahi a Nuhi, eia paha oia nei kai ike ma kona aoao; hoole mai la no hoi o Nihihole, o ka wa ia o Nuhi i hahai aku ai i na mea apau a Nihiole i olela aku ai iaia.

            I ka lohe ana o Ahiki i keia mea hou olelo mai la oia, he ha’o hoi kena akua heenalu o ke awakea; anoai paha o ua hookalakupua nei kena o Kawainui me Kaelepulu; malia paha a keia mau keiki ekolu ka mea a kakou e imi nei, aia nae hoi i ka nana ana aku i kakahiaka.

            I ke ao ana ae o kekahi la aia na mea apau e Waimanalo mai uka a kai imua o ke alo o ke Konohiki, a i ka wa i noho ai na mea apau i ka papaaina, o ka wa pu no ia o Ahiki o nana nei i ka li’a a kona manao, a nele iho la no nae a, elike no me kana hana i ka po mamua pela no hoi keia.

            A pau ka po le’a o Halalii, ua hoi aku la na mea apau no ko lakou wahi, a noho iho la ke Konohiki e nalu ana loko i kana mea e hana aku ai a aia la ihea kahi noho o keia keiki.

            A no, e kuu mea heluhelu, e waiho hoi kaua i ke Konohiki ai aina o Kailua ame Waimanalo, ua ike pu iho la no hoi kaua i ke au nui ame ke a’u iki o kana huakai ahaaina ana i manao ai o ka mea e maalahi ai o ka imi ana i keia keiki, eia ka e halawai ana no oia me ka maka paoa.

            E ukali hoi kaua mahope o ke keiki ame kona mau hoa paani, a o na kumu a’o hoi e makaukau ai oia i ka hee ana i ke nalu opuu o U’o.

            Oiai oia e hele mau ana i na la apau me kona mau hoa, ua lilo hoi ka heenalu i pulakaumaka ahiki i kona lilo ana i loea no ia hana kumu a’o kino papalua o ka ike oi aku nae a kana mau kumu i a’o ao oia ka hiki ana ke hee i ka puukai a ka makani, he nalu hoi i loaa iloko o ke kope a ka lima ame ke kapeka a ka wawae, hui iho hoi me kela ano kino papalua o keia poe kumu a’o.

            Pakela ka oni a kamanao,

            Ke koii hana nui a loko.

            Maloko mai ae o ka poli,

            E kaunu ai me ke onaona;

            I na ahiahi apau i ka moopuna e hoi mai ai e hui mau ana no oia me kona tutu iloko o kona ano ponoi, a ua lilo no ia he mea hauoli nui no Kahinihiniula. E ninau mau ana no hoi kona tutu iaia i na ahiahi apau ana e hoi mai ai no ka hana a kona mau hoa paani e a’o nei iaia, o ka pane a kana moopuna eia oia ke a’o ia nei e kana mau kumu i na hana lealea apau a o kana hana lealea loa o ka heenalu.

Eia makou iwaho o kai lu hee e hele nei a ke hoomaamaa nei au i ka hee ana i ka nalu o ke au a ka wawae me ke kope ana a ka lima o keia nalu i ko’u mau hoa ke hee mai aohe wahi holo ole a ka papa.

            I na kakahiaka nui no hei apau e ala mua ana ka moopuna, a iho ilalo o ka mapuna a loaa na i’a hoi mai la, o ka ke tutu no ka ninau, “Pehea e loaa nei ka i’a ia oe!” ka ka moopuna hana no ka hoopunipuni, me ka olelo aku i hoala ia oia e kekahi mea ma ka leo kahea a i kekahi manawa, he moeuhane na’u, pela mau oia e hana ai i kona tutu.

            Ia kahinihiniula me kona mau hoa paani e nonoho ana i ke one, olelo mai la kekahi mau keiki iaia, e hoao kakou ia oe i keia la e hee ana kakou i ka nalu poli mailalo aku nei o Kapu-ao ahiki i Makapuu, i hookahi kulana; ina e kau like oe me kekahi o makou a oi aku ahiki i ka lae, alaila ua ike oe a makaukau hoi no ka huakaihele a kakou i ka aina huna i ka maka o ka noe, o ko ike ka paha i ke one lauene a Kane la ua nui ia, alaila ka waha i ka olelo ua ike pono, a mahope aku oia manawa e kaawale ai kakou aka he loihi no nae na la i koe.

