Ka Nupepa Kuokoa, Volume LXI, Number 32, 10 ʻAukake 1922 — O MRS. LOUISA MAKAEHA WELAKAILI UA MOE. [ARTICLE]

O MRS. LOUISA MAKAEHA WELAKAILI UA MOE.

Mr. Solomon Hanohano, Aloha a nui:—E oluolu oe e hookomo iho ma ka rumi kaawale o ka kaua hiwahiwa, ka Nupepa Kuokoa, ka ipukukui a-a mau, a nana hoi ia e hii aku ma na ale hanupanupa o ka. moana, a ma na kaiaulu o ka aine, mai ka hikina a ka la ma Kumukahi, a ka welona a ka la i ka mole olu o Lehua i ka makou puolo waimaka o ke aloha. Elike me ke kani ana a ka pu, pela no ka lono kaumaha i pahola iho iwaena o makou ka ohana. Wālohia 'wale! Ko iho la no ka mea i palapalaia. 0 ke ola o ke kanaka he mahu ia r pua ae a nalo koke no. Elike me na pua i mohala 1 ke kakahiaka a mae i ke ahiahi. . O ka makou mea aloha i moe aku la, he oluolu, heahea a he aloha oiaio. Aloha wale ka makua e noho mai la i na pali Koolau o Maui, i ka ike 010 i ka helehelena o kana kaikamaInihe. 0 ka lono kaumaha kana e | lohe. ! E papa Kanoa e, ko mliimili, ko lei a-i he kaikamahine, ua hala, ua nalo no ka wa mau loa, e kakali ana [i ka hiki hou ana mai o ka Haku lesu Kristo, me ka umi tausani o kona puali hoola. Aloha wale! Ua haalele mai oia i keia ao luhi, ma ka Poalua, la 25 o lulai, hora 10:30 a. m., m© ka minamina nui makou. e hoopuka nei i keia m&u manao aloha nona. Ua hoounaia aku kona kino wailua i ka hale hoomaemae o Borthwiek, i loaa ai kahi akea no ka ohana, na hoaloha ame ka lehulehu e ike ai iaia, a ma ka ilina o ka Laepohaku i hoomoeia aku ai kona kino lepo, a 'ko iho la ka mea i wananaia, e hoi ka lepo i ka lepo, elike me mamua, a o ka uhane i ka Mea Nana i hana. I ka hooki ana i keia mau manao pokole, ke pahola aku nei makou ka oh|na i *ka makou mau hoomaikai palena ole i ka poe apau i hoowehi* wehi iho i kona kino wailua, ame ke ala pu ana a ao ka po, pela hoi na hana hoole'ale'a a hoohauoli, nMkl 1 ka pailina hope o na hana. E oluolu oukou pakahi,'a o oukou huiia, e hookipa aku i ka makou hoomaikai, ma ko oukou msu puuwai pakahi, a aa ka Haku lesu Kristo e hoomama mai iio kakou mau naau kaumaha a luuluu. Me ke aloha a nui i ka Lunahooponopono ame na keiki limahei o ka papapa 'i. O makou iho no me ke aloha, MR & MBS. G. E. AKIU, MR. & MR6. A-I, HIRAM C. KAEHU, 440 N. King Bt, lulāi 30, 1922.