Ka Nupepa Kuokoa, Volume LXI, Number 33, 17 August 1922 — O OAHU KA MOKUPUNI AIE NUI I KE TERITORE [ARTICLE]

O OAHU KA MOKUPUNI AIE NUI I KE TERITORE

I kulike me ka hoike ame na huahelu hoi i hoopaaia maloko o na buke auhau a ka lunaauhau o ke Teritore o ka Mokupuni o Oahu ka h.elu ekahi o ka nui o ka poe i aie i ko Tcritore no na auhau" i haule hope ka hookaa ana. Ma kp 'la 1 o lanuari o keia makahiki i hala, o ka huina nui o na elala auhau i uku ole ia ae i ke Teritore mai ka poe ae i kupono e uku i na auhau, elike ] me ia i ikeia maloko o na buke a na luna auhau, ua hiki aku ka huina nui i ka $223,000, komo pu^maloko 0 keia huina na hoopai no ka hoolaha ana ame na ukupanee. Aia maloko o na buke a na luna auhau ua ikeia na inoa o kekahi mau luna aupunn dala nui o ka makahiki, mai ko ke Teritore a na luna aupuni kulanakauhale ame kalana, lie mati kaukani (lala lehulehu ko lakou aie i ke Teritore, oiai nae ka poe ilihnne liilii o kahi loaa o hookaa pololei ana i ko lakou mau auhau. a o ia mau dala i hookaaia ae e lakou i ke aupuni ua hooliloia aku e ke aupuni no ka hana ana i na ala--1 nui, na halekula a pela aku. O keia huina dala aie ae la e ku ana me ka hookaa ole ia ma ka la 1 o lamxari, aneane $125,000 i hookaaia ae, o ke koena he aneane ma kahi o $98,000, he huina dala nui e hiki ai e hoopauia ao kekalii pilikia o ke aupuni ina nei no ka hookaa pau ia ae. O ka huina dala aie o na mokupuni e ae e ku ana ma ka la 1 o lanuari i hala oia keia malalo nei: Mokupuni o Hawaii he $36,755,huina i ohiia mai ia la mai he $4,248; koena he $32,507. Mokupuni o Maui he $2,980; ohiia, $1,100; koena aie o ia mokupuni, $1,790. Mokupuni o Kauai, he $325 ka aie i ke aupuni Teritore, ua ukuia ae ka hapanui a koe he $11.90. Iloko o na la kakaikahi aku la i hala he kanahiku-kumamawalu ka nui o na hoopii auhau i hookomoia ao i ka aha hoomalu o Honolulu, i ka manawa i hooloheia ai ia mau hihia he 25 i haule, ua ukuia ae na dala auhau mahope iho o ka hookomoia ana ae o ka hoopii. He 16 mau palapala kii i hoihoi hou ia ae i ka aha no ka loaa ole ana aku o ka poe hookaa anhau ole, aolo i hookoia aku na palapala kii ia poe, a he ewalu i komo hewa.