            Ina kakou, ua mahana ke kai, wahi a ke keiki e olelo nei , aia ka pono o ka hiki i ke kulana nalu kakali aku o ka owili puukai a ka Malua, ka nalu ku honua i ka poli wawae, nana e onou imua, mea ole ka ehuehu kai a ka moae, ka makani nana e ulaa mai i ka weuweu o ke poo a ka hane’a ka lae.

            I ka pau ana o na olelo a keia keiki, kahea aku la oia i kekahi keiki, e Keoahimakaakaua e! e kii aku oe me kekahi mau hoa o kaua i mau papa no kakou, a o oe ame a’u ke hooku-ku me ka hoapaani o kakou, a o ka kakou haumana hoi e a’o ai i na ike apau o ko kakou alo alii.

            O ka papa a Laia, oia kau e lawe mai no ka hoa o kakou, a i mau olo mai ko kaua mau papa, i hiki ai ia kaua ke kuikuilima me ka malihini a kaua i ke ala, i pae aku ia i ka honua maopopo mai i ka poe makaikai ka malihini.

            Aia na papa a kakou malalo o ke Kawelu o Ha-kanu, kii aku a lawe mai oi meha ke kai o hoea mai auanei ke Ulili, loaa ka mea nana e walaau!.

            Eleu aku la kekahi mau keiki eone ka nui ahiki ma kahi o ka Hakanu (Pohuehue) e hihi ana, papale ae la i ka pohuehue a huki mai la ekolu mau papa heenalu. He elua mau papa manoanoa laula o ke poo o mua, a hookahi papa lahilahi loihi miomio o mua o ke poo, ka’i ka’i mai la keia poe keiki i na papa a waiho mamua o ke alo o Kahinihiniula, huli mai la ka hoa olelo o na minute mamua iho a kamailio hou mai la ia Kahinihiniula, “ eia kou papa e ko makou hoa le’ale’a, ina kakou a o oukou no hoi mauka nei e holo ai a hui aku kakou i ke one hoohana ka o ka Opulekai ua malie.

            Pau no keia mau olelo, o ka wa no ia i hookuu iho ai na keiki e paa ana i na papa heenalu iloko o ke kai, a au aku la o Kahinihiniula me kona mau hoa no waho. O na hoa kamalii iho i koe, ua kuku puu’kiu’ki ae la lakou i ke one, me ka nana ana i ko lakou mau hoa e au la. I ka mamao ana aku o Kahinihiniula me kona mau hoa mai ka poina kai aku o ka ae one, o ka wa no ia o na keiki apau e ku puukiuki ana i ke one i kahuli ae ai i ko lakou kino hookapuhi, a nalo aku la iloko o ke kai.

            Oiai no nae o Kahinihiniula ma e au nei lohe mai la lakou i keia leo kahea o wawalo ana i ka welelau makani. Ia wa lakou i huli like mai ai iuka a ike mai la i keia kanaka e ku ana i ke one pohuehue, a e huli papu aku ana kona alo i kai me ka wili ana o ke ani peahi a kona lima ia lakou nei.

            Olelo mai la o Kahinihiniula i kona mau hoa au kai, ke kaheaia mai la kakou e kela mea e ku mai la iuka, ke wili mai la ka peahi ia kakou e hoi aku.

            Kokio! wahi a Keoahimakaakaua, e pii ae kakou iluna o na papa o kakou e kuku ai, i ike oe, aole kela o kekahi o ko kakou mau hoa paani.

            He mea e wale no kela a ku mai la, he kua ualo kela i ke awakea, he mea hoopunini i ka kakou huakai, mai puni kakou i kana uwalo mai!

            Ia manawa no i lekei ae ai ua mau keiki nei iluna oko laua mau papa, me ka hopu ana iho ia Kahinihiniula a hooku ae la iluna o kona papa, me ka paa ana mai o laua, ia manawa no i kaka mai ai ka lima o ua poe keiki nei a lele hou iho la iloko o ke kai a au aku la.

            O keia kanaka a Kahinihiniula ma e ike nei aole ia he kanaka e, aka o Nihiole no ia, a ua ike na hoa one ia kanaka ame kana hana, oia ke kumu o kekahi o laua i olelo mai ia Kahinihiniula, he ‘kua uwalo no Moeau.

            Mamuli o ke ake nui o na hoa au o ke keiki e nalowale koke lakou mai na maka aku o ka luna a ke alii, nolaila ua hoohula ae la o Keoahimakaakaua i kona papa ma ka aoao mawaho moana, a o kona kokoolua no hoi ma ka aoaoa maloko o ka aina, nei, a kaa iho la o Kahinihiniula ma waena, o ka wa no ia i o---ae ai ka lima o ke kokoolua o Keoahimakaakaua iluna me ke kahea ana ae:

            E aniani ka lani o Hoomiha e! Ka nalu i ko poli la no makou me Ka pulapula!

            Pau no ia mau olelo o ka wa no ia i pahili iho ai kahi onini makani mauku aku nei o ka aina a ku ana no

            Ka ualu, e ku ka nalu mai Kona, Ka malo o ka mahiehie, O koona ululoa a lele ka’u ma-lo. Ua pahee lua i ka lae kapu.

            Ia lakou nei i kaha mai ai i ka nalu me ke kuku ana ae iluna, o ko lakou mau papa ike mai la lakou i ke akua peahi o ke awakea ( Nihiole e:)

            Kuupau ana ka paka a ka ua i Puaakanoe, Li haukeke i ke one o Makua, Ohi ka lau o ke pahili i Ohikilolo, Kohia punuku ia mai e na Keau, Pukukui lua i ke alo o Maunalahilahi, Awala lua i ke kula o Kumanamano, I ka ua mea o ka piha maka’u a kakou i ike mua anei.

            Ia Kahinihiniula me kona mau hoa e lilo nei i ke au a ka puukai, a ua aneane aku no hoi lakou nei i ka Lae o Makapuu, o ka wa no ia i alu iho ai na hoa heenalu o ke keiki me ke kahea ana ae:

            E Kahinihiniula-o-Kalani e--, kumaloeloe, i na aku mamua ke anaina maka’ika’i nou a na Ka Haku o makou e muia mai la iuka me na kanaka nana ka hoi e poni ia oe, a laa oe i kana olelo, alaila maopopo ia maua, ua lehia oe, alaila makaukau kakou no ka huakaihele.

He Mau Kaukani e Hoohana Mai Nei ia Laau

B.B.C.

            (Body Building Compound) oia ke kino o na Aa laau i hanaia i laau apaau i huila me aa launahele ame ka hao e hana pu ana me na mea i hanaia e ke Akua, e hoomaemae a e hooikaika ne ana i na mea paahana holooko maloko o ke kino, e pale aku ana i ka ma’i maloko a mawaho o ke kino a e hoolilo ana hoi i ke kino i mea ikaika elike me ka ikaika o ka wa opio me ka hookoe i ka ikaika. O ka poe kino nawaliwali, omali, hapauea a haalulu e hoopomaikaila aku ana lakou mahope iho o ka lau ana i kela laau no kekahi mau pule kakaikahi wale no iloko o na manawa lehulehu i ikeia. Ua kualia ma na halekuai laau ame na halekuai apau o na mahiko. Kumukuai $1.00. Kuikawa 6 no $5.00.

            Na makou e uku aku na lilo no na puolo ma ka haleleka no na kaueha laau o $5.00 kuike.

            E hoouna pololei ae i na dala kikoo haleleka ame kahi e hoounaia aku ia ia Benson, Smith & Co., Ltd., Honolulu.

KA HUAKAI MAKAIKAI MA KAUPO MAUI.

(Hoomauia mai.)

            Komo makou maloko o keia aoao huli kuahiwi o ka pukapa o Kaolepelepe ka inoa o ia wahi. Maikai loa ka hele ana ma keia wahi aku ahiki i ko makou pahuhopu, o ia hoi, he honua palahalaha wale no.

            Ia makou e nauwe malie nei iloko o ka nani hihipea launahele o ka aoao kuahiwi, aia no ke hele ae la ke kakaimauna me kona aahu ihiihi keokeo o ke ao naulu, ka noe, ka uhiwai ame ka ua noe. Aia ma na kumupali uliuli o keia kakaimauna, e hiolo mai ana na wailele he nui; aole i haule loa mai keia mau hunawai ilalo o ka honua paa, aka, ua lilo ae la no i hunahunawai liilii, kohu mahu i kau mea o ke kiekie maoli o ka pali.

            O keia kakaimauna e holo ana ahiki i ke Koolau Gap, e nana la ia Koolau, Keanae ame ia mau wahi apau o ia huli; a peia no hoi ma kela aoao komohana o ke kuahiwi. He nui na puu pele (cones) ma o a maanei iloko o ka Lua o Haleakala nei. He mau haneri kapuai paha ke kiekie o kekahi mau puu, o ia hoi na puu kiekie loa, a he mau puu ano haahaa no kekahi.

            Ua olohelohe loa kekahi mau puu, aohe meaulu, a ma kekahi mau puu ua uluia no e ka launahele.

            I ko makou hiki ana mai i Waikeekeehia, ua olelo mai la o Joseph Marciel ia maua, na kokoke loa makou i ka hopena o keia huakai hele; he milo paha me ekolu hapaha wale no ka loihi i koe. O keia wahi o Waikeekeehia he kuono keia i ke kumupali. No ka pohu a lulu o keia wahi, nolaila, ua noho mau ka noe ame ka uhiwai. Mailuna mai o ka pali ka paa i ka noe ahiki ilalo o ka honuapaa.

            Nui ke anu o keia wahi i oi iki ae, mamua o kekahi mau wahi o ae. He maikai nae ke ano o keia wahi, o ia hoi, palahalaha ka aina me ka uliuli i ka mauu. Ua olelo mai ko maua kamaaina, iloko no o ia anu kawau a hu’ihu’i, ua makemake loa no ka poe haole e noho i keia wahi ke pii makaikai mai i ke kuahiwi nei.

            I ka hora 1:30 o ia auwina la ua hiki mai makou i Laie, ka pahuhopu o keia huakaihele. Ua hauoli loa kahi manao i ka hiki ana mai maanei; lele iho la ilalo o kahi paa a nakinaki ka hoki i ke kumu mamane a hoohikihiki ka ukana ilalo.

            Ma keia wahi, he mea pono o hoakakaia ke ano o keia wahi. O keia inoa o Laie, ua manao wale ia no, a o ia no paha ka pololei, o ia no ka hapa mua o ka inoa o Laieikawai. He wahi kuono keia i ke kumupali kualapa. Ua hana mua ia no e Joseph Marciel, kona ohana ame kana poe hana o Kaupo, he elua mau kahuahale, no ka mea, he pii mau no lakou iuka nei o ke kuahiwi no ka hoomaha ana, a o keia kahi noho. He nani maoli no keia mau kahuahale, no ka mea, ua haliiia iho oluna me ka pohaku oneone ame ke one eleele. Ua uliuli na wahi apau o keia kahua i ka mauu, ke ama’u, ka ohelo, ka mamane, ka mamaki, ke kawau ame na launahele e ae o ka waonahele kuahiwi.

            He haneri kapuai paha a oi aku mai keia kahua aku iluna o ke kipapali nihinihi, e waiho mai ana he wahi ki’owai. O keia kekahi kumu i makemakeia ai o Laie, no ka noho kuahiwi ana. aohe hoi hopohopo no ka nele i ka wai no kanaka ame ka holoholona.

            Ma ke kua o Laie, ka laina mauna lipilipi mania kiekie; mai ke kaukani a i ka elua kaukani kapuai a oi ke kiekie o kekahi mau mauna, mai ka honua ae o ka lua. Aia ka wekiu o keia mau mauna iloko mau o ke ao naulu a malalo mai hoi, e uhi ana ke kapa keokeo o ka uhiwai ame ka noe.

            O keia laina mauna, o ia no ke kakaimauna o ka hoomaka ana mai a ke Kaupo Gap, a pau aku i ke Koolau Gap he ehiku a ewalu mile paha mai nei aku. Ma keia aoao hoi o ke kuahiwi, aia no ka laina mauna ke kokolo hele ae la iloko o ke ao a nalowale aku la iloko o ka powehiwehi a ka noe.

            E kokoke loa ana i Laie nei, e ku mai ana ka Puu Maile me kona kulana ulumahiehie o maile ame na launahele e ae.

            Ua lawa ae la paha keia mau wahi hoakaka pokole, e pili ana no Laie ame na hiohiona ke nana aku maanei, a e hoi mai ka’u kamailio ana no ke kahua hoomaha.

            I ka pau ana o ka ukana ilalo, ua hele mua aku la makou e huki amau’u, i halii nolalo o ke kahuahale, i ole hoi e eha kahi paukukino ka hiamoe iho.

            Me ka uleu wale no keia e hanaia nei, no ka mea, he oluolu maikai ke ea me ka hu’ihu’i pu. E poha mai ana no na kukuna o ka ia, aka, ua palupalu loa me he la, o ke ano ahiahi loa ia.

            Iloko o ka manawa pokole, ua lawa ka halii olalo o ke kahuahale, a hoomaka ke kukulu i na halelole. Ua pili kokoke loa keia mau kahuahale, pela no ka pili kokoke o na halelole o makou; he ekolu kapuai paha ke kowa o kekahi hale mai kekahi mai. O ko maua hale o Keneki ka hale nui, he hale puoa, kohu hale ipukukui, o ia mauka. O ko Joseph Marciel wahi hale, he uuku iki mai, aka, ua kupono no e elua kanaka no ka moe ana.

            Ku na halelole, a pau na wahi ukana i ka hooponopono, ua olelo mai o Jeseph Marciel ia’u, e hele maua iuka i kahi ki’owai no ke kii ana i wai no makou, ame ka hoohainuwai ana i na holoholona. Ua hiki mua oia ilaila a mahope aku au. He nihinihi no ke kii ana o ka wai, he mania ka pohaku i ke kahe mau ia e ka wai, a me keia wahi oe e pii ai ahiki aku iluna o ka poho ki’owai. Ua piha pono ua wahi pohowai nei, e lawa pono ai makou, a hoi hou i kai o Kaupo. O ka mea mua a ka meakakau i hana ai i ko’u hiki ana ma keia pohowai, o ia no ko’u inu ana i ka wai hu’ihu’i o Haleakala nei.

            He mea oiaio he hu’ihu’i keia wai i oi ae mamua o ka waihau o Honolulu nei. Piha ke eke kapolena ame ke kini i ka wai a lawa no hoi ka onowai o na holoholona, ua huli hoi mai maua no ke kahua.

            Hiki i ke kahua, ua olelo hou mai ko maua hoa, he mea pono paha e lawe maua i na holoholona i kai aku i ke kahua mauu, no ka hoopaa ana a koe he hookahi hoki, nona o hele ai i ke ana no ke kii ana i kekahi mau lako kini wai a mau pono o ae. Ua noho iho no o Keneki e holoi i ka pu raifela no ka hele ana aku i ke ki kao.

Poi Makepono

E kuai i kau poi ma ke pa kaukau a

Jos. Kalana

a ma ka

Holt’s Groceteria

ma ka Makeke o ka Lehulehu 20 paona no ka $1.00 a ma ka

PACIFIC POI FACTORY

 

EIA KA BORTHWICK UNDERTAKING CO.

i keia wa ma na Alanui Nuuanu me Kula

Kelepona 1325                                                                                                Home 7883.

KUIKAHILIKE

            Ua like kela ame keia galani. Ua hiki i kela me keia kulu ke hoolilo i mahu me ka hikiwawe ame ke kaulike iloko oka ipu mahu, a e hoohanaia ai a pau pono iloko o ka ipu i ka wa e hooniia ai.

O KA “RED CROWN” IA.

O ke ano maikai ia iloko o ke gesolina.

           

            E hoohana i ka Red Crown, aole i kekahi mea e ae, e loaa auanei i kou kaa ka mana ikaika kiekie, elike me ia a ka poe na lakou i hana, i manao ai e haawi mai.

            Hoopiha ma kahi o ka hoailona Red Crown—ma na Wahi Hoopiha, na halekaa, a poe kuai e ae paha.

STANDARD OIL COMPANY

            Pau ka makou paina ana, ua olelo mai ko maua hoa e hele ana oia i kahi o ke ana, no ka lawe ana mai i kekahi mau lako ana no i waihe ai ilaila, a no maua hoi, e hele maua i ke ki kao i i’a na makou o ka aina ahiahi.

            Hele o Marciel, a mahope mai ua haalele iho au ame Keneki me ka pu raifela, no ke ki kao ana iluna o ka pali. Ma ke kualapa kipapali no maua i pii aku ai. Ke pii nei maua me ke kokolo ilalo, i ole hoi e ike mai ke kao. Ia maua e pii kokolo nei he mea pono e hopu aku oe i kela ame keia laau i ole hoi e pakika mai ilalo.

            O ka ohelo, o ia ka laau nui ma na whi apau o ka mauna. He anu maeele maoli no i ka manawa au e hopu aku ai i ka lau ohelo, me he la he pauku hau kau e paa ana. Eia no maua ke lohe nei i ka leo uwe o ke kao, me ka iko aku no hoi i ka nali mai i ka laulaau.

            He nui maoli no ke kao, he puulu kao. ma kela ame keia wahi; iluna o ka pali ame ka lihilihi pali e ku mai ai. He nui kekahi mau kao, kohu hipa keiki ka loloa o ke kiwi. Ia maua i hiki mai ai i kahi kiekie loa ke ike nei ae i ka mama loa o ko ea, a he amaamau ka hanu ana alaila loaa ka oluolu kupono o ka hanu ana.

E Kuai i Kou Mau

Pono Hale

ma ka

Hawaii Furniture Co.

Helu 469 Alanui Moi,

kokoke i ke kihi o ke Alanui Liliha

Ka Pila

GRAFONOLA COLUMBIA

Maopopo ka Wa e Pau Ai

Na ka mea hoopaa nona iho e makaala ia. ca nou. Ua hiki ia oe ke hulahula ahiki i ka hua olelo @ loa.

Uku Liilii ke Makemakeia

Thayer Piano Co.,

LIMITED.

The Liberty Bank of Honolulu,

LIMITED.

Ko Honolulu Banako o Keia Au Holomua

E IKEIA NEI KONA HOLOMUA

            E ku nei iwaena o ke Kulanakauhale o Honolulu, kahi a ka lehulehu e hele mau nei e kuai i ka lakou mau meakuai.

            Eia keia Banako ke hoohanaia a ke noho ona ia nei e na kanaka i hanauia maanei.

            O ko lakou nee ana iho nei no ia ma ko lakou keena hou ma ke kihi o na

ALANUI MOI AME MAUNAKEA

            Mamuli o ka loaa ana mai o kona mau pono keena hou, ua hiki iaia ke malama i na hana apau o kela oihana.

UA MAKEMAKEIA NA HOAHU LIILII O KELA AME KEIA. E HELE MAI E HOOKAMAAINA.

The Liberty Bank of Honolulu,

LIMITED.

O ka Poe i Holopono ma ka Hoahu Ana

            He nui ka poe i hoomaka e hoahu, a ua haule pahu nae me ka nee ole aku miua.  O ko lakou hoomaka ana e Hoahu Liilii, aole ia he mea nana e hoolilo ia lakou i poe holomua ma ia hana. He hoomaka mua wale ana no ia.

            He alahele maikai nae ia a lakou i hoomaka ai, aka, o kekahi mea ano nui loa, o ia no ka hoomau ana i kekahi hunaguna liilii no ka hoomahuahua ana ae i ka huina mua i hoahuia.

            O ka papa kuhikuhi hoahu holomua loa i ka makou hoomaopopo ana iloko o keia manawa loihi, a makou i lawelawe ai i keia hana, o ia no ka hoohole ana i ka nui o ka mea e hoahu ai i ka pule a mahina paha. Alaila, hoomau i ka hoahu ana ma ia huina. He ano paakiki no i kinohi, aka, he hiki wale no nae oiai kela manao hoomakaulii e pii mahuahua ae ana i kela ame keia wa.

            Aole anei e hiki ia makou ke hoikeike aku ia oe i ke alahele e lilo ai oe i mea hoahu holomua!

            He 4% ukupanee a makou e uku nei no na hoahu liilii apau o ka makahiki.

            Hauoli loa makou i ka lawe ana mai i kau mau hoahu ana, ina no he uuku ia.

Chinese-American Bank

KIHI O NA ALANUI MOI AME NUUANU.

Perfection Home Bakery

Alanui Beritania ma ka aoao Waikiki o ka Alanui ea.

Maanei e loaa ai ia oe na Meaono ono loa no ke kumukuai haahaa loa. Na Pai hua, Apala a pela wale aku.

Ua hiki ke hoolawaia na kauoha mai na kuaaina mai.

O NA HAWAII

i makemake i ka pomaikai o ke Kanawai Hoopulapula o Molokai, e hoolako ia lakou iho no ka holomua ma ka loaa ana ia lakou o na Lako Mahiai me Hanai Holoholona ma keia hui kamaaina.

Ke malama nei makou i na Lako Hana Maikai Loa, pela hoi me ke PENA SHERWIN-WILLIAMS, ka mikini Umi Waiu DE LEVAL ame na lako pili i ka home o na ano apau.

Maloko o ko makou Keena o na Lako Paani e loaa no he ahua o na pu liilii ame na raifela maikai.

E.O. Hall & Son, Ltd.