Ka Nupepa Kuokoa, Volume LXI, Number 31, 3 August 1922 — Nuhou Kuwaho [ARTICLE]

Nuhou Kuwaho

| KIKAKO, Aug. I.—He iwakalua kaukani mau kanaka hana o na kaa uwila e holo ana maluna o ka honua a ma ka lewa i olohani i keia la no ka hoemiia ana o na ukuhana. 0 ka hapanui o na kanaka hana ma Kikako ka i hele aku i ka hana i keia kakahiaka. Piha ku'i na alanui kauaoao i na kanaka me kae piha pu o na alanui i na kaa o na ano like ole. Ma ka hoakaka a na nupepa o keia olohani ka hoomaka ana o ka hakaka ahiki i ka hopena mawaena o na hui kaa ame na kanaka hana. KIKAKO, Aug. I.—Maluna aku o 100 poe i hoehaia a o ka apana e noho ia ana e na liinahana i hanaia ma na aina c ua hooweliweliia lakou ma ka la i nehinei mamuli o ke pa-hu ana o ka pahu gas nui 4,000,000 kapuai paailiona. O na keiki e paani kinipopo ana 100 i-a ka mamao mai ka pahu gas aku ua wela na lihilihi maka, ka lauoho ame ka helehelena o lakou. Ua pii ae na ulaahi i ka lewa no kekahi mau haneri kapuai a ua nahaha ka pahu gas. HOT SPRINGS, Ark., Aug. I,— 0 Bank Harris, he paele, ka i kailiia mai me ka limaikaika mai na makai mai e kiai ana iaia. a liia maloko o ka paka, mahope iho o ka make ana o Maurice Connelly, i kiia ai e kekahi Paele aihue «ia ka po aku la i hala. CINCINNATI, Aug. I.—He umikumamalima poe, Paele ka hapanui, 1 make i keia la ; a he 75 a oi aku poe e ae i hoehaia iloko o ka mana\va i hookuiia ai kekahi kaaahi e lawe aiia i ka poe makaikai a e holo aku aha, me. kekahi kaaahi lawe ohua e holo hema mai ana, ma ka laina kaaahi Cincinnati, Lehanon ame Northern, ma kekahi hale hoolulu kaaahi mawaho loa o keia kulanakauhale. Ua manaoia o ke kumu o ka hooku'i ana, no ka maopopo ole o na kauoha.