Ka Nupepa Kuokoa, Volume LXI, Number 33, 17 ʻAukake 1922 — HOOLAHA POLOLEI OLE A KA HOKU. [ARTICLE]

HOOLAHA POLOLEI OLE A KA HOKU.

Mr. Solomon Hanohano, Lunahooponopūno o Ke SuoKoa; Aloha oe: — Mamuli o kekahi wahi maiiao Jioolaha pili kalaiaina alehe baloka i hoopukaia maloko o ka Hoku O Hawaii i keia pule iho la, e olelo ana: "Ma kekahi halawai aku nei a ka Hale o na Alii o Hawaii" ma Honolulu nei, ua haawi ka ua ahahui la i ke kakoo baloka no John H. Wise ma ke ano elele. Ma ko'u ano, he luna n0 ia ahahui, owau hoi ke kuleana malama i na moolelo o ia ahahui, ke hoole loa nei au, a ke olelo nei hoi, o kela mau olelo apau i hoolahaia maloko o ka Hoku o Hawaii, he wahahee a he haku wale iho no. A o ka mea nana i kakau ia mau manao, he mea hoopunipuni ino haalele loa oia, a ua like kona ano me ka anela o Oehena. Aole loa he hookahi mamalaolelo kakoo moho holo baloka, aeia maloko o na halawai o ka Hale o na Alii o Hawaii. He kapu loa na mea pili kalaiaina maloko o ke keena halawai o ka ahahui. Nolaila, e na Mamo Alii mai Hawaii a Kauai, aole loa he oiaio o na mea a ka Hoku o Ilawaii e hoohala nei no ko kakou ahahui, ma ka ninau kalaiaina. Aole loa ka Ahahui Poo nei, i haawi i kekahi lihi 0 kona manawa halawai, a ano ahahui hoi no ka ninau elele, a moho nhaolelo paha. Ua ike no oiikou apau, he kapu loa na ninau pili hoomana, a kalaiaina hoi maloko o ko kakou mau keena laa. Pela hoi ia oukou e ka lehulehu, ewe oiaio o Hawaii lahui! Mai puni aku i kekahi mau hana wahahee a ka Hoku. Ke hoomaopopo nei au, he hookahi no manao nui o ia hoolaha wahahee ana, o ia kēia: 1 wahi no na Mamo Alii o Hawaii e puni ai a huli aku a kipehi ia Nomana Laimana. O ia maoli ka mea pololei. O ka hana a ka makaainana hoopono, o ia no ka hookuu aku i ka I poe apau e mukemake ana e holo oihana baloka, a, na ka lehulehu e Avae. O ka moho, a mau moho paha 0 ka aoao a ka lehulehu e wae ai 1 ka la T ae nei o Okatoba, o ia na moho e kakoo aku ai ma ke ano paa, na ka aoao kalaiaina. 0 ka'u a'o keia. Aka, o ka poe wahahee a haku wale i mea kipehi i ka hoa kanaka, he poe lapuwale loa ia, eliko me ka Hoku, i hoolaha mai la> no kuu ahahui. Uwoki ka wahahee ana. E hele maluna o ke kahua o ka pololei. Aia i ka oiaio ke oia o Hawaii Lahui, aole iloko o ka ekaeka a ka wahapala. Me ka haahaa, W. J. COELHO,