Ka Nupepa Kuokoa, Volume LXI, Number 31, 3 ʻAukake 1922 — HE HOALOHALOHA NO KUU MAMA. [ARTICLE]

HE HOALOHALOHA NO KUU MAMA.

Mr. Soloraon Hanohano, Aloha oe: —E oluolu mai iio'u kekahi wahi kaawale o ka kaua hiwahiwa ka Nupepa Kuokoa. Ma ka la 6 o lulai, ua kau aku ma ka Kea no Kohala, ua haiia mai he ma'i ko kuu mama, ma ka pule mua o lulai, e hoi mai ana kuu mama me a'u i Honolulu nei; eia nae aole i hiki mai, a holo aku au. Eia ka o ka holo ana ia i ike hope ai i kuu mama aloha. He mea nui au iaia. Ma ka la 14 o lulai 1922, i pauaho mai ai kuu mama, a hele hookahi aku Ia oia. Auwe kuu minamina pau ole i kuu mama! No'u ka ma'i, aia kuu mama i Honolulu nei. E Honolulu, e ka Ua Kukalahale ke kaona i ka uluwehiwehi, kahi a kuu mama i holoholo ai, aole au i manao e haalele koke • mai ana oia. Hookahi no mahina me elua pule konama'i ana. He hiki no iaia ke hele. Poalua moe i kahi moe, o ka moe no ka ia moe aku la i ka moe kau a moe hooilo. Lihaliha wale hoi au e i kuu mama. Ua haalele iho oia ia makou kana poe keiki me ka papa o makou me ka luuluu. Owau no ka laua hiapo. Kuu maaia puuwai hamama i na mea apau e loaa ana iaia. E hoonana ae ana i ke aloha, pehea la ia e pau aif Ke hoomaikai aku nei au i ka ohana na hoaloha, na makamaka i hoea mai i na hora hope no ka ike ana i ka helehelena o kuu mama; ua hemahema ka hale, aole o mama e kahea hou mai ana. E kuu aina aloha e Kohala, Kohala, i ka makani Apaapaa ua pau ka holoholo hou ana o kuu mama ma kou mau alanui, kuu mama hoomanawanui i na hana apau. E au ia ana ke kai e kuu mama ia makou na keiki. Ua nalo ka maka o kuu mama, ke hoomaikai aku ne'i au ia oe e Rev. Kamau no kau haipule, ana maluna o kuu mama ame kau haiolelo hoalohaloha e poina ole ai ia 'u, a me kou hele pu ana me makou no kona huakai hope loa. O Maui o Kama ke onehanau o kuu mama hele loa, ua pau kona lei ana i ka lei roselani kapu ou e Maui ame kona kilohi ana i kou mau luhiehu, nolaila ua ko ka olelo o ka buke e hoi ka lepo i ka lepo. Nolaila o makou na keiki i hooneleia i ka oiama, ke haawi aku nei i ko makou aloha ame na hoomaikai i ka poe apau i akoakoa pu mai e kumakena pu me makou E hoomaikaiia ka makua, Nana no i haawi mai, a Nana no i lawe aku. Me oe e Mr. Lunahooponopono o ke Kuokoa ame na keiki oniu hua metala o kou papapa'i ko'u welina pau ole . 0 maua iho no me ka luuluu. NED LINCOLN JR., MARYAN LINOOLN,