Ka Nupepa Kuokoa, Volume LXI, Number 32, 10 August 1922 — HE KANAENAE HOOMANAO ALOHA NO IEREMIA IONA KALAHIKI. [ARTICLE]

HE KANAENAE HOOMANAO ALOHA NO IEREMIA IONA KALAHIKI.

E ke kiai naue ole, a o ka anela hoi o ka hooko kauoha, e oluolu mai e hookāu aku maluna o ka kakou kauwa holohe, a hoomanawanui hoi, i ka ukana luuluu kaumaha he aloha keiki, e kau ae la maluna» a nana hoi ia e waha hele aku ma ko kna, a e hii ana hoi ma ke alo, e poāi ana i na moku, mai ka hikina a ka la, a ka la welo i ka mole o Nihoa, he hoa hele ka ke aloha me ka iwaimaka, e hj helelei nei i ke ala hoi na lā ikiiki wela loa a ka eha no kk wa mau loa, alQha.no! 0 maua o na makua, no laua na i|noa malalo iho, Maek Kamaka Kalahiki, ame Mrs. Elizabeth Kapeta Kahiki, ke noi aku nei e kala mai, no ka ulolohi o keia hoomanao aloha, oiai hoi, e lomi ia ana e ka wiliau o ke aloha keiki, a ua hala ae la hoi na la ikiiki wela loaa ka eha lima ole, nolaila keia e panee akn nei, a nau hol ia e uwila aku, he anapu* ana hoi ma Hawaii o Keawe, a malamalama i Niihau ua malie, me ka minamina nol Ua hapauia ka mea nona ka inoa maluna ae ma Maluhia Cottage, Hotel Street, Honolulu, iloko 'o ka mahina o Feb. lst, 1921, a ma ka hora 6:20 p. m., o ka la 14, o lulai 1922, i haalele mai ai ka uhane i ke kino, a kuewa hele aku la i ke ala makua ole, ke ala kbkoolua ole, ke ala hiki ole hoi ke hoi hou mai, | nolaila, ua piha no iaia, 1 makahiki ame 5 mahina ame na la keu he 13, o hanu ana i na ea o keia ola pokole ana, a kii hou mai lā no ka mea nana i haawi mai. E hoomaikaiia ke Akua ola mau! He umi-kumamakahi wale no la i kaa ma'i ai, ua kii ia no hoi na kauka; elua a -ekolu kauka makaukau a i hilinai nui ia, a ma ka lukou Jke, he hi ame ka luai ke ano 0 ka ma'i, me he la ua poiaon ke-ki-hi wahi o loko o ke kino, a ua hoao ia ma na ano apau e palekana |ae, eiā nae, ua, poho wale ia mau upu ana, ua oi aku no ka ikaika o ka ma'i mamua o ke akamai o ke kanaka, a wale ae la no hoi i ka ke Akua olelo, o ke akamai ame ka naauao o kl ao Aei, he naaupo ia no ke Akua. Me ka minamina no! E ahonui hou mai, e Mr. Lunahooponopono, ma ka la 12 o lulai o kela makahiki aku nei, owau o ka makuahine ame kuu lei i moe iho la, malalo maua o Fresh- air eamp, ma Waialua i ka ehu kai o Puaena, kahi i hoohala ai, no ka mea, he mea mau hoi ia, i kela ame keia maka-1 hiki, he kii ia mai na keiki liilii e I ka Palama Settlement, e lawe ia ma kahi o na aekai, e hoauaukai ai 1 na keiki, mai na bebe a ka poe umi a oi iki makahiki, a he elna pule ka loihi o ka manawa. Aloha no ia wahi a'u i pili aloha ai me kuu keiki, a ina paha e kahea hou ia mai ana na keiki, e hakahaka ana ko leremia īona Kalahiki wahi, a e pani ia aku ana no nae e kekahi hou aku. Ke noho no a hoomanao ae, mahea la ka leo hanehane no kuu milimili, e hea mai ana e mama e, e papa e. A ma ka la 19, o Augate o kela makahiki aku nei no, i haalele ai maua ia Honolulu nei, a au aku la i na kai eono, e nanea ana i ka nana i ka hulilua mai o na al6 o ka moana kai uli kai lipolipo, a kau ano wale mai la no ia 'u keia mau lalani mele: E kuu hoa e hele la, nou ko'u hiaa e, Me ka ilima i ko a-i, a'u'i papahi ai, E hai mql e ke kai me na ale a o ka moana, ' Ko aloha oia ka'u e makemake nei. A pae maua ma Kawaihae, a hoo* hiki loa i Waikii, ma Waimea, i ka ua Kipuupuu, a noho ilaila he mau pule, a hele i Kohala ifoho iki malaila, a huli hoi mai, i Honolulu nei, aloha nō ka hoahele, hoa aukai, hoaaloalo kehau o ka po anu, ame na la ikiiki wela hoi o ka makalii. Kuu hoa pili o ke ao ame ka po, ua hala i ke ala iki a ka huna, hala ke aloha, naue me ka anoai no ai A ma ka la 15 ae o lulai aku nei, i hoihoi loa ia aku ai ke kino -frailua ncT ke kanu ana, a hoomoe ia ma ka ilina ma Waihee Kahaluu i ka ua poaihale, e nana ana paha ia kini Kallua mano Kaneohe, ilaila e kali ai, a hoolonoloao ana i ka leo o ka pu a ak Anela o ke Akua, e hea mai ana, e 4 ala i ke ala ana o ka poe ola. Ua oi aku ka inoa maikai, mamua o ka mea poni maikai, a o ka la make, jnamua o ka la i hanau ai." 1 ka hoopau ana ae i keia Epiaetore, ke haawi aku nei i ka makou mahalo nui ame ka hoomaikai kiekie loa i ko makou mau hoahanau, na makamaka, na hoaloha apau o Maluhia, a me na hoaloha e aa apau i hele mai e kanikau pu me makou ame ka onkou mau makana pua no ka makou mea aloha, a pela pu ia oukou e na kupuna, na makua na-hoahanau o īeremia īona Kalahiki e noho la ma na Koolau a ma na Kona nei, no oukou no kekahi hoomaikai nui, no ka njea, na oukou keia kama. Me oukou ame makou ka ke Akua kiai ana, malama ana, ahiki a mau loa aku no. Amene. O makou iho no ka ohana, MB. & MRS M. K. MR. & MRS. J. L. KALAHIKI, MR. & MRB. M. H. KALAHIKI MR. & MRS. AHUNA YOUNG, JOHN KALAHIKI,