Ka Nupepa Kuokoa, Volume LXI, Number 32, 10 August 1922 — Ko Ole ka Manao Limanui Maluna o Na Kaikamahine Hoaoia Elua Mau Kaikamahine Opio e Hoopoino e Kekahi Poe Ekolu Ma Nuuanu PAA MAI HOOKAHI O LAKOU I KA HOPUIA E Ole Kekahi Kepani o ka Hoea Ana Mai Pakele Ai Kela Mau Kaikamahine [ARTICLE]

Ko Ole ka Manao Limanui Maluna o Na Kaikamahine

Hoaoia Elua Mau Kaikamahine Opio e Hoopoino e Kekahi Poe Ekolu Ma Nuuanu

PAA MAI HOOKAHI O LAKOU I KA HOPUIA

E Ole Kekahi Kepani o ka Hoea Ana Mai Pakele Ai Kela Mau Kaikamahine

0 ka manao hoopoino a limanui o kekahi poe kanaka opio ekolu maInna o elua mau kaikamahine, mauka ae nei o Nuuanu, ma ke kakahiaka o ke Sabati aku la i hala, ua liooliokaia ia, mamuli o ka hoea ana aku o kekahi Kepani me kona kaa otomobiJc ,a hoopuiwa "aku la i ka poe kolohe, me ka hoopakeleia o kela mau kaikamahine, mai lilo i luahi, 110 na liana lapuwalo a kela poe ekolu. Ua paa nae hookahi o kela p6c i ka hopuia ,nona ka inoa o Ben Naipo, a ma ka hoakaka a ka Makai■kiu McDuffie, ma ka po ana iho o kela Sabati, he manaolana kona ua hiki loa iaia ke hopu aku a paa na hoa o Naipo i komo pu ai maloko o kela hana limanui. Ma 'kela kakahiaka Sabati, he elua mau kaikamahine e hele ana ma ke alanui e pii ai no ka pali o Nuuanu, he hookahi, he kaikamahino Pake, nona na makahiki he umi* kumamakolu ,a o ka lua, lie kaikamahine Pukiki o umi-kumamaono makahiki. Ia laua e nanea ana i ka hele, ua paa mai la laua i ka.hopuia o kekahi poe kanaka opio ekolu, a kaualakoia aku la noloko o ka nahelohele, me ka manao e hoopoino, a e hoohaumia paha i ko laua mau kino. 0 kahi nae o ka laki, ua maalo koke mai la lie Kepani maluna o kona kaa otomobile, iloko o kela manawa a na kanaka opio ekolu e kaualako ana i na kaikamahipe iloko o ka nahelehele, ua lohe aku la kela Kepani i ka leo kahea. o na kaikamahine i kokua, nolaila hoopaa iho la oia' ; i ka 'holo o kona kāa, a lele aku la ilalo, me ka hele ona aku, no kahi o ka leo kahea ana 0 ka lohe. ana. Ua ikeia mai nae kela Kepani e na kanaka ekolu, a»haalele nui i na kaikamahine opio, a hoomaka aku la ē holo, no ko lakou palekana. Ua kelepona mai la nae kela Kepani i ka halewai, no ka limanui i lawelaweia aku maluna o kela mau kaikamahine, a iloko o ka manawa pokolo loa, ua hoounaia aku la ka Makai Morse no ka pali o. Nuuanu, a ma ka hookolo ana a ka makai, maliope o ka meheu o kela poe kanaka kolohe, i paa ae ai o Ben Naipo 1 ka hopuia, a laweia ae no ka halewai.