Ka Nupepa Kuokoa, Volume LXI, Number 31, 3 August 1922 — NA MEAHOU ILOKO O MAUI I HUIIA. [ARTICLE]

NA MEAHOU ILOKO O MAUI I HUIIA.

Solomon Hanohano, Esq, Aloha nui kaua:—E oluolu mai kou ahonui e hookomo iho i na meahou o keia mau la e nee nei o na kuaaina ulu lipolipO) o ia iho keia: Ua paa ae nei ka halekahu hou o ka Ekalesia o Kalanikahua Hou, a eia ka Haiolelo L. A. Kanae ke noho mai nei iloko o keia home hou me kona ohana. Ua paa ae nei ka hale hou o ke Kahu Moaea M. Kahiapo ma kona home.ma Pauwela, Maui; a eia o 8. K. Makekau ke pena mai nei i keia mau la. He mau la pilikia keia o Makawao ame Paia i ka wai i keia mau la e nee nei. XJa nee ae nei ke Kahu Moses Kahiapo aia oia ma Pauwela i keia mau la e noho mai nei me kona ohana, no ka nele mai ō Paia i ka wai. Aohe ku iki o ke akule i Maliko i keia mau la. Ua wehe aku 1a ia i ka hohonu. * Nui na apana aina © waiho wale mai nei aohe mahi o na Hawaii, a kanu hoi i ke kalo ,a i ole kanu uala hoi; pehea keia, he hoopulapula no anei ia i keia lahui, o ka noho palaualelol Loheloheia mai, e komo ana ka uwila i Pauwela i keia mau la koke iho. Nui na moho holo lunamakaainana i keia mau la o ke Kalana o Maui. Poho kekahi mau Kepahi kanu halakahiki o Peahi ame Ulumalu i keia mau la. E hoomakaulii ka noho ana e na Hawaii mai keia ]a aku, alaila ike no oe i ka pomaikai. Me keia mau manao pokole, haawi i ke aloha i na keiki oniuhua metala, ame Mr. Lunahooponopono ko 'u adieu. KIU HANU MEAHOU.