Ka Nupepa Kuokoa, Volume LXI, Number 33, 17 ʻAukake 1922 — HE LEO UWALO! [ARTICLE]

HE LEO UWALO!

Ke nonoi nei an me ka haahaa i na mana koho baloka o Hawaii Hikina, Kalana a Teritore o Hawaii, no ka oukou mau kakoo ana ia'u, oiai eia au ke holo nei ma ke kulana lunamakaainana ma ka aoao Repubalika, mai ka apana koho ekahi aku, no ka waeia, ma ke kau koho wae moho i Oct. la 7, o keia makahiki e hiki mai ana.« Aole au he malihini ia oukou, a ua kamaaina oukou he kupa, he ewo, a ke keiki hanau no ka aina, !a nou e Hawaii Hikina. I Nolaila ke holo nei au malalo o ke alakai ana a keia inau manao nui ekolu: Ekahi: Ka manaoio hana, a e kokua ana i na .mea. maikai no ka pono kaulike o ka lehulehu o keia Teritore. Elua: Ka manaolana, no ka huli ana i na alanuihele like ole, e loaa ai ka maha ame ka palekana, i ikeia o ke Kalana o Hawaii, ame ka lehulehu, a pela pu me na kalana e ae. Ekolu: Ke aloha oiai oke aloha ka mea i oi, ka huli a imi ana e hoopakeleia ae ai ke ola o ka lehulehu o keia Teritore, a pela me na kama a kakou, mai na wahi like ole, e ikeia'nei i keia mau la. Kolaila me keia mau manaolana ae la maluna, ke nonoi nei me ke oluolu ia oukou e na Demokarata o Hawaii Hikin'a, ina hoi aole a oukou moho no keia kau ea, alaila haawi mai hoi i ka oukou kakoo ana ia'u, a maluna ae hoi o na mea apau, oiai ua haaheo oukou i keia la, a ke ku pu nei ma ke ano kailike me makou na kane, e oluolu pu hoi no'u kauwahi haloka. Owau iho no me ka oiaio, WM. M. KEOLANUI,