Ka Nupepa Kuokoa, Volume LXI, Number 31, 3 ʻAukake 1922 — EHA HE WAHINE MA KA MANWA I HOOKU'I AI KE KAA. [ARTICLE]

EHA HE WAHINE MA KA MANWA I HOOKU'I AI KE KAA.

Mamuli o ka hooku'i ana o kekahi mau kaa otomobile ma ke kihi v o na alanui Campbell ame Monsarratt, ma ka apana o Kapahulu, mahope koke iho o ka hora 4 o ka auwina la o ka Poalima aku la i hala, i halawai ai o Mtb. Arthur Irvine me ka poino mauwale ma o ka haki ana o kona imihoehoe, a no ia eha i laweia ae ai oia noloko o ka Halema'i Moiwahine. O kona kaikaina e kau pu ana me ia nona na makahiki ekolu, oia ka i pakele i ka eha, he mau paholehole liilii wale no kona ma ka lima akau. O kfla hapa omua o ke kaa otomobile e kalaiwaia ana e Aberahama Kaapnu kahi i nahaha, a o ka aoao hema hoi o ke kaa otomobile e kalaiwaia afta e Y. Mikami, ho Ke- j pani, no ka halekaa oto o ke alanui Nuuanu, oia ka i nahaha. Ma ka hoakaka a Joseph Lii, ka makai mokokaikaHt nana i ninaninau pono i ke kumu o ka hooku'i ana o keia mau kaa, ua'pōloM ka Aberahama Kaapu holo aq£ ma ka aoao polo- ' lei o ke alanui, o ke Kepani ka mea i hewa, no kona holo ana aku ma ka aoao i kupono ole iaia e kalaiwa aku i kana kaa ma kela manawa 0 ka hooku'i ana. Mai k Papu Ruger ka Kaapu kaa otomobile o ka holo ana mai a ma ka aoao akau o ke alanui Monsarratt oia o ia holo ana mai, a i ka hoea ana mai o kana kaa i ke kihi o ke alanui Campbell oia ka manawa 1 holo mai ai o Mikami kaa a hoohuli pokole loa ana ae hoi ana e hiki ole ai ia Kaapu ke alo ae o ka holo wale aku no imua, oiai kana kaa e holo ana me ka mama ia manawa, a hooku'i aku la mawaenakonu o ke kaa e kalaiwaia ana e Mikani, a kauoia aku ka Mikami kaa imua no 20 kapuai. Ma ka manawa o ka hooku'i ana o keia mau kaa ua haule like laua iloko o ka auwaha mahai o ke alanui, pela iho la i loaa ai ka poino ia Mrs. Irvine ame kona kaikaina, elike me ia i hoike ae la maluna. Ma ka mea i maa mau ia a i ikeia hoi ma na apana kua o ke kulanakauhale, he oi aku ka holo noonoo 010 o na kalaiwa he poe kuleana pu kekahi me ia i ke alanui, a mamuli no o ia ano i halawai ai kekahi mau kaa lehulehu me na poino mauwale.