Ka Nupepa Kuokoa, Volume LXI, Number 31, 3 ʻAukake 1922 — EWALU MAU MOKU I KOMO MAI ME POINO NO KEIA AWA. [ARTICLE]

EWALU MAU MOKU I KOMO MAI ME POINO NO KEIA AWA.

Iloko o na pule he umi kumamalima i hala e ana mai ka la 5 o Aperila ; 8 mau moku i komo mai i ke awa o Honolulu nei me na poino like ole. 0 na moku i komo mai mamuli o ko lakou halawai ana me na popilikia ma ka moana o ia na mokukuna Malahat ame ka La Merced ame na mokuahi lawe ukana Fairfield City, Valdura, Lurline, Manukai, Manulani ame ka West Ira. Eha o keia mau moku i ili ma kuaau, ka Malahat ma kapakai o Kauai; ka La Merced ma kahi kokoke i ka nuku o ke, awa ae nei o Kou; ka mokuahiFairfield mawaho aku o ka Mokupuni One, a o ka hope loa, o ia ka Valdura, ka mokuahi Pelekane piha i ke kopaa mai- j Manila mai, mawaho mai o ke awa o Puuloa. J "Ua like ke awa o Honolulu me kekahi halema'i a puuhonua hoi no na moku e holo ana maluna o ka Pakipika, ma keia awa e hoopauia ae ai na pilikia o kela ame keia moku. 0 Honolulu nei wale no ke awa he alahukimoku kekahi mawaena o ke kapakai Pakipika o Amerika, I<ianila ame Auseteralia, a ua ikeia ia ua o ke ku mau ana mai o na moku i halawai me na< pilikia like ole i keia awa ma ko lakou manawa e halawai ai me na poino ma ke alahele moana. Me keia mau ano e ikeia nei i nei manawa aohe ninau ana iho iloko o ka noonoo o kela ame keia o ke kipa mau ana mai o na moku i Honolulu nei he mea koho wale aku no ia, no ka mea, o Hawaii nei ka puuoioina o na moku e holo ana i ka Hikina Loa a e holo mai ana mai ka Hikina mai no Amerika Akau ame Amerika Hema, nolaila i loaa ai he akea lawa loa maloko o ke awa no na moku e ku mai ana, he mea pono e hoopau koke ia kahana 0 ka eli ana i ke kowa i hookoeia a pola hoi me ke awa o Kalihi," wahi a Kapena Foster ma kana leka 1 ka Papa Komiaina o na awapae.