Ka Nupepa Kuokoa, Volume LXI, Number 31, 3 August 1922 — E HOOKOIA KE KANAWAI ME KA IKAIKA LOA. [ARTICLE]

E HOOKOIA KE KANAWAI ME KA IKAIKA LOA.

✓ La ku a menemene maoli ka noonoo iloko o keia mau mahina e nee nei, i ka. nui o na hana hoopoino, a limanui, i lawelaweia nialuna o na wahine ame na kaikamahine opio, e ka poe kolohe, 1.0 ia mau hana nae, ka keia pepa e hoakaka nei, ua hoea mai i ka manawa e hookoia ai ke kanawai, me ka ikaika, me ke komo ole o na manao aloha no ka poe e kau aku ana na ahewa ana no ka lakou hana karaima. La heluhelu kakou i ka moolelo o kekahi hana hoopoino. i lawelaweia mai nei ma Hawaii, maluna o:kekahi kaikamahine Kepani uuku, o umi wale no makahiki. Ma ka mea oiaio maoli,

ua ku i ke karaima pepehikanaka, ke ano o ka hewa o ka hanaia ana; no ka mea ua hoolala maoli ia kela hana, me ka manao kolohe, ma o ka. hoopilikiaia ana aku o na makua o ke kaikamahine opio, a hooko okoa ia aku la hoi ka hana hoohaumia, maluna o ke kaikamahine, a kakou e olelo ae ai, aia no oia iloko o kona mau la kamalii. Ma Amerika, a kakou i heluhelu ai i na meahou, i hoounaia mai no Hawaii nei, aole i kakali iho na makaainana, i ka hookau ana aku i ka hoopa'i, maluna o ka mea a niau mea paha e lawelawe ana i na hana hopoino a hoopilikia maluna o na wahine; e lawe okoa ana lakou i ke kanawai, iloko o ko lakou mau lima, ma ka hopu ana i kela poe kolohe, a li aku ia lakou maluna o na kumulaau ; a i ole puhi aku paha ia lakou i ke ahi; a i kekahi manawa, e kaili okoa mai ana lakou, i na lawehala, mailoko mai o ka mana o na luna oihana o ke aupuni. Aole e hiki ia kakou ma Hawaii nei, ke hooko aku ia ano hana, no ke kumu, he poe maka'u kakou i ke kanawai; ina nae penei iho la ka lawelawe mau ia o na hana hoopoino, i na wahine ame na kaikamahine, e ala okoā mai ana na manao inaina o ka lehulehu, a hookau aku i ka hoopa'i, maluna o ka poe kolohe mai, he hana naauao, ma ko lakou aoao, ka hoolako ana, me kekahi mau mea e hookauia aku ai ka weli maluna o ka poe kolohe. O ka hoopa'i, 110 ke karaima hoopoino i na kaikamahine opiopio ma ke ano hoohaumia, i hooholoia ma na kanawai, o kekahi mau mokuaina ma Amerika, o ia no ka make, a ma kekahi mau mokuaina hoi, e oki okoa ia ana ka ope'a o ke kanaka hana karaima. O ka make, ka hoopa'i kupono loa, no kela mau kanaka na laua i hoopoino i ke. kaikamahine Kepani ma Hawaii, ke ahewaia laua e ke kanawai; ua pau ka hookuukuu wale ana i ka poe e ahew'aia ana no kela ano karaima, o lilo auanei ka hookoeia ana o ko laua mau ola, i kumu no kekahi poe e ae, e lawelawe aku ai no i kela ano hana hookahi, mamuji o ka manao ana, e hookoeia ana 110 ko lakou ola, ke pili ka hewa ia lakou. Ma ka manawa a ka Lunakanawai Kaapuni Andrade, i liookau aku ai i ka hoopa'i hoopaahao apau ke ola maloko o ka halepaahao, maluna o na kanaka opio, i hopuia ai 110 ka hewa powa, a hoopoino i kekahi wahine, ma Lioilolulu nei, ua manaoia, he kumu ia e ha'i mai ai ka hana* powa, aole nae pela, ua hooko hou ia aku la no he hana powa, me hoopilikia maluna o kekahi wahine opio, mawaho ae nei o Uaimana liila, he hoike maopopo loa keia, aia he heluna, nui.o ka poe kolohe a hana karaima, e hele lanakila mai nei, iloko o keia mau la, e kakali wale ana no, o ka hoea mai i ka manawa e hooko aku ai i ke karaima, i ka wa kupono e ikeia ana. Ua pau nae ko kakou ku wale ana aku a nana, i ka hele lanakila o na hana karaima, ku i ka hoohaahaa, a ka poe kolohe; ua hoea mai i ka manawa a ka lehulehu, e koi aku ai, e laweia ae na keehina wikani apau, i wahi e wi ai ka niho o ka poe kolohe, a e kau aku ai hoi ka weli, i ka poe, i hoolala e lawelawe i na hana powa ame hoopoino i na wahine opio